Sexamos mellores mestres. Como ofrecer o libro Ensina

Por que é importante? O libro Ensina é a principal axuda coa que contamos para explicar as ensinanzas da Biblia ás persoas. Pero para estudar con elas, primeiro teñen que quedar co libro. Así que todos debemos esforzarnos por ser hábiles á hora de ofrecelo cando predicamos (Pr. 22:29). Hai moitos xeitos de facelo, e cada un de nós pode usar o que mellor lle funcione. Vexamos algunhas suxestións.

Como fago?

Fai unha pregunta que lle chame a atención á persoa e vai á parte do libro na que se contesta. Quizais podes utilizar unha das preguntas que aparecen ó comezo de cada capítulo. Escoita a súa resposta, le algún texto bíblico que encaixe ben e despois móstralle no libro un parágrafo relacionado co tema. Se o ves axeitado, podedes comentar o contido do parágrafo.
Outra opción é utilizar as páxinas de inicio para espertar o interese na persoa e entón mostrarlle no libro a resposta que dá a Biblia. Por exemplo, podes comentar algunha mala noticia recente e explicarlle que moita xente se fai as preguntas que aparecen na páxina 3. Ou podes dicir que estás visitando os veciños para compartir unha mensaxe positiva acerca do futuro. A continuación, móstralle as ilustracións das páxinas 4 e 5 e pregúntalle: “Cal destas promesas lle gustaría que se cumprise?”. Outra posibilidade é dicir que estás facendo visitas breves para axudar ás persoas a atopar respostas ás grandes cuestións da vida. Entón, podes ensinarlle as preguntas que aparecen na parte inferior da páxina 6 e preguntarlle cal lle interesa máis.
Usa o método directo para comezar cursos da Biblia. Podes dicir algo así: “Estamos presentando ós nosos veciños este libro, que explica as ensinanzas básicas da Biblia. Xa o coñece? [Deixa que responda.] Se ten uns minutos, gustaríame demostrarlle coa súa propia Biblia como pode usalo”.

Por que non o probas este mes?

Practica as presentacións durante a Adoración en Familia.
Cando esteas predicando, comenta co compañeiro como vas presentar o libro (Pr. 27:17). Se a presentación non che dá bo resultado, proba cunha diferente.