Necesitamos prepararnos para ensinar con mestría
A Xesús fixéronlle a mesma pregunta acerca da vida eterna polo menos dúas veces, pero respondeu de diferentes xeitos, adaptándose así ás necesidades de quen lla fixera (Lc. 10:25-28; 18:18-20). Nós tamén debemos prepararnos tendo en mente a persoa coa que estudamos a Biblia, aínda que coñezamos ben a información que imos analizar con ela. Que ideas lle pode custar entender ou aceptar? Que textos bíblicos imos ler? Canta información imos abarcar? Quizais sexa necesario que levemos preparado un exemplo, algunha explicación a maiores ou preguntas que lle axuden a entender a información. Xa que Xehová é quen fai medrar a semente da verdade, non esquezamos pedirlle que bendiga a nosa preparación, o estudante e tódolos nosos esforzos por axudalo espiritualmente (1a Cor. 3:6; Sant. 1:5).