Como facer reunións para predicar que sexan prácticas?

As reunións para predicar, igual que tódalas reunións de congregación, son un regalo de Xehová que nos permiten animarnos uns ós outros ó amor e ás boas obras (Heb 10:24, 25). Deberían durar entre cinco e sete minutos, incluíndo a organización dos grupos e do territorio, e tamén a oración. Cando se fan despois doutra reunión de congregación teñen que durar aínda menos. O irmán que a dirixe debe preparar algo que sexa práctico para os que van predicar ese día. Por exemplo, os sábados adoita haber moitos irmáns que non predican durante a semana, por iso podería ser bo simplemente repasar algunhas ideas para conversar coas persoas. Que outros temas poderían analizarse nas reunións para predicar para que estas sexan prácticas?

• Unha das conversas de mostra do Caderno de Estudo Vida e Actividades Cristiás.

• Como comezar unha conversa utilizando unha noticia recente.

• Como vencer unha obxección común na zona.

• Como responderlle a un ateo, a un evolucionista, a alguén que fala outro idioma ou a unha persoa que pertence a unha relixión que non é común na zona.

• Como usar o sitio de Internet jw.org, a aplicación JW Library^® ou a Biblia.

• Como usar unha das ferramentas básicas de ensino.

• Como participar nalgunha faceta específica da predicación como a predicación telefónica, por carta, pública, as revisitas ou os cursos da Biblia.

• Recordatorios sobre seguridade, ser adaptables, ser considerados, ter unha actitude positiva ou temas semellantes.

• Unha lección ou un vídeo do folleto Melloremos na lectura e no ensino.

• Como animar e axudar o noso compañeiro de predicación.

• Un texto bíblico relacionado coa predicación ou unha experiencia animadora.