Sácalles partido ás imaxes

As nosas publicacións están cheas de imaxes que nos ensinan leccións importantes. Como podes sacarlles o máximo partido a estas axudas visuais?

• Míraas antes de ler o artigo. As imaxes poden despertar a túa curiosidade e motivarte a ler a información. Verdade que con só ver un prato de comida rica xa che entran ganas de probala? Pois, de maneira parecida, terás máis ganas de ler un artigo se primeiro miras as imaxes. Así que, antes de nada, pregúntate: “Que vexo?” (Amós 7:7, 8).

• Mentres les o artigo, pensa en por que se escollerían esas imaxes. Le os pés de imaxe e as descricións, se as hai. Pensa en como se relaciona cada imaxe co artigo e en como podes aplicar na túa vida o que aprendes delas.

• Despois de ler o artigo, usa as imaxes para repasar as ideas clave. A continuación pecha os ollos e intenta recordar as imaxes e o que aprendiches grazas a elas.

• Por que non volves a mirar as imaxes desta revista e ves se es capaz de recordar o que che ensinaron?