ASPECTO DA ORATORIA 2

Naturalidade

2 Corintios 2:17

EN QUE CONSISTE? Ser un mesmo, falar dende o corazón e transmitir os sentimentos que un ten cara ó tema e ós presentes.

Ora a Xehová e prepárate ben. Pídelle a Xehová que che axude a concentrarte na información que vas presentar e non nos nervios que poidas sentir. Ten claros os puntos principais. Exprésate coas túas propias palabras e non te limites a repetir ó pé da letra a información impresa.

Se vas ler da Biblia ou doutra publicación, familiarízate coa lectura ata que poidas facela con fluidez. Se aparecen citadas as palabras de alguén, leas con sentimento pero sen chegar a ser dramático.
Fala dende o corazón. Pensa por que os presentes necesitan escoitar a información. Céntrate neles. Entón, a túa postura, xestos e expresións faciais transmitirán agarimo e interese sincero.

Non confundas a naturalidade coa informalidade. Mantén a dignidade da mensaxe pronunciando as palabras correctamente e respectando a gramática.
Mira o auditorio. Mantén o contacto visual sempre que non resulte ofensivo. Cando deas un discurso, non te limites a mirar todo o grupo en conxunto. Máis ben, vai mirando cada un dos presentes de maneira individual.