ASPECTO DA ORATORIA 19
Chegar ó corazón
Proverbios 3:1
EN QUE CONSISTE? Axudar ó auditorio a comprender o valor do que escoita e a poñelo en práctica.
COMO LOGRALO?
Axuda ós presentes a facerse un autoexame. Usa preguntas retóricas para que o auditorio reflexione sobre os seus propios sentimentos.
Apela ós bos motivos. Convida os presentes a pensar por que fan cousas boas. Axúdalles a cultivar os mellores motivos: o amor a Xehová, a outras persoas e ás ensinanzas da Biblia. Razoa con eles, non trates de darlles leccións. No canto de avergoñalos, remata a presentación animándoos e motivándoos a seguir esforzándose ó máximo.
Dirixe a atención a Xehová. Destaca como as ensinanzas, os principios e os mandatos que atopamos na Biblia poñen de manifesto as calidades de Deus e o amor que nos ten. Axuda ó auditorio a pensar en como se sente Xehová e en como podemos agradalo.