2. Traballo en equipo

QUE IMPLICA

Cando o home e a muller traballan en equipo son coma un piloto e un copiloto co mesmo plan de voo. E cando aparecen os problemas cada un deles afróntaos pensando nos dous e non en si mesmo.

O QUE DI A BIBLIA: “Xa non son dous, senón unha soa carne” (Mateo 19:6).

“O matrimonio non é cousa dun só. O home e a muller deben traballar xuntos para que vaia ben” (Christopher).

POR QUE É IMPORTANTE

Se o home e a muller non traballan en equipo, cando aparece un problema adoitan atacarse entre eles en vez de centrarse no problema. Ata as cousas máis pequenas se converten en grandes obstáculos.

“O traballo en equipo é a esencia do matrimonio. Se o meu home e mais eu non fósemos un equipo, non seriamos un matrimonio senón compañeiros de piso, dúas persoas que viven xuntas pero que non se poñen de acordo á hora de tomar decisións importantes” (Alexandra).

QUE PODES FACER

PREGÚNTATE

• Penso que os cartos que gaño son só meus?

• Teño que estar lonxe da miña parella para relaxarme?

• Manteño a distancia coa familia da miña parella aínda que eles teñan unha relación moi estreita?

PARA QUE FALEDES EN PARELLA

• En que ámbitos do matrimonio traballamos ben en equipo?

• En cales temos que mellorar?

• Que temos que facer para mellorar o noso traballo en equipo?

CONSELLOS

• Imaxina que o teu matrimonio é un partido de tenis. Non vexas a túa parella coma o teu rival, máis ben pensa que cousas podes facer para que xoguedes os dous no mesmo equipo.

• Non penses en como podes gañar ti, senón en como podedes gañar os dous.

“Deixa de pensar en quen ten a razón e en quen non. É moito máis importante que o matrimonio teña paz e estea unido” (Ethan).

O QUE DI A BIBLIA: “Non mirar cada un polo que lle ten conta a el, senón tamén polo que llela ten ós outros” (Filipenses 2:3, 4).