Por que existe a maldade e o sufrimento?

Cando hai unha desgraza é normal preguntarse: “Por que?”. Alégranos moito que a Biblia dea unha resposta clara a esta pregunta.

1. Como introduciu Satanás a maldade no mundo?

Satanás o Demo rebelouse contra Deus. Quería mandar nos demais, así que influíu nos primeiros humanos, Adam e Eva, para que se unisen á súa rebelión. Para conseguilo contoulle unha mentira a Eva (Xénese 3:1-5). Fíxolle pensar que Xehová a estaba privando inxustamente de algo bo. Insinuou que os humanos serían máis felices se non obedecían a Deus. Satanás contou a primeira mentira ó dicirlle a Eva que non morrería. Por iso a Biblia lle chama “mentireiro e pai da mentira” (Xoán 8:44).

2. Que decidiron facer Adam e Eva?

Xehová foi moi xeneroso con Adam e Eva. Díxolles que podían comer de tódalas árbores do xardín de Edén menos dunha (Xénese 2:15-17). Pero aínda así, decidiron comer daquela árbore. Eva “colleu do froito e comeu” e máis tarde Adam tamén o fixo (Xénese 3:6). Os dous desobedeceron a Deus. Como eran perfectos, tiñan a inclinación natural a facer o correcto. Pero ó desobedecer de maneira intencionada, pecaron e rechazaron o dereito que ten Deus a decidir o que está ben e o que está mal. Esta decisión causoulles moito sufrimento (Xénese 3:16-19).

3. Como nos afecta a nós a decisión de Adam e Eva?

Cando Adam e Eva pecaron, volvéronse imperfectos e transmitíronlles a imperfección a tódolos seus descendentes. Falando de Adam, a Biblia di: “O pecado entrou no mundo por un home só, pero como polo pecado entrou a morte, a morte pasou a tódolos homes” (Romanos 5:12).

Sufrimos por moitas razóns. Ás veces sufrimos porque tomamos malas decisións. Outras, porque os demais toman malas decisións. E outras, porque estamos no sitio equivocado no momento equivocado (le Eclesiastés 9:12).

AFONDA MÁIS

4. O culpable do noso sufrimento

Moitas persoas cren que é Deus quen controla o mundo. É certo iso? Poñede o VÍDEO.

VÍDEO: Quen controla o mundo? (1:24)

Lede Santiago 1:13 e 1 Xoán 5:19 e logo comentade esta pregunta:

• É Deus o culpable da maldade e o sufrimento?

5. Analiza os resultados do goberno de Satanás

VÍDEO: Por que permite Deus o sufrimento? (fragmento) (3:07)

Lede Xénese 3:1-6 e logo comentade estas preguntas:

• Que mentira contou Satanás? (Ver os versículos 4 e 5).

• Como deu a entender Satanás que Xehová estaba privando os humanos de algo bo?

• Segundo Satanás, necesitan os humanos que Xehová os goberne para ser felices?

Lede Eclesiastés 8:9 e logo comentade esta pregunta:

• Como lle foi ó mundo dende que Xehová non é o seu gobernante?

1. Adam e Eva eran perfectos e vivían no Paraíso. Pero fixéronlle caso a Satanás e rebeláronse contra Xehová

2. Despois da rebelión, o mundo encheuse de pecado, sufrimento e morte

3. Xehová acabará co pecado, o sufrimento e a morte. Os humanos volverán a ser perfectos e vivirán no Paraíso

6. Xehová preocúpase polo noso sufrimento

Impórtalle a Deus que suframos? Fíxate no que escribiron o rei David e o apóstolo Pedro. Lede Salmo 31:8 (31:7, TNM) e 1 Pedro 5:7 e logo comentade esta pregunta:

• Como te sentes ó saber que Xehová se dá conta do teu sufrimento e se preocupa por ti?

RESUMO

Satanás, Adam e Eva son os principais culpables da maldade que hai no mundo. Xehová preocúpase moito polo noso sufrimento e pronto reparará todo ese dano.

Repaso

• Que mentira lle contou Satanás a Eva?

• Como nos afectou a todos a rebelión de Adam e Eva?

• Como sabemos que Xehová se preocupa polo noso sufrimento?

INVESTIGA

Aprende como define a Biblia o pecado.

“Que é o pecado?” (Artigo web)

Le máis sobre a acusación que lanzou Satanás no xardín de Edén.

“Por que permite Deus o sufrimento?” (La Atalaya, 1 xaneiro 2014)

Analiza as tranquilizadoras respostas que dá a Biblia a unha pregunta difícil.

“Por que sucedeu o Holocausto? Por que Deus non o impediu?” (Artigo web)

Mira o que aprendeu un home sobre o sufrimento que había arredor del.

Xa non estou só (5:09)