LECCIÓN 38
Agradece o regalo da vida
A vida está chea de cousas marabillosas. E mesmo cando temos problemas podemos desfrutar dalgunhas delas. Como podemos demostrar que agradecemos o regalo da vida? E cal é a razón máis importante para facelo?
1. Por que debemos valorar a vida?
Debemos valorar a vida porque é un regalo do noso agarimoso Pai, Xehová. A Biblia di que el é “a fonte da vida” porque creou tódalas formas de vida (Salmo 36:10 [36:9, TNM]). Tamén di que “a todos dá vida e alento” (Feitos 17:25). Xehová dános o que necesitamos para estar vivos e ademais fai posible que poidamos desfrutar da vida (le Feitos 14:17).
2. Como lle podemos demostrar a Xehová que valoramos o regalo da vida?
Dende o momento no que fuches concibido, Xehová preocupouse por ti. Nunha oración que Xehová incluíu na Biblia, un dos seus servos díxolle: “O meu embrión víano os teus ollos” (Salmo 139:16). Xehová valora moito a túa vida (le Mateo 10:29-31). Doeríalle moito que alguén acabase coa vida doutra persoa de maneira intencionada, ou incluso coa súa propia vida (Éxodo 20:13).a Tamén lle doería que puxésemos a nosa vida en perigo de maneira innecesaria ou que non tomásemos precaucións para protexer a dos demais. Cando coidamos a nosa vida e respectamos a dos demais, demostramos que agradecemos o fermoso regalo da vida.
AFONDA MÁIS
Analiza algunhas maneiras nas que podes demostrar que agradeces o regalo da vida.
3. Coida da túa saúde
Cando nos dedicamos a Xehová, prometémoslle que sempre faremos o que el quere. Por iso usamos toda a nosa vida para servilo. É como se lle ofrecésemos os nosos corpos como sacrificio. Lede Romanos 12:1, 2 e logo comentade estas preguntas:
Que debería impulsarte a coidar da túa saúde?
De que maneiras podes facelo?
4. Toma medidas para evitar danos ou mortes accidentais
A Biblia anímanos a evitar accións perigosas. Poñede o VÍDEO para ver que cousas podes facer para manter a seguridade.
Lede Proverbios 22:3 e logo comentade que podes facer para que ti e os demais esteades seguros...
na túa casa.
no teu traballo.
cando practicas algún deporte.
cando conduces ou vas en calquera vehículo.
5. Respecta a vida dos bebés que aínda non naceron
De maneira poética, David falou de canto lle importa a Xehová a vida e o crecemento dun bebé que aínda non naceu. Lede Salmo 139:13-17 e logo comentade esta pregunta:
Para Xehová, cando empeza unha vida? Cando se concibe ou cando nace o bebé?
A lei que Xehová lle deu ó pobo de Israel protexía a vida da nai e tamén a do bebé que aínda non nacera. Lede Éxodo 21:22, 23, TNM e logo comentade estas preguntas:
Como ve Xehová a unha persoa que accidentalmente acaba coa vida dun bebé que aínda non naceu?
Como se sentiría se alguén o fai intencionadamente?b
Que pensas do punto de vista de Deus?
Nalgúns casos, incluso unha muller que valora o regalo da vida podería chegar a pensar que o aborto é a súa única opción. Lede Isaías 41:10 e logo comentade estas preguntas:
Se unha muller sente presión para abortar, a quen debería pedirlle axuda? Por que?
HAI QUEN DI: “Cada muller ten dereito a decidir se aborta ou non, é o seu corpo”.
Que te convence a ti de que Xehová valora a vida da nai e a do bebé que aínda non naceu?
RESUMO
A Biblia ensínanos que debemos amar, respectar e protexer o regalo da vida que nos deu Xehová. Isto inclúe a nosa vida e a dos demais.
Repaso
Por que valora Xehová a vida das persoas?
Como se sente Xehová cando alguén acaba coa vida doutra persoa de maneira intencionada?
Por que estás agradecido polo regalo da vida?
INVESTIGA
Como podemos darlle as grazas a Xehová polo regalo da vida?
Se unha muller decidiu abortar, pode Deus perdoala?
Aprende como debería influír o punto de vista de Deus sobre a vida nas diversións que escolles.
“Deportes extremos. Deberías arriscarte?” (¡Despertad!, 8 outubro 2000)
Mira como pode axudar a Biblia se unha persoa ten pensamentos suicidas.
“Quero morrer. Pode axudarme a Biblia se teño pensamentos suicidas?” (Artigo web)
a Xehová preocúpase moito polas persoas que se senten desfeitas en sentido emocional (Salmo 34:19 [34:18, TNM]). El entende eses sentimentos tan dolorosos que poden levar a alguén a pensar no suicidio, e quere axudalo para que non se sinta así. Para ver como pode Xehová axudar a loitar contra eses pensamentos, le o artigo: “Quero morrer. Pode axudarme a Biblia se teño pensamentos suicidas?” que aparece na sección Investiga desta lección.
b Se alguén decidiu abortar no pasado, non ten por que estar atormentado pola culpa. Xehová pode perdoalo. Para máis información, consulta o artigo “Que di a Biblia sobre o aborto?” que aparece na sección Investiga desta lección.