Existirá algún sistema económico xusto?

En moitos países as persoas protestan porque senten que as condicións económicas son inxustas. Esta situación empeorou coa pandemia da COVID-19, que provocou que as persoas estiveran máis infelices por culpa do confinamento, da escaseza de alimento e do acceso limitado á atención médica, que fixo máis clara a diferenza entre ricos e pobres.

Acabarán algún día os problemas económicos que fan sufrir as persoas? Si, a Biblia di que Deus poñerá fin a estes problemas.

Problemas económicos que Deus solucionará

Problema: Os seres humanos non foron capaces de conseguir un sistema económico que solucionara os problemas de tódalas persoas.

Solución: Deus substituirá os gobernos humanos por un único goberno, chamado o Reino de Deus. Este reinará dende o ceo sobre toda a Terra (Daniel 2:44; Mateo 6:10).

Resultado: Este goberno, o Reino de Deus, solucionará tódolos problemas da Terra. Xa non haberá máis pobreza e ninguén terá medo de non ter o suficiente para vivir (Salmo 9:8-10, 19 [9:7-9, 18, TNM]). Pola contra, as persoas desfrutarán do seu traballo e vivirán felices xunto coa súa familia. A Biblia promete: “Construirán casas e habitaranas e plantarán viñas e comerán os seus froitos. Non construirán para que outro habite, nin plantarán para que outro coma” (Isaías 65:21, 22).

Problema: As persoas non poden evitar algunhas situacións que lles fan sufrir e lles impiden ter o necesario.

Solución: O Reino de Deus eliminará todo o que nos cause medo e inseguridade.

Resultado: Baixo o seu goberno, Deus non permitirá que as familias perdan o que necesitan para vivir. Por exemplo, xa non existirán máis as guerras, a fame e as pandemias (Salmo 46:10 [46:9, TNM]; 72:16; Isaías 33:24). Deus di: “Entón o meu pobo vivirá nun campo de paz, en casas seguras e en mansións tranquilas” (Isaías 32:18).

Problema: As persoas egoístas e cobizosas adoitan aproveitarse doutras.

Solución: Baixo o Reino de Deus, aprenderemos a amar máis a outras persoas que a nós mesmos (Mateo 22:37-39).

Resultado: Cando Deus goberne todos demostraremos o seu amor, ese tipo de amor “non busca a súa comenencia” (1 Corintios 13:4, 5). A Biblia di: “Ningún será malvado nin fará o mal en todo o meu monte santo: o país estará cheo de coñecemento do Señor, o mesmo que as augas enchen o mar” (Isaías 11:9).

A Biblia explica que vivimos nos últimos días deste sistema e que Deus pronto cumprirá a súa promesa de poñer fin a tódolos problemas económicos.a (Salmo 12:6 [12:5, TNM]). Mentres tanto, os principios da Biblia axudaranche a facerlle fronte ós problemas económicos. Podes consultar os artigos “Cómo vivir con menos” e “Una opinión realista del dinero”.

Ideas erróneas sobre a Biblia e a economía

Idea equivocada: A pobreza nunca rematará porque Xesús dixo: “Ós pobres sempre os tendes convosco” (Mateo 26:11).

Realidade: Xesús quería dicir que mentres exista este mundo inxusto haberá xente pobre. Non obstante, cando Xesús lles anunciaba a “Boa Nova ós pobres”, tamén lles dicía que o Reino de Deus acabaría para sempre coa pobreza (Lucas 4:18, 43).

Idea equivocada: As persoas que queren agradar a Deus deben ser pobres, porque Xesús dixo: “Vai, vende canto tes, e dállelo ós pobres” (Mateo 19:21).

Realidade: Con estas palabras, Xesús non quería dicir que tódolos seus seguidores deberían ser pobres. El estaba falando cun mozo que estaba distraído polas súas riquezas. Xesús animouno a simplificar a súa vida e a aceptar a invitación de ser o seu seguidor.

Idea equivocada: Deus bendí as persoas facéndoas ricas porque a Biblia di: “É a bendición do Señor a que fai rico” (Proverbios 10:22).

Realidade: Cando a Biblia fala da “bendición do Señor”, refírese a ser rico espiritualmente, por exemplo, tendo unha vida con sentido, unha boa relación con Deus e unha fermosa esperanza para o futuro (Salmo 25:14; Xoán 17:3). Aínda que no pasado Deus bendiciu os seus servos con riquezas, a maiorías dos que se fixeron cristiáns non eran ricos (Xénese 24:34, 35; Santiago 2:5). Incluso Xesús tiña poucas cousas materiais (Mateo 8:20).

Idea equivocada: A Biblia ensina unha forma de comunismo, di acerca dos irmáns do primeiro século: “tiñan todo en común: vendían os seus bens e propiedades” (Feitos 2:44, 45).

Realidade: Aquí a Biblia fala dun arranxo temporal que se fixo para cubrir as necesidades dalgúns que se acababan de bautizar. Estas persoas viaxaran a Xerusalén para asistir á festa xudía do Pentecostés (Feitos 2:5). Pero cando se fixeron cristiáns, tiveron que quedar en Xerusalén para poder aprender máis e fortalecer a súa fe. Como resultado os seus irmáns cristiáns ofrecéronse a darlles todo o que necesitaban (Feitos 2:41, 42, 46, 47).

a Para saber por que podes confiar na Biblia podes ver o artigo “La Biblia tiene la verdad”.