Jeremias
47 Faraoh-n Gazacher akromonn korchea poilim, Filistevkaram vixim Jehovacho ho sondex Jeremias provadeak mellʼllo. 2 Jehova oxem mhunntta:
“Polloi! Utʼtore thaun udok voir ieta.
Tea udka udexim buddʼtti ietoli.
Ani tem akʼkho des ani tantunt asa tem soglem buddoun uddoitolem,
Xarak ani tantunt ravtoleank buddoun uddoitolem.
Sogle lok roddttole,
Ani tea desant ravpi sogle lok vhoddlean bob martole.
3 Tache ghodde dhanvtat to avaz aikon,
Tachea zhuzachea rothancho avaz aikon,
Ani chakancho avaz aikon,
Bapui aplea putank fattim vollon pasun pollounchenant,
Karonn tanche hat gollon poddttole.
4 To dis ieta, jednam soglea Filistevkarancho nas zatolo,
Tea disa Tir ani Sidonak modot kortale, tea urlolea soglea raxttrancho nas zatolo.
Karonn Jehova Filistevkarancho,
Mhunnche, Kaftor* zunvear urlolea lokancho nas kortolo.
5 Gaza khoddʼddo zatolo.*
Ashkelonak vogi korun soddla.
Tanchea falkeachea moidanar* urlolea lokamno,
Tumi kednam poriant tumchea angar ghave korit ravtole?
6 Jehovachea tolvari!
Tum kednam xant zatoli?
Tujea begant* voch.
Visov ghe ani vogi rav.
7 Tika Jehovan adnea dilea zalear
Ti vogi koxi ravonk xokta?
Tannem tika Ashkelona add
Ani doria deger aslolea vattaram add nemlea.”