ODHEAI 18
Khorea Kristanvank Tumi Koxim Vollkhotolim?
Aiz kottʼtteamnim lok apunn Kristanv mhunn sangtat. Punn tanchi patienni ani jiepachi chal eka-meka poros veglli asa. Tor khorea Kristanvank ami koxim vollkhotolim?
1. Khorim Kristanvam konn zaun asat?
Jezu Kristacho pattlav kortat ani tache xikounne pormonnem jietat tim khorim Kristanvam zaun asat. (Itihas 11:26 vachat.) Jezun mhunnttlem: “Tumi mhojem utor manun ghetat zalear tumi khorench mhoje xis.” (Juanv 8:31) Hacho orth, khorea Kristanvamnim Jezuchea xikounne pormonnem cholop gorjechem. Jezun sodanch Devachea Utra pormonnem xikoilem ani khorim Kristanvam pasun toxench kortat.—Lukas 24:27 vachat.
2. Khorim Kristanvam eka-mekak mog koso dakhoitat?
Jezun aplea pattlavdarank mhunnttlem: “Hanvem zoso tumcho mog kela tosoch tumi eka-mekacho mog korat.” (Juanv 15:12) Jezu aplea xisancho mog kortalo mhunn tannem koxem dakhoilem? Tannem tanchea sangata vell sarlo, tankam urba dili ani tankam modot keli. Tannem tanchea pasot aplo jiv pasun dilo. (1 Juanv 3:16) Toxench, aiz khorim Kristanvam, dusreancho mog korunk zai mhunn fokot xikoinant punn tim aplea korneamnim eka-mekak mog dakhoitat.
3. Khorim Kristanvam khoinchem kam mhotvachem oxem lekhtat?
Jezun aplea xisank “Devachem Raj porgottunk” kam dilem. (Lukas 9:2) Adlim Kristanvam fokot apleach lokank vo aple sobhe bhitoruch porgott korinaslim. Punn, tim ghor-ghoramnim ani lok melltta thoim vochon Devachea Rajea vixim porgott kortalim. (Itihas 5:42; 17:17 vachat.) Toxench, aiz khorim Kristanvam lok melltta thoinsor vochon tankam Bible-antlo sondex porgott kortat. Tim lokancho mog kortat dekhun ap-khuxen aplo vell kaddun hem kam kortat.—Marku 12:31.
KHOLAIEN XIKAT
Jezuchea xikounne pormonnem ani tachea udharonnam pormonnem konn choltat ani konn cholonant tankam koxem vollkhonk zata tem polloiat.
4. Khorea Kristanvanchi xikounn Bible-acher adarit asa
Adle Kristanv Devachea Utracho valor kortale, dusreank porgott kortale ani eka-mekacho mog kortale
Thodde lok apunn Kristanv mhunn sangtat. Punn tanchi xikounn ani chal Bible-a pormonnem asona. VIDEO polloun sokol dilʼlea prosnacho zobab zannam zaum-ia.
Kristanv mhunn sangtat te choddxe dhorm Jezuche xikounne thaun koxe pois gele?
Jezuchi xikounn Devachea Utracher adarit asli. Juanv 18:37 vachun sokol dilʼlea prosnacho zobab zannam zaum-ia:
“Sotachea vatten” asat te lok kitem kortole mhunn Jezun sanglem?
5. Khorim Kristanvam porgott kortat
Adle Kristanv Devachea Utracho valor kortale, dusreank porgott kortale ani eka-mekacho mog kortale
Jezun sorgar voichea poilim aplea xisank ek kam dilʼlem jem aiz pasun chalu asa. Matev 28:19, 20 ani Itihas 1:8 vachun sokol dilʼlea prosnacho zobab zannam zaum-ia:
Porgottnnechem kam khoim porian zatolem mhunn sanglam?
6. Khorim Kristanvam porgottʼttat tea pormonnem jietat
Tom nanvachea eka munxak, sotachi vatt mellʼlli mhunn koxi khatri zali? VIDEO polloun sokol dilʼlea prosnanche zobab zannam zaum-ia.
Dhormacher Tom-acho visvas kiteak halʼlo?
Apnnank sot mellʼllem mhunn taka koxi khatri zali?
Choddxe lok amchea utrancher nhoi punn ami koxim vagtat tacher dhean ditat. Matev 7:21 vachun sokol dilʼlea prosnacho zobab zannam zaum-ia:
Jezuk kitem mhotvachem, amchim utram vo amchi vagnnuk?
7. Khorim Kristanvam eka-mekacho mog kortat
Adle Kristanv Devachea Utracho valor kortale, dusreank porgott kortale ani eka-mekacho mog kortale
Khorea Kristanvamnim dusream pasot aplo jiv dokheant ghatlo kai? VIDEO polloun sokol dilʼlea prosnanche zobab zannam zaum-ia.
Lloyd-an Johansson-a pasot aplo jiv dokheant kiteak ghatlo?
To khorea Kristanvam sarko vaglo oxem tumkam dista?
Juanv 13:34, 35 vachun sokol dilʼlea prosnanche zobab zannam zaum-ia:
Jezuche khore xis dusrea zatichea vo desachea lokam sangata koxe vagtat?
Zhuzachea vellar te mog dakhounk kitem kortole?
THODDO LOK MHUNNTTA: “Ami khoinchea-i dhormachi asum, sogleanchi bhokti ekach Devak pavta.”
Devachea khorea sevokamnim kitem korchi goroz asa tem dakhounk tumi khoinchem vers uzar kortolim?
KITEM XIKLIM
Khorim Kristanvam Bible-ache xikounne pormonnem jietat, eka-mekacho mog kortat ani Bible-antlim sotam porgott kortat.
Porot Ugddas Korum-ia
Khorea Kristanvanchi xikounn kiteacher adarit asa?
Khoincho gunn khorea Kristanvanchi vollokh zaun asa?
Khorim Kristanvam khoinchea kamank poilo zago ditat?
ANIK SODHAT
Jezu Kristachea udharonna pormonnem ani tache xikounne pormonnem cholonk vavurtat tea lokam vixim anik zannam zaiat.
Ek bail ji adim madr asli tika khorim bhav-bhoinnam koxim mellʼllim tem polloiat.
“Tannim Soglea Prosnanche Zobab Bible-antlean Dile!” (The Watchtower, April 1, 2014)
Khorim Kristanvam odruxttak sampoddloleank khoro mog koso dakhoitat tem zannam zaiat.
Odruxttachea Vellar Bhav-bhoinnank Modot Kortat —Hacho thoddo bhag (3:57)
Adlea Kristanvam bhaxen aiz khorim Kristanvam Jezuchim pattlavdaram mhunn koxem kolltta tem zannam zaiat.
“Khorea Kristanvank Koxe Vollkhonk Zata?” (The Watchtower, March 1, 2012)