ODHEAI 19
Jehovachim Sakxi Khorim Kristanvam Kai?
Ami Jehovachim Sakxi amkam khorim Kristanvam kiteak mhunnttat? Amchi xikounn kiteacher adarit asa? Ami eka-mekak mog koso dakhoitat? Hea soglea prosnanche zobab amkam hea odheai-ant mellttole.
1. Jehovachea Sakxeanchi xikounn kiteacher adarit asa?
Jezun mhunnttlem: “[Devachem] utor sot.” (Juanv 17:17) Jezu bhaxen Jehovachea Sakxeanchi xikounn pasun Bible-acher adarit asa. Ami Jehovachea Sakxeanchea itihasa vixim zannam zaum-ia. Sumar 1870 hea vorsa khaltea kallzache thodde munis ektthaim ieun Bible khorench kitem xikoita tacher bariksannen obheas korunk lagle. Tea vellar, tankam Bible videarthi mhunnttale. Bible-antli xikounn igorjechea xikounne poros veglli asa mhunn tankam kollon ailem. Tori astana, tannim Bible-antli xikounn manun ghetli ani te dusreankui tea vixim dhiran sangonk lagle.a
2. Ami amkam Jehovachim Sakxi kiteak mhunnttat?
Jehova apli bhokti kortolea lokank Sakxi mhunntta karonn tim tachea vixim sot sangtat. (Hebrevank 11:4–12:1) Udharonnank, adlea kallar Devan aplea lokank, tumi “mhojim sakxidaram” oxem mhunnttlem. (Izaias 43:10 vachat.) Bible-ant Jezuk pasun “Visvaxi Sakxi” mhunnttla. (Prokasovnni 1:5) Teach pasot, 1931-ant ami Jehovache Sakxi hem nanv apnnailem. Ami Jehovachim Sakxi mhunn dusreank sangonk ami khuxal zatat.
3. Jehovachim Sakxi Jezu bhaxen mog koso dakhoitat?
Jezu aplea xisancho khub mog kortalo. To aplea xisank apli famil koxi lekhtalo. (Marku 3:35 vachat.) Teach toren, sonvsarbhor aslolim Jehovachim Sakxi pasun ek famil koxi zaun asa. Taka lagon, tim eka-mekak bhav-bhoinnam mhunnttat. (Filemonak 1, 2) Bible sangta: “Soglea bhav-bhoinnancho mog korat.” Hi-ui adnea Jehovachim Sakxi pallttat. (1 Pedru 2:17) Tim sonvsarbhor aslolea aplea bhav-bhoinnank trasanchea vellar modot kortat ani her vattamnim mog dakhoitat.
KHOLAIEN XIKAT
Jehovachea Sakxeancho itihas zannam zaiat ani tim khorim Kristanvam oxem kiteak mhunnonk zata tache anik purave polloiat.
Khorea Kristanvanchi xikounn Bible-acher adarit asa ani tea vixim tim dusreank-ui sangtat
4. Amchi xikounn Bible-acher adarit asa
Bible-antlea sotam vixim amchi somzonni anik vaddttoli mhunn Jehovan adinch sangon dovorlolem. 2 Korintkarank 4:6 vachun sokol dilʼlea prosnacho zobab zannam zaum-ia:
Bible-acher bariksannen obheas kelʼlean kitem zatolem?
Charles Russell ani tachea sangateamnim Bible-antlim sotam koxim sodhun kaddlim tem polloiat. VIDEO polloun sokol dilʼlea prosnacho zobab zannam zaum-ia.
Charles Russell ani tachea sangateamnim Bible-acho obheas koso kelo?
Tumi zannant?
Bible-antlea vixoi-ancher amchi somzonni thodde pavtti bodolʼlea. Suria sovka-sovkas udeta toso tacho uzvadd vaddtta ani soglem sarkem disonk lagta. Teach toren, Dev amkam aplea Utrachi somzonni sovka-sovkas ukttavi korta. (Mhonnʼnneo 4:18 vachat.) Bible-antlim sotam bodolnant hem khorem, punn zoxi amkam thoddea vixoi-ancher sarki somzonni mellʼllea, toxi amchi somzonni bodolʼlea.
5. Ami Jehova vixim sot xikoitat
Ami Jehovache Sakxi hem nanv kiteak apnnailam? VIDEO polloun sokol dilʼlea prosnacho zobab zannam zaum-ia.
Jehovache Sakxi hem nanv amkam kiteak favo asa?
Deva vixim zaiteo fotti sangloleo asat. Punn Jehova Devan aplea vixim sot kollounk aplea Sakxeank vinchun kaddleant. Atam ami Deva vixim sangloleo don fotti polloum-ia.
Devachi bhokti kortana imajeo uzar korop gorjechem mhunn thodde dhorm xikoitat. Levi-Xastr 26:1 vachun sokol dilʼlea prosnacho zobab zannam zaum-ia:
Hea versa pormonnem imajeo uzar kelear Jehovak koxem bhogta?
Thodde dhormik fuddari Jezu Dev mhunn xikoitat. Juanv 20:17 vachun sokol dilʼlea prosnanche zobab zannam zaum-ia:
Hea versa pormonnem Dev ani Jezu ekuch kai?
Jehova Devan aplea vixim ani aplea Puta vixim sot porgottunk Sakxeank dhaddleant mhunn zannam zaun tumkam koxem dista? Ani kiteak?
6. Ami eka-mekacho mog kortat
Kristi bhav-bhoinnam kuddiche veg-veglle sandhe koxe zaun asat mhunn Bible sangta. 1 Korintkarank 12:25, 26 vachun sokol dilʼlea prosnanche zobab zannam zaum-ia:
Amchim Kristi bhav-bhoinnam trasant astat tednam ami kitem korunk zai?
Jehovachea Sakxeam modem mog asa mhunn tumkam kiteak dista?
Eka desant Jehovachim Sakxi trasant asat zalear sonvsarbhor aslolim her Sakxi rokddinch tanchea adarak koxim pavtat tem zannam zaunk VIDEO polloun sokol dilʼlea prosnacho zobab zannam zaum-ia.
Jehovachea Sakxeamnim vadollak sampoddlolea bhav-bhoinnank koxi modot keli?
Khorim Kristanvam eka-mekacho mog kortat
THODDO LOK MHUNNTTA: “Jehovache Sakxi ho ek novo dhorm.”
Jehova kednam thaun aplea sevokank sakxi mhunn lekhta?
KITEM XIKLIM
Jehovachim Sakxi khorim Kristanvam zaun asat. Ami akʼkhea sonvsarant asat ani ek kuttumb koso jietat. Amchi xikounn Bible-acher adarit asa ani ami Jehova vixim sot kolloitat.
Porot Ugddas Korum-ia
Amkam Jehovachim Sakxi kiteak mhunnttat?
Ami eka-meka thaim koxim vagtat?
Jehovachim Sakxi khorim Kristanvam oxem tumkam dista?
ANIK SODHAT
Amchea itihasa vixim anik zannam zaiat.
Jehovachea Sakxeamnim Korneamnim Bhavarth Dakhoilo, Bhag 1: Kallokhantlean Uzvaddant (1:00:53)
Choddxeo dhormik xikounneo khotteo asat mhunn Jehovachea Sakxeamnim koxem dakhoun dilem tem polloiat.
Jehovachea Sakxeam vixim tumchea monant kosle-i prosn asat zalear tache zobab hanga polloiat.
“Jehovachea Sakxeam Vixim Zaite Pavtt Vincharlole Prosn” (Web page)
Stephen dusrea zatichea lokancho dves kortalo ani tankam marunk voitalo. Jehovachea Sakxeam sangata Bible xiklea uprant tannem aplo sobhav kiteak bodolʼlo tem zannam zaiat.
“Mhojem Jivit Vaittponnant Buddot Aslem” (The Watchtower, July 1, 2015)
a Bible kitem xikoita tem somzaunk Jehovachea Sakxeamnim 1879 hea vorsa thaun The Watchtower, hem masik chhapunk suru kelam.