Jehova Dev Tumchea Magnneancho Koso Zobab Dita Tacher Tumi Dhean Ditat Kai?

Jehova lagim magnnem kelem ani tanchea magnneancho zobab mellʼllo, toslea zaitea Jehovachea sevokanchim udharonnam amkam Bible-ant mellttat. Tanchea uskeam vixim tannim magnnem kelem, ani Jehovan kan diun tankam modot keli tem tannim polloilem tednam, tancho bhavarth khorench khub ghott zalo astolo. Tor ami pasun Jehova lagim magnnem kortat tednam amkam kosle uske vo tras asat, tem ami taka sangonk zai. Ani uprant to amchea magnneancho koso zobab dita tacher dhean diunk zai. Punn ami ugddas dovrunk zai ki Jehovacho zobab ghoddie ami maglam tache poros vegllo asonk puro, vo Jehova ami maglam tachea poros chodd diunk puro. (2Kor. 12:7-9; Ef. 3:20) Tor Jehova amchea magnneancho zobab koxe toren diunk puro?

• Amchea trasancho fuddo korunk Jehova amkam ghottai diunk xokta, xant ravonk modot korunk xokta vo bhavarth vaddounk xokta.—Filp. 4:13

• Boro nirnnoi korunk amkam zannvai diunk xokta.—Jak. 1:5

• Khoinchem-i kam korunk amkam itsa ani boll diunk xokta.—Filp. 2:13

• Amkam usko zata tednam xant ravonk modot korunk xokta.—Filp. 4:6, 7

• Jehova dusreank uzar korun amkam goroz asat teo vostu, bhuzvonn ani urba diunk xokta.—1Ju. 3:17, 18

• Ami magnnem kortat tankam Jehova modot korunk xokta.—D.I. 12:5, 11

JEHOVA MAGNNEM AIKOPI DEV, HO VIDEO POLLOIAT ANI UPRANT HEA PROSNANCHE ZOBAB DIAT:

• Amchi bholaiki bori asona dekhun ami chodd kaim korunk xokonant zalear, bhav Shimizu-chea udharonnantlean amkam koxi urba melltta?

• Ami bhav Shimizu-chi dekh koxi gheunk zata?