ABRIL 29–MAY 5
STOTRAM 34-35
Git 10 ani Magnnem | Survatechim Utram (1 min.)
1. ‘Soglea Vellar Jehovak Vakhannat’
(10 min.)
Oddchonneancho fuddo kortana pasun Davidan Jehovak vakhannlo (St. 34:1; w07-E 3/1 22 ¶11)
Davidan svotachi nhoi, punn Jehovachi vhoddvik keli (St. 34:2-4; w07-E 3/1 22 ¶13)
Davidan mhunnttlolea vakhannʼnnechea utram vorvim tachea sangateank ghottai mellʼlli (St. 34:5; w07-E 3/1 23 ¶15)
David Abimeleka thaun pollon ailo tednam, taka oronnʼnneant 400 munis mellonk aile. Te munis pasun Raza Sauluchea razvottke khala khuxal nasle. (1Sam. 22:1, 2) Davidan stotr 34 boroilem tednam, he munis ghoddie tachea monant asle astole.—St. 34, superscription, NW.
TUMKANCH VICHARAT, ‘Fuddle mittingent konnam-i lagim uloitana, hanvem Jehovak koso vakhannunk zata?’
2. Bible-antlim Motiam
(10 min.)
St. 35:19—“Mhaka zolltat tankam . . . dolle moddunk dium naka.” Davidan mhunnttlolea hea utrancho orth kitem aslo? (w06 5/15 20 ¶2)
Hea sumanantlea Bible vachpantlean tumi koslim motiam sangonk sodhtat?
3. Bible Vachop
(4 min.) St. 34:1-22 (th obheas 5)
4. Ulovop Suru Korop
(2 min.) SONDHI MELLTTA TEDNAM PORGOTTNNI. Sakx diunk sondhi mellchea poilinch, aiknnarea sangata tumchem ulovop bond zata. (lmd odheai 1 mudʼdo 4)
5. Porot Bhett Korop
(4 min.) SONDHI MELLTTA TEDNAM PORGOTTNNI. (lmd odheai 2 mudʼdo 4)
6. Tumchea Patienni Vixim Sangop
(5 min.) Dekhavo. ijwfq-E 59—Vixoi: Ek fest vo porob Devak manvota vo na tem Jehovachim Sakxi koxim tharaitat? (th obheas 17)
Git 59
7. Mittingent Jehovak Vakhannunk Tin Vatto
(15 min.) Bhasabhas.
Mittingent Jehovak vakhannunk amkam bori sondhi asa. Koxi? Ami tin vatto polloum-ia.
Uloitana: Jehova kitlo boro, tea vixim ami bhav-bhoinnam lagim ulounk zata. (St. 145:1, 7) Zoxem, amkam faideak poddla toslo ek mudʼdo ami aikola vo vachla zalear, tea vixim ami tankam sangonk zata. Vo amkam porgottnnent mellʼllolo ek boro onnbhov, vo konnem-i amkam tanchea utram vo korneam vorvim koxi urba dili, vo rochnnecher dhean ditana ami kitem polloun ojap zalim, tea vixim ami tankam sangonk zata. Karonn him soglim Jehovan dilʼlim dennim zaun asat. (Jak. 1:17) Ani hea vixim ulounk, ami mittingek matxe begin ieunk zata.
Zobab ditana: Dor mittingek ek tori zobab diunk proitn korat. (St. 26:12) Udharonnak, tumi eka prosnacher spoxtt toren zobab diunk zata, vo taka zuddlolea khoinchea-i eka vixoi-acher zobab diunk zata. Zoxem, eka versacher, chitracher vo to mudʼdo tumi tumchea jivitant koxim apnnaitolim, tacherui tumi zobab diunk zata. Toxench, tumchea borabor dusrim-i aple hat ubartolim, tor zaite zobab toiar korat. Tea bhair tumche zobab 30 second vo tachea poros unne asat zalear, anikui zaitea zannank “Devak vakhannʼnnecho iodn” bhettounk sondhi mellttoli.—Heb. 13:15.
Gitam gaitana: Urben Raj-gitam gaiat. (St. 147:1) Tumi vhoddle sobhent asat zalear, tumkam dor ek mittingent zobab diunk sondhi mellona zait. Punn gitam gaunchi sondhi tumkam sodanch asa. Tumi bore gavpi nhoi oxem tumkam dista zalear pasun, tumi Jehovak boreantlem-borem ditat tednam to khuxal zata mhunn khatri dovrat. (2Kor. 8:12) Mittingent bore bhaxen gitam gaunk tumi tim ghora practice korunk zatat.
VIDEO dakhoi: Songottnnecho Itihas Ani Vaddavoll—Songit Ek Dennem, Bhag 1. Uprant ho prosn vichar:
Jehovachea songottnnecho aichea kalla voilo itihas polloitat tednam, Jehovak vakhannʼnnechim gitam gavop gorjechem mhunn koxem dison ieta?