POROT BHETT KOROP
ODHEAI 7
Soddun Dium Nakat
Totv: “Te thambonastana xikoit ravle ani . . . bori khobor porgottit ravle.”—Itihas 5:42.
Paulun Kitem Kelem?
1. VIDEO polloiat, vo Itihas 19:8-10 vachat. Uprant hea prosnancher niall korat:
Virodh aslear pasun Paulun xikoupachem kam soddun diunk na mhunn amkam koxem kollon ieta?
Aikonk sodhtale tankam xikounk Paulu kitle pavtti porot gelo, ani oxem tannem kitlo temp poriant kelem?
Paulu Thaun Ami Kitem Xiktat?
2. Porot bhett kortana lokamnim amchem aiklolem ani Bible obheas suru kelʼlo amkam zai zalear, ami vell kaddunk zai ani vavr korunk zai.
Pauluchi Dekh Gheiat
3. Aiknnareak zai tednam vell kaddat. Tumkanch vicharat: ‘Aiknnaro amkam khoim ani kednam ulounk mellttolo?’ Ani, tumi tea vellar dusrem kitem korunk tharailʼlem zalear pasun, taka mellonk vell kaddat.
4. Vell tharaiat. Dor ek pavtti aiknnarea lagim uloun zalea uprant, taka porot mellonk ek vell tharaiat ani tea vellar taka porot mellat.
5. Bhorvonso dovrat. Ek munis tumkam ghora mellona vo to choddso bizi asta zalear, taka aikonk umed na oxem rokddench chintinakat ani soddun dium nakat. (1 Kor. 13:4, 7) Punn oxem kortana tumcho vell ibadd zaina zaunk chotrai dovrat.—1 Kor. 9:26.