POROT BHETT KOROP
ODHEAI 8
Pasiens Dakhoiat
Totv: “Mog pasiens dakhoita.”—1 Kor. 13:4.
Jezun Kitem Kelem?
1. VIDEO polloiat, vo Juanv 7:3-5 ani 1 Korintkarank 15:3, 4, 7 vachat. Uprant hea prosnancher niall korat:
Survatek, Jezuchea bhavamnim tacher bhavarth dovorlo kai?
Jezun, aplo bhav Jakobak modot korpachem soddun diunk na mhunn koxem kollon ieta?
Jezu Thaun Ami Kitem Xiktat?
2. Thoddea lokank bori khobor manun gheunk dusream poros chodd vell lagonk xokta. Tor oslea vellar ami pasiens dakhounk zai.
Jezuchi Dekh Gheiat
3. Dusreo vatto sodhat. Aiknnaro Bible obheas korunk rokddoch toiar zaina zalear, taka fors korinakat. Bible obheas koso zata, ani tache kitem faide asat tem somzonk bori sondhi polloun tumi taka video vo lekh dakhounk zatat.
4. Sor korinakat. Dor ek munis vegllo asa. Tumcho ghorcho vo aiknnaro, Bible xikonk vo xikta tem apnnaunk fattim sorta zalear, tachi poristhiti somzon gheiat. Chintat: ‘Tachea dhormantli umkich xikounn vo riti-rivaz soddunk taka kotthin zata kai? Tachim soirim vo xezarim tacher dobhav ghaltat kai?’ Bible-antlean jem xikta tem somzonk ani tacho valor korunk taka vell diat.
5. Xikonk umed dakhoitoleam pasot magnnem korat. Soddun dina zaunk ani xanneponn uzar korunk Jehova lagim modot magat. Jim xikonk chodd umed dakhoinant, tancho obheas chalu dovorcho vo na tem tharaunk Jehova lagim magnnem korat.—1 Kor. 9:26.