AMCHEM KRISTI JIVIT
Samuela Thaun Ami Kitem Xikonk Zata?
Samuel jivitbhor Jehovak visvaxi ravlo. Oxem ami kiteak mhunnonk zata? To bhurgo aslo tednam Eliche dogui put, Hofni ani Fineiasa bhaxen to vaitt vatten cholonk na. (1Sam. 2:22-26) To vaddot gelo toso Jehova tachea sangata aslo. (1Sam. 3:19) To zanntto zalo tednam tache put Jehovache vatten cholonk nant punn Samuel sodanch Jehovachi seva korit ravlo.—1Sam. 8:1-5.
Tor Samuelachea udharonnantlean bhurgeamnim kitem xikonk zata? Tumkam oddchonneo ietat tednam tumkam koxem bhogta tem Jehova somzota ani tancho fuddo korunk to tumkam modot kortolo mhunn khatri dovrat. (Iz. 41:10, 13) Ani avoi-bapaimnim Samuela thaun kitem xikonk zata? Tache put Jehovachea kaideam pormonnem cholonasle tednam tannim Jehovak visvaxi ravonkuch zai mhunn Samuel tancher dobhav ghalunk xokonaslo. Tem tannem Jehovacher soddlem punn to apunn visvaxiponnan Jehovachi seva korit ravlo. Tor tumchim bhurgim sot soddun geleant zalear, tumi Samuela bhaxen Jehovak sodanch visvaxi ravonk zata ani ghoddie tumchem borem udharonn polloun tumchim bhurgim porot sotant ieunk xoktat.
TANCHEA THAUN XIKAT—SAMUEL, HO VIDEO POLLOIAT ANI UPRANT HEA PROSNANCHE ZOBAB DIAT:
Samuel bhurgo aslo tednam tannem koso dhir dakhoilo?
Danny-n koso dhir dakhoilo?
Samuel zanntto zalo tednam tannem ek borem udharonn koxem dovorlem?
Sodanch sarkem tem korunk fuddem sortat tankam Jehova modot korta
Danny-chea avoi-bapain ek borem udharonn koxem dovorlem?