Tumi Apnnaunk Zatat Toslim Bible-antlim Motiam Sodhat

Ami Bible vachtat tednam sodh korun, tantunt aslolim motiam sodhunk zatat. Punn hantuntlean anik faido zaunk ami kitem korunk zata?

Kholaien xikat. Bible-antlea ghoddnneam vixim bariksannechi mahiti zannam zaiat. Zoxem, tem konnem boroilʼlem, konnank boroilʼlem ani kednam boroilʼlem. Thoim poristhiti koxi asli, tachea poilim kitem ghoddlolem ani uprant kitem ghoddlem tem soglem zannam zaiat.

Tumi koslim lisanvam xiktat tea vixim chintat. Tumi hea prosnam vixim sodh korunk zata: ‘Mhojea Bible vachpant jea lokam vixim hanv vachtam tankam koxem bhoglem? Tannim kosle gunn dakhoile? Tanchea borea gunnanchi hanvem kiteak dekh gheunk zai vo tanchi vaitt vagnnuk hanvem kiteak pois korunk zai?’

Tumi xikleant tim lisanvam apnnaiat. Tumi porgottnnent vo heram sangata vagtana tumi xikleant tem apnnaunk zata. Oxem kelear, Jezun mhunnttlolim utram kitlim khorim aslim tem tumkam kollttolem. Tannem mhunnttlolem: “Tumi heo vostu zannam zaleat, punn teo tumi kortat zalear tumi khuxal.”—Ju. 13:17.

• Ek suchounni: Sumanache modle mittingek, Devachea Utrantle Theve ho bhag, ami xiktat tem apnnaunk amkam koso modot korta tacher dhean diat. Karonn hea bhagant, ami amkanch vicharunk zatat tosle prosn, niall korunk zatat tosle mudʼde ani bariksannen chintunk zata toslim chitram astat.