Tumi Xiktat Tem Dusreankui Sangat

Bible obheas korunk amkam khub borem dista. Punn ami xiktat tem ami dusreank sangtat tednam amkam anikui chodd borem dista. Mhonnʼnneo 11:25 sangta: “Dusreak dhadoxi korpi apunn svota dhadoxi zatolo.”

Ami jem xikleant tem ami dusreank sangtat tednam amkam te mudʼde ugddas dovrunk anikui sompem zata ani amchi somzonni vaddtta. Toxench dusreank tantuntlean faido zaunk xokta hem zannam zalʼlean amkam khuxalkai melltta.—D.I. 20:35.

Oxem korun polloiat: Fuddlea sumanant tumi Bible-antlean jem xikleant tem dusreank sangonk vatto sodhat. Tumi tumchea familik, sobhentlea bhav-bhoinnank, tumchea sangata kam kortoleank, iskolant xiktoleank, xezareank vo porgottnnent mellttolea lokank sangonk zata. Oxem kortana, tem tumchea utramnim, sompeponnim ani spoxtt toren sangonk proitn korat.

Ugddas dovrat: Tumi jem xikleant tem shov marunk lagon nhoi punn dusreank urba diunk sangat.—1 Kor. 8:1.