Chitram Thaun Xikat

Amchea prokaxonamnim zaitim chitram asat, jim amkam mhotvache mudʼde xikonk modot kortat. Tor hea chitrancho ami koso faido gheunk zata?

• Khoincho-i lekh vachunk suru korchea poilim ami chitram pollounk zai. Kiteak? Jednam amchea mukhar borem jevonn asta tem pollounuch amkam ruch ieta toxi, chitram polloun to lekh vachunk amchi urba anikui vaddtta. Tor khoincho-i lekh vachʼchea poilim tumkanch vicharat, ‘Hantunt mhaka koslim chitram distat?’—Am. 7:7, 8.

• Lekh vachtana tem chitr thoim kiteak asa tea vixim chintat. Toxench chitrancho vixoi vachat, vo chitranchi mahiti asa zalear ti-ui vachat. Tea bhair, tem chitr tea lekhak koxem zuddlolem asa, ani tea chitrantlean tumkam kitem xikonk melltta tem chintat.

• Lekh vachlea uprant, porot chitram polloiat ani tantuntle mukhel mudʼde porot ugddasak haddat. Uprant tumche dolle bond korat ani dor eka chitracho ugddas korun tumi kitem xiklim tem ugddasak haddat.

• Hea masikentlea chitrancher porot nodor marat ani tantuntlean tumi kitem xiklim tem ugddas ieta zalear polloiat.