Sonvsarbhor Zaiteank Eksurponn Bhogta​—⁠Hacho Tumi Koso Fuddo Korunk Zata?

• “Amerikentlea sumar ordea dadleank ani bailank eksurponn bhogta. Ani tantuntlim choddxim zannam 18 - 25 hea pirai-echim asat.”—Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community, 2023.

• “Eksurponn koxem pois korunk zata hacher sodh korunk thoddea lokancho ek zomo toiar kela mhunn World Health Organization-an sanglam. Toxench tankam, eka-meka lagim ixttagot korchi mhunn lokank urba diunk, ani eksurponn pois korpacheo vatto sodunk sanglam. Hem soglea desamnim, mhunnche, gorib desamnim pasun korunk sanglam.”—World Health Organization, November 15, 2023.

Eksurponn pois korunk ani dusrea sangata bore natem zoddunk, Bible-ant bore solʼle dileat.

Bible-antlim totvam modot korunk xoktat

Tumi eksurim uronk xoktat toslim kamam unnim korat. Zoxem social media-cher chodd vell sarchea bodlek, lokank mellat ani borim ixttam korat.

• Bible-antlem totv: “Ixtt sogllea vellar mog korta, punn oddchonniche gorje khatir bhav zolmota.”—Mhonnʼnneo 17:17.

Dusreank modot korunk sondhi sodat. Dusreank ami modot kortat tednam tanchea sangata amchem natem ghott zata ani toxench amkam khuxalkai pasun melltta.

• Bible-antlem totv: “Gheunchea poros diunk chodd khuxalkai melltta.”—Itihas 20:35.

Ami borim ixttam koxim korunk zata hea vixim Bible-antlean faideak poddtta tosli mahiti mellonk amchi website polloiat.