Eksurponn Vaddot Asa—Hea Vixim Bible Kitem Sangta?

Sonvsarbhor ghetlolea eka ripotta pormonnem,a char zannam modlea ekleak eksurponn bhogta.

• “Ek munis khoinche-i piraiecho asum, to khoimsorui ravom vo to konnui asum, taka eksurponn bhogonk xokta.”—Chido Mpemba, cochair of the World Health Organization’s Commission on Social Connection.

Zannttim asat vo eksurim ravtat tankanch eksurponn bhogta mhunn thoddim chintat. Punn khorem mhunnttlear, tornnattim, bholaiken borim aslolim, jivitant ies mellʼlleant tim ani kazari asat tankam pasun eksurponn bhogonk xokta. Hea udexim tanchea bholaikecher ani bhavnancher vaitt porinnam zaunk xokta.

• U.S. surgeon, Dr. Vivek Murthy mhunntta: “Eksurponn mhunnttlear amkam fokot vaitt dista toslim bhavnam nhoi.” To fuddem mhunntta: “Eka disa 15 sigrett vhoddlear jitle munis mortat, titlech munis eksurponnak lagon mortat.”

Hea vixim Bible kitem sangta?

Amchea Rochnnarak ami eksurim ravlolim nakat. Devak poilim thaunuch munxam eka-meka sangata khuxal aslolim zai aslem.

• Bible-antlem totv: “Devan mhollem; ‘Dadlo eklo aslolo borem nhoi.’”​—Utpoti 2:18.

Devak ami tachea sangata ixttagot kelʼli zai. Ami Devak lagim soronk vavr kelo zalear to-ui amkam lagim sortolo mhunn tannem bhas dilea.—Jakob 4:8.

• Bible-antlem totv: “Devachea margdorxonachi bhuk asa tim munxam khuxal, karonn sorginchem Raj tanchem.”​—Matev 5:3.

Devak ami dusream sangata mellon tachi bhokti kelʼli zai. Ami oxem kortat tednam amkam khuxalkai bhogta.

• Bible-antlem totv: “Eka-meka vixim chintun ami mog ani borem kam korunk eka-mekak urba dium-ia. Toxench, ami ektthaim ievop soddchem nhoi, . . . punn eka-mekak urba di-it ravchem.”​—Hebrevank 10:24, 25.

Eksurponn pois korop kiteak gorjechem hea vixim anik zannam zaunk Inglez bhaxent aslolo, “Loneliness in a World of Mass Connection” ho lekh vachat.