Febrer—Jivit ani Porgottnni Mittingechea Pustike Pasot Modot
FEBRER 5-11
DEVACHEA UTRANTLE THEVE | MATEV 12-13
“Gonv ani Nerachi Vopar”
(Matev 13:24-26) Aniek vopar tankam ghalun Tannem mhollem: “Sorginchem Raj koslem tem aikat: konneklea monxan aplea xetant borem bim vomplem. 25 Sogllim nhidlolim astana, tacho dusman ailo ani gonva modem ner vompun gelo. 26 Xet vaddon konnsam ietoch, ner-ui dixtti poddlo.
w13 7/15 9-10 ¶2-3
“Zanno Zaiat . . . Kallam-iuganche Sompadnne Porian, Hanv Tumchea Sangata Asam”
2 Xetkarachea xetant jeo ghoddneo ghoddleo teo Jezu obhixikt Kristanvank koso ani kednam ektthaim kortolo tem dakhoun dita. He obhixikt Kristanv, gonva sarko aslolo ek zomo, zankam to aplea sangata razvottki cholounk munxam modle vinchun kaddtta. Vompchem kam 33 K.X.-ant Ponʼnasvea disachea utsovak suru zalem. Xevottachea kallar jivont aslolea obhixikt Kristanvank, nimanno xikʼko mellon te sorgar vochom porian hem ektthaim korchem kam chalu astolem. (Mt. 24:31; Prok. 7:1-4) Dongrar ubo ravlolea eka munxak bhonvtonncho soglo vattar dixtti poddtta teach bhaxen, he vopare vorvim sumar 2,000 vorsam bhitor kitem ghoddttolem tem amkam sarkem kolltta. Tor amchea kallar, Rajeak lagu zatat tosleo khoincheo ghoddnneo amkam dison ietat? Vopareant vompcho kall, vaddcho kall ani lunvnnechea kalla vixim vachunk melltta. Hea lekhant lunvnnechea kalla vixim chodd mahiti mellttoli.
JEZUCHEA KALLJIDAR NODRE KHALA RAVCHEM
3 Dusrea xekddeachea (K.X.) survatek, xetant ‘ner dixtti poddonk laglo’ mhunnche hea sonvsarant fottkire Kristanv disonk lagle. (Mt. 13:26) Chovtea xekddeant, nera sarke aslole Kristanv, obhixikt Kristanvam poros chodd vaddle. Voparent, ner umttoun kaddunk vavraddi dhonia lagim porvangi magtat. (Mt. 13:28) Tednam dhoni kitem sangta?
(Matev 13:27-29) Ghorkarachea vavra -ddiamnim tache sorxem ieun mhollem: ‘Dhonia, tujea xetant tunvem borem bim vomplolem nhoi? Tor ner khoicho ailo?’ 28 Tannem oxi tankam zap dili: ‘Hem dusmanan kellem kam.’ Chakramnim taka vicharlem: ‘Ami vochun xet noddlolem tuka zai?’ 29 Tannem zobab dilo: ‘Naka; ner umttitana, ghoddiek tumi tea borabor gonv-ui umttixat.
w13 7/15 10 ¶4
“Zanno Zaiat . . . Kallam-iuganche Sompadnne Porian, Hanv Tumchea Sangata Asam”
4 Gonv ani nerachea voparent Jezun, “lunvnni ie-sor don-ui borabor vaddoum-di” mhunn sanglem. Poilea xekddea thaun aiz porian, gonvam bhaxen aslole Kristanv hea sonvsarant sodanch astole mhunn hea adnea vorvim kollon ieta. Hi somzonni sarki mhunn Jezun uprant aplea xisank sanglolea utrantlean kolltta: “Sodanch-sodam, hoi, kallam-iuganche sompadnne porian, Hanv tumchea sangata asam.” (Mat. 28:20) Tor xevottacho kall ieum porian Jezu obhixikt Kristanvank sodanch rakhtolo. Punn tea lamb kallar, nera sarke aslole Kristanv chodd vaddlolean, gonva sarke aslole obhixikt Kristanv konn tem sarkem sangonk zaina aslem. Punn lunvnni suru zaunchea thoddea vorsam poilim, gonvam sarke Kristanv konn tem vollkhonk sompem zalem. Tem koxem?
(Matev 13:30) Lunvnni ie-sor don-ui borabor vaddom-di; ani lunvnnechea vellar, poilo ner ektthai korun ujeak lavche khatir, tachim penddkulam bandat; magir gonv mhojea koddeant bhorat mhonn hanv lunvtoleank sangtolom.’”
w13 7/15 12 ¶10-12
“Zanno Zaiat . . . Kallam-iuganche Sompadnne Porian, Hanv Tumchea Sangata Asam”
10 Poilim, ner ektthaim korcho. Jezu sangta, “Lunvnnechea vellar, poilo ner ektthaim korun ujeak lavche khatir, tachim penddkulam bandat.” 1914 hea vorsa uprant, nera sarkea Kristanvank ainzamnim obhixikt Kristanvam, mhunnche ‘rajeachea bhurgeam’ thaun kuxin kaddun ‘ektthaim’ kele.—Mt. 13:30, 38, 41.
11 Ektthaim korchem kam fuddem vochot ravlem toxem, he don-ui zome veg-veglle mhunn anik bore ritin dison ailem. (Prok. 18:1, 4) 1919 hea vorsa, Vorixtt Babilon poddlem mhunn kollon ailem. Fottkirea Kristanvam thaun khore Kristanv veglle mhunn koxem kollʼllem? Porgottnnechea kama udexim. Bible-achea Vidʼdeartheam modem fuddakar ghetoleamnim porgottnnechem kam dor eklean korunk chodd gorjechem mhunn sanglem. Udharonnak, 1919 hea vorsak To Whom the Work Is Entrusted, hi pustika chʼhapli. Soglea obhixikt Kristanvamnim ghora ghoramnim porgottnnechea kamant bhag gheunk zai mhunn sanglem. Tea pustikent oxem boroilʼlem: “Kam khub asa punn hem kam Somiachem zalʼlean tacheach xokte vorvim tem ami korunk pavtolim. Hea kamant bhag gheuncho sueog tumkam asa.” Uprant kitem zalem? Bible-achea Vidʼdeartheamnim porgottnnechem kam urben vaddoilem mhunn 1922 hea vorsachi The Watch Tower masika sangta. Tednam thaun, porgottnnechem kam visvaxi Kristanvanchea sodanchea jivitacho bhag zaun aiz porian urlam.
12 Dusrem, gonv ektthaim korche. Jezu ainzank adnea dita: “Magir gonv mhojea koddeant bhorat.” (Mt. 13:30) 1919 hea vorsa thaun, porot sthapon zalʼlea Kristanv sobhent, obhixikt Kristanvank ektthaim korun koddeant bhorchem kam suru zalem. Ani xevottachea kallar, urlolea obhixikt Kristanvank sorgar voicho inam melltta tednam koddeant bhorchem kam somptolem.—Dan. 7:18, 22, 27.
Bible-ant Motiam Sodhat
(Matev 12:20) Sotak zoit mello porian futtloli bet moddcho na, ozun dhunvorti doxir to kodinch palouncho na.
nwtsty obheasachi ttipnni Mt. 12:20
dhunvorti doxir vo minnminntti vat: Zoitunachea telan bhorlolem ek lhan matiechem aidon, ghorant divo mhunn uzar kortale. Tantuntli flax-achi vat telak voir haddun uzo pettoun dovortali. “Dhunvorti doxir” hea Grek utracho orth, ek vat zacho uzo palvonk pavla vo palovla, punn tantunt aslolea kittʼttek lagon dhunvor bhair sorta. Jezu khaltea ani khala uddoilolea lokancho bhorvonso kednanch palvonk diuncho na mhunn, Izaias 42:3-ant tachea doia-maia vixim bhakit kelʼlem.
(Matev 13:25) Sogllim nhidlolim astana, tacho dusman ailo ani gonva modem ner vompun gelo.
w16.10 32
Tumi Zannant?
Eka munxachea xetant dusro konn ieun ner vompta, oxem adlea tempar khorench ghoddttalem kai?
MATEV 13:24-26-ant Jezu oxem sangta: “Sorginchem Raj koslem tem aikat: konneklea monxan aplea xetant borem bim vomplem. Sogllim nhidlolim astana, tacho dusman ailo ani gonva modem ner vompun gelo. Xet vaddon konnsam ietoch, ner-ui dixtti poddlo.” Veg-veglle boroupi hea voparent sanglam toxem khorench ghoddttalem kai mhunn dubhavtat, punn oxem khorench ghoddttalem mhunn adlea kallache Romi kaide dakhoun ditat.
Ek Bible-acho xobdkosh oxem sangta, “Bodla gheunk dusreachea xetant ner vompop, Romi kaidea pormonnem guneanv aslo. Hem dakhoun dita ki tea tempar lok osle guneanv khub kortale.” Kaideancho ponddit, Alastair Kerr sangta, 533 K.X. hea vorsa Romi somraj Justinian-an, Romi kaide ani Romi kaideachea pondditamnim boroilole thodde-thodde bhag ektthaim korun Digest hem pustok (sumar 100-250 K.X.) boroilem. Tea Digest-a pormonnem (Digest, 9.2.27.14), kaideancho ponddit, Ulpian hannem dusrea xekddeant Romi rajkarnnant Celsus-an aplea hatant ghetlolea eke kexi vixim sangta. Zantunt eklean, dusreachea xetant ner vomplolean tachea xetachem soglem pik piddear zalem. Toxench tea Digest-ant, xetachea battkarak vo xetachea kamdarak oslem luksonn zata tednam, guneanvkarean taka koxem farik korunk zai tem-ui sanglam.
Oslim kamam Romi Somrajachea khala choltalim. Khorench, Jezun voparent sanglolem tem khorem zaun aslem.
FEBRER 12-18
DEVACHEA UTRANTLE THEVE | MATEV 14-15
“Thoddeach Zannam Vorvim Zaiteank Jevonn Dita”
(Matev 14:16, 17) Jezun tankam mhollem: “Tannim khoisoruch vechi goroz na; tankam khaunk-jevunk tumich diat.” 17 Punn tannim portipall kelo: “Panch undde ani don masllio kaddun, amche lagim hanga kaich na.”
w13 7/15 15 ¶2
Thoddeach Zannam Vorvim Zaiteank Jevonn Dita
2 Lokancho zomo polloun Jezuk churchure dista ani to tea lokam modem duent asloleank bore korta, ani Devachea Rajea vixim zaite vixoi tankam xikoita. Sanz zali tednam, lokank laginchea ganvant vochon aplem jevonn viktem gheunk dhadd mhunn Jezuche xis Jezuk sangtat. Punn Jezu tankam sangta: “Tankam khavunk jevunk tuminch diat.” Jezuchea xisam lagim fokot panch undde ani don maslleo asleo dekhun Jezuchim him utram aikon te ghuspole astole.
(Matev 14:18, 19) Tednam Tannem mhollem: “Tim hanga Mhoje-xim haddat.” 19 Lokak Tannem tonnacher jevnnak bosunk lailem; panch undde ani don masllio hatant gheun, Tannem sorgak dolle ubarle ani Devak dhinvaslo; magir unddeanche kuddke kele ani xisam lagim dile, ani xisamnim te lokak vanttle.
w13 7/15 15 ¶3
Thoddeach Zannam Vorvim Zaiteank Jevonn Dita
3 Churchure dison, Jezun ek vizmit kelem. Hem ekuch vizmit aslem jea vixim amkam char-ui Xubhvortomanant vachunk melltta. (Marku 6:35-44; Lukas 9:10-17; Juanv 6:1-13) Jezun aplea xisank sangon, 50 zannache ani 100 zannache, lokanche zome korun tonnacher bosonk lailem. Magnnem kelea uprant, Jezun unddeache kuddke kele ani maslleche vantte kele. Punn lokank vanttpachem kam Jezun aplea xisank korunk sanglem. Ojapachem mhunnttlear, jevonn itlem aslem ki, soglim jevlea uprant-ui jevonn urlem. Chintat: Jezun thoddeach zannam vorvim mhunnche, aplea xisam vorvim zaiteank jevonn dilem.
(Matev 14:20, 21) Sogllim jevlim ani dhadoxi zalim; ani urlole kuddke-tukdde tannim ektthai kele, bara upott bhorloleo panttlio. 21 Bailank ani bhurgeank dhorinastana jevlole te dadlech sumar panch hozar asle.
nwtsty obheasachi ttipnni Mt. 14:21
bailam toxim bhurgim: Hea vizmita vixim sangtana fokot Matev, bailam ani bhurgeam vixim sangta. Tor Jezun vizmit korun ghoddie 15,000 lokank jevonn dilem astolem.
w13 7/15 15 ¶1
Thoddeach Zannam Vorvim Zaiteank Jevonn Dita
CHINTAT. (Matev 14:14-21 vachat.) Vell, 32 K.X., Paskache porbe poilim. Galileia Doriachea, utʼtorechea velle lagim aslolea Bethsaida hea ganva thaun matxe pois, eke eksure suvater Jezu ani tache xisam sangata ek zomo asa. Tea zomeant 5,000 dadle asat ani tea bhair anik-ui zaiteo bailo ani bhurgim-i asat.
Bible-ant Motiam Sodhat
(Matev 15:7-9) Ddhongiamno, oxem Izaiasan tumche vixim adim-fuddench sangun dovorlam tem sarkem: 8 ‘Ho lok onttamnim Mhaka vakhannta, punn tanchem kalliz Mhoje thaun pois asa 9 To Mhoji puza korta ti polki puza. To xikoita tim xastram fokot monxamnim kelle kaide!’”
nwtsty obheasachi ttipnni Mt. 15:7
ddhongi: Hea utrak uzar kelʼlem Grek utor hy·po·kri·tesʹ oslea Grek (uprant Romi) kolakarank uzar kortale, je manchiecher vhoddlim-vhoddlim rupnnim ghalun nattkam kortale. Hem rupnnem uzar kelʼlean tancho avaz vhoddlean aikonk ietalo. Uprant hem utor oslea munxak uzar kortale, zo aplo khoro irado ani sobhav lipoun, fottkireponnan aplem khorem rup dakhoinaslo. Jezu Judev dhormik fuddareank “ddhongi” hench utor vapurta.—Mt. 6:5, 16.
(Matev 15:26) Tannem oxi zap dili: “Bhurgeanchem khann kaddun, tem sunneanchea petteank uddounchem mhollear sarkem nhoi.”
nwtsty obheasachi ttipnni Mt. 15:26
bhurgeanche . . . sunneanchea petteank: Moizesachea Kaidea pormonnem sunne hem ek oxudʼdh zonvar aslolean, Bible-ant tem utor bemanan uzar kelam. (Lev. 11:27; Mt. 7:6; Filp. 3:2; Prok. 22:15) Punn Marku (7:27) ani Matevachea pustokant Jezun ‘sunneacho petto’ vo ‘ghorcho sunno’ him chalte bhaxen uzar zatalim tim utram vapurleant. Him utram uzar kelʼlean opman zai naslo. Judev naslole lok aplea ghorant sunneank postale ani tanchi opurbai kortale. Jezun hanga sunneam pasot apurbaiechem utor uzar kelem. Israelitkarank ‘bhurgeank’ sor korun, ani Judev nasloleank ‘sunneachea petteank’ sor korun, Jezun poilim konnacher dhean diunk zai tem dakhoilem. Eka ghorant, bhurgim ani sunnim-i asat zalear jevonn ditana, lok poilim bhurgeank jevonn ditole, sunneank nhoi.
FEBRER 19-25
DEVACHEA UTRANTLE THEVE | MATEV 16-17
“Tumi Konna Sarkim Chintat?”
(Matev 16:21, 22) Tedna thaun Jezu Aplea xisank spoxtt sangunk laglo: Devache khuxe pormannem, Hanv Jeruzaleak vecho asam; zannteanchea, mukhel iadnikanchea ani dhormxastrianchea hatantlem Hanvem zaitem soschem asa; te Mhaka jivexim martole; ani tisrea disa Dev Mhaka punorjivont kortolo. 22 Tednam, Taka kuxin vhorun, Pedru oso Taka bhexttaunk laglo: “Kednanch na, Saiba! hem Dev Tuka kednanch nirmina zaum!”
w07 2/15 16 ¶17
Ghovamno—Kristachem Mostok Vollkhon Gheiat
17 Anik ek pavtt, Jezun aplea xisank, apnnem Jerusalemak vochkuch zai mhunn somzailem. Thoim apnnank, ‘zanntteam koddlean, mukhel iadnik ani dhormxastream koddlean zaitem soschem poddttolem, apnnank jivexim martole ani tisrea disa apnnank Dev punorjivont kortolo’ mhunn tannem sanglem. Tednam Pedru, Jezuk kuxin vhorun bhexttaunk laglo: “Kednanch na, Saiba! Hem Dev Tuka kednanch nirmina zaum!” Pedrun aplea bhavnancher tabo dovrunk na dekhun tachem chintop chuklem. Tachem chintop sarkem korunk Jezun taka oxem sanglem: “Mhoje mukhavelo voch, Soitana! Hanv adllun poddunk Mhoje vatter ubo zalʼlo fator tum; kiteak tujem chintop monxanchem, tem Devachem nhoi.”—Matev 16:21-23.
(Matev 16:23) Ani Tannem vollon Pedruk sanglem: “Mhoje mukhavelo voch, Soitana! Hanv adllun poddunk Mhoje vatter ubo zallo fator tum; kiteak tujem chintop monxanchem, tem Devachem nhoi.”
w15 5/15 13 ¶16-17
Chotur Ravat—Soitan Tumkam Girasunk Sodhta!
16 Jehovachi seva urben kortoleank-ui Soitan fosounk xokta. Udharonnak, apunn mortolo mhunn Jezun apela xisank sanglem tednam kitem ghoddlem? Pedrun Jezuk kuxin vhoron: “Kednanch na, Saiba! Hem Dev Tuka kednanch nirmina zaum!” mhunn borea monan sanglem. Punn Jezucho zobab spoxtt aslo: “Mhoje mukhavelo voch, Soitana!” (Mt. 16:22, 23) Jezun Pedruk “Soitan” kiteak mhunnttlo? Karonn fuddarak kitem ghoddchem asa tem Jezu zannam aslo. Apunn moron munxa pasot aplo jiv bolidan diuncho vell lagim pavla mhunn taka khobor asli ani Soitan fotting mhunn to dakhouncho aslo. Munxachea itihasant, ekdom mhotvachea hea vellar, Jezu apleach vixim chintun fatti soronk na. Punn Soitanak, to fatti sorlolo zai aslo.
17 Aiz ami sonvsarachea xevottachea disamnim ravtat. Hea mhotvachea kallar ami amcheach vixim chintun, hea sonvsarant ek vhodd nanv zhoddun, xevott ieunk anik khub vell asa mhunn susegad ravlolim Soitanak zai. Punn oxem tumkam kednanch zaunk dium nakat! ‘Tumi zagrut ravat.’ (Mt. 24:42) Xevott ieunk zaito vell asa vo xevott kednanch ieuncho na oslem fottkirem chintop Soitan lokanchea monant ghalunk sodhta. Punn tachea hea naddbudhicher tumi visvas dovor nakat.
(Matev 16:24) Tedna Jezun Aplea xisank mhollem: ‘Konnank Mhozo pattlav korchi khuxi asa zalear, tannim apnnanchech khuxechi vatt soddchi, aplo khambo ukolcho ani Mhoje pattlean ieunchem.
w06 4/1 23 ¶9
‘Vochun Soglea Raxttrak Mhoje Xis Korat, ani Bautizm Diat’
9 Jezucho pattlav korun Devachi khuxi korop mhunnttlear kitem? Jezun aplea xisank, ‘konnank Mhozo pattlav korchi khuxi asa zalear, tannim apnnanchech khuxechi vatt soddchi, aplo khambo ukolcho ani Mhoje pattlean ieunchem’ mhunn sanglem. (Matev 16:24) Hanga Jezu amkam tin vostu korunk sangta. Poili, ‘appnnanchech khuxechi vatt soddop.’ Hacho orth, ami amcho svarth ani patki vonddovnneo soddun, Devacho solʼlo appnaun tache vatten cholop. Dusri, ‘aplo khambo ukolcho.’ Jezuchea tempar xikxa diunk zo khambo uzar kortale, to khambo loz ani vollvolle suchit kortalo. Kristanv zalʼlean ami xubhvortomana pasot koxtt-tras sosunk toiar asat. (2 Timotak 1:8) Sonvsar amchi nhinda vo amchi fokannam korta punn Krista bhaxen ami ti ‘loz mhunn pollenant.’ Oxe toren Devak sontos haddttat mhunn ami khuxal zatat. (Hebrevank 12:2) Tisrem, ami Jezuchea ‘fattlean vochot ravchem’ vo tacho pattlav korit ravcho.—Stotr 73:26; 119:44; 145:2.
Bible-ant Motiam Sodhum-ia
(Matev 16:18) Tor Hanv-ui tuka sangtam: tum Pedru (mhonnge Khoddop) ani hea Khoddpacher Hanv Mhoji Sobha bandtolom, ani ticher zoit vhorunk iemkonddak legun podvi aschi na.
nwtsty obheasachi ttipnni Mt. 16:18
tum Pedru ani hea Khoddpacher: Grek bhaxen peʹtros hem utor, purushlingan uzar kortana tacho orth, “khoddpacho ek kuddko vo ek fator.” Hea versant hem utor, ek-nanv koxem uzar kelam (Pedru). Grek bhaxen Jezun Simanvak hem nanv dilʼlem. (Ju. 1:42) Grek bhaxen peʹtra hem utor strilingan uzar kortana tacho orth “ek vhodd khoddop.” Hem utor, Mt. 7:24, 25; 27:60; Luk. 6:48; 8:6; Rom. 9:33; 1Kor. 10:4; 1Ped. 2:8 hea versamnim melltta. Jezu jea khoddpacher sobha bandcho aslo, tem khoddop apunn mhunn Pedrun kednanch chintunk na. Karonn 1Ped. 2:4-8-ant, Devan adinch vinchun kaddlolo, “konnxea sodhicho fator” Jezu mhunn Pedru sangta. Toxench, “ghalʼli asa ti buniad” ani Devachem “khoddop” Jezu mhunn apostl Paulun pasun sanglem. (1Kor. 3:11; 10:4) Tor, Jezun uzar kelʼlea utrank don orth asle. To mhunnonk sodhtalo: ‘Tum Pedru mhunnche Khoddpacho ek Kuddko mhunn hanvem tuka nanv dilam. Tuka Kristachi vo ‘hea khoddpachi’ khori vollokh mellʼllea, zo Kristi sobhechi buniad zaun asa.’
sobha: Bible-ant poilech pavtt hea versant ek·kle·siʹa hem Grek utor uzar kelam. Ho sobd don Grek utram, ek mhunnche “bhair” ani ka·leʹo, mhunnche “apovop” melloun toiar kela. Ek·kle·siʹa hea Grek utracho orth, ek lokancho zomo zankam eka khas udʼdhexan, vo ek khas kam korunk apoun haddla. (Utravoll polloiat.) Hea versachea bhonvttonnchim versam polloilim zalear, Jezu hanga Kristi sobhechea manddavolle vixim uloita mhunn kolltta. Hi sobha, “jive fator” koxe aslolea obhixikt Kristanvank uzar korun bandlea. Hanche vixim oxem sanglam, “tumi jive fator zaun tumchem ek jivem devmondir bandun ieunk diat.” (1Ped. 2:4, 5) “Sobha” mhunn orth diupi Hebrev utrak, Septuagint–ant ek·kle·siʹa hem utor uzar kelam. Ani Hebrevant, “sobha” hea utrak uzar kelʼlem utor chodd korun, Devachea lokanchea akʼkhea raxttrak suchit korta. (D.S. 23:3; 31:30) Itihas 7:38-ant Ejipta thaun bhair ailolea Israelitkarank, ek “sobha” mhunnttlea. Toxench, ‘kallokhantlim bhair kaddlolea,’ ani ‘vinchun kaddlolea’ Kristanvank ek ‘Devachi povitr-sobha’ mhunnttlea.—1Ped. 2:9; Ju. 15:19; 1Kor. 1:2.
(Matev 16:19) Hanv tuka Sorginchea Rajeacheo chavio ditolom; jea kiteak sonvsarant tum na mhonnxi, taka sorgar Dev na mhonnttolo; ani jea kiteak sonvsarant tum hoi mhonnxi, taka sorgar Dev hoi mhonnttolo.
nwtsty obheasachi ttipnni Mt. 16:19
Sorginchea Rajeacheo chaveo: Thoddea zannank chaveo dilʼleo mhunn Bible sangta. Thoddeank kitem tori suchit korta tosleo chaveo dilʼleo. Punn kosleo-i chaveo dium, jea konnam lagim chaveo asleo, tankam odhikar dila mhunn kollon ietalem. (1It. 9:26, 27; Iz. 22:20-22) Taka lagon chavi hem utor, odhikar ani zobabdari dakhoun ditalem. Pedruk dilʼleo chaveo tannem poilim Judevam pasot (D.I. 2:22-41), uprant Samariekaram pasot (D.I. 8:14-17), ani magir Videxeam pasot (D.I. 10:34-38) uzar keleo. Hea vorvim tankam Devachi xokti mellʼlli ani sorginchea Rajeant voinchi vatt ukti zali.
FEBRER 26–MARS 4
DEVACHEA UTRANTLE THEVE | MATEV 18-19
“Tumkam ani Herank Addkoll Zainakat”
(Matev 18:6, 7) Punn Mhojer bhavarth dovortolea hea lhanam modlea ekleak ho bhavarth soddunk konn-ui oddun vhortit tor, gaddum oddta toslem danteachem ek pedd tanchea golleak bandun tankam khol doriant buddoilear odik borem. 7 Dusreank bhavarth soddunk oddun vhortat toslea monxam pasot sonvsarachem kotta! Herank bhavarth soddunk oddun vhortat toslim monxam astolinch; punn jim konn dusreank bhavarth soddunk oddun vhortat, tanchem kottakotta!
nwtsty obheasachi ttipnni Mt. 18:6, 7
gaddum oddtta toslem danteachem ek pedd: vo ‘ek vhodd dantem.’ Oslem dantem, 1.2-1.5 m (4-5 ft) rund aslem. Tachem vozon chodd aslolean, tem gunvddavunk eka gaddvak uzar korunk poddttalem.
bhavarth soddunk oddun vhorta toslim monxam vo ek addkoll: Haka uzar kelʼlem Grek utor skanʹda·lon, mhunnche “ek addkoll.” Poilim tempar lok hea utracho orth “ek fas” mhunnttale. Ani thoddim zannam tea fasak sampddonk khann bandun dovortat te boddiek ek addkoll mhunnttale. Uprant hem utor, addʼddon poddonk xokta toslea eka addkollik uzar kortale. Hacho dusro orth, ek kornni vo poristhiti ji eka munxak chukiche vatten vhorta, noitik ritin patkant ghalta vo patkant oddun vhorta. Mt. 18:8, 9-ant hea utracho lagincho orth diupi utor skan·da·liʹzo, mhunnttlear “addkoll zavop,” mhunn uzar kelam. Zacho orth, “ek fas zavop; dusreank patkant uddovop vo ghalop.”
nwtsty media
Dantem
Zoitunanchem tel kaddunk ani konne vattunk dantem uzar kortale. Thoddim dantim lhan aslolean hatin gunvddavunk mellttalim ani thoddim dantim vhodd aslolean tim gunvddavunk zonvarank uzar kortale. Filistevkaramnim Samsonak, gunvddavunk lailolem tem dantem heach dantea sarkem vhodd aslem. (Fudd. 16:21) Zonvarank uzar korun vapurtale tem dantem fokot Israelantuch nhoi, punn Romi Samrajantlea zaitea zageamnim-i tem vapurtale.
Voilem ani Sokoilem Dantem
Hanga dakhoilʼlem vhodd dantem gunvddavunk eka zonvarak, zoxem gaddvak uzar korun, zoitunanchem tel kaddttale ani konne vanttʼttale. Voilea danteanchi rundai ghoddie 1.5 m (5 ft) asli astoli. Taka dovrun gunvddaitale tem sokoilem dantem tachea poros vhodd aslem.
(Matev 18:8, 9) Tumcho hat vo paim patok korunk tumkam oddun vhorta zalear, to katrun uddoiat ani bhair marat; don hat vo don pai asun sasnnachea ujeant tumkam uddoilʼle poros, lunddim vo thonttim zaun Jivitant bhitor sorlear tumkam odik borem. 9 Ani tumcho dollo patok korunk tumkam oddun vhorta zalear, to umttun kaddat ani bhair uddoiat; don dolle asun ujeachea iemkonddant tumkam uddoilʼle poros, ekuch dollo gheun Jivitant bhitor sorlear tumkam odik borem.
nwtsty obheasachi ttipnni Mt. 18:9
Gehenna: Hem utor Hebrev bhaxen geh hin·nomʹ, zacho orth “Hinnom-achem falkem,” jem adlea Jerusalemachea Ostomtek ani Dokxinnechea modem poddttalem. (App. B12, nokso “Jerusalem ani Tachea Sorvbhonvtonnim,” polloi.) Jezuchea disamnim, tea falkeant kochro-koir lastale. Tor “Gehenna” hem utor, purnn nas dakhounk lagu zata.
nwtstg Utravoll
Gehenna
Gehenna hem Hinnom Falkeak dilʼlem Grek nanv. Hem adlea Jerusalemachea poschim ani dokxinnechea modem aslem. (Jer. 7:31) Hea zagear moddim uddoitale mhunn adlea bhakitamnim vachunk melltta. (Jer. 7:32; 19:6) Gehennant jitea zonvarank vo munxank lasunk vo tollmollavunk uddoitale mhunn kainch purave nant. Tor ho zago, melʼlea munxank sasnanchea sasnak ujeant tollmollaitat vo lastat tosli ek dixtti poddona tosli suvat zaunkuch xokona. Punn Jezun ani tachea xisamnim, Gehenna hem utor sasnachea khastichem “dusrem moronn” mhunnche sasnacho nas, sasnak kabar zavop mhunn uzar kelam.—Prok. 20:14; Mt. 5:22; 10:28.
(Matev 18:10) Polleiat, hea dhakttuleantlea ekleachi legun tumi beporva korum noie, karonn, Hanv tumkam sangtam, tanchi rakhonn kortat te dut sorgar astea Mhojea Bapachem mukhamoll thambonastana polleun asat.
nwtsty obheasachi ttipnni Mt. 18:10
Bapachem mukhamoll . . . polleun asat: vo “tankam mhojea Bapa lagim vochonk melltta.” Otmik pranni Devachea fuddem aslolean, tanchean Devachem mukhamoll vo tondd pollounk zata.—Sutt. 33:20.
w10 11/1 16
Ainz Kitem Kortat?
Devachea sevokamnim Deva lagim tancho sombond samballunk modot korchi zobabdari ainzank dilea mhunn Jezun sanglem. Tor dusreank addkoll zaunchim nhoi mhunn Jezu sangtana, tannem oxem sanglem: “Polleiat, hea dhakttuleantlea ekleachi legun tumi beporva korum noie, karonn, Hanv tumkam sangtam, tanchi rakhonn kortat te dut sorgar astea Mhojea Bapachem mukhamoll thambonastana polleun asat.” (Matev 18:10) Hacho orth, Jezuchea dor eka xisak rakhunk ek ainz asa mhunn to sangonk sodhinaslo. Punn to sangonk sodhtalo ki Devachea fuddeant ravon tachea sangata kam kortat te ainz, Kristanv sobhent aslolea dor ekleachi porva kortat.
Bible-ant Motiam Sodhum-ia
(Matev 18:21, 22) Tedna Tache sorxem vochun Pedrun Taka mhollem: “Saiba, kitle pavtti mhojea pelean mhojer patok kelear hanvem taka bhogsuncho? Sat pavtti legun?” 22 Jezun taka oso zobab dilo: “Sat pavtti nhoi, punn sotʼtor pavtti sat!
nwtsty obheasachi ttipnni Mt. 18:22
sotʼtor pavtti sat: Hea Grek utrancho orth, “70 ani 7” mhunnche 77 pavtt vo “70 pavtti 7” mhunnche 490 pavtt zaunk xokta. Heach utrank Septuagint-ant Ut. 4:24-ant, “77 pavtti” mhunnttlam. Tor tem 77 vo 490 pavtt asum, sat ho ankddo zaite pavtt sanglolean to, “onishit” vo “hispa bhair” ankddo dakhoita. Jezun Pedruk 7 pavtti nhoi, punn 77 pavtti bhogsunk zai mhunn sanglem. Hacho orth, eka-mekak bhogxitana aplea pattlavdaramnim hixob nastana bhogsunk zai mhunn Jezu sangtalo. Punn, Babiloniechea Talmud-ant (Yoma 86b) oxem mhunnttlam: “Zor eklean patok kelem zalear taka poile pavtt, dusre pavtt ani tisre pavtt bhogsunk zata, punn chovtea pavtt bhogsunk zainam.”
(Matev 19:7) Tannim Taka vicharlem: “Tor konn aple potinnik soddun dita zalear, tika logn-moddnneachem potr diun soddchi mhonn Moizesan hukum ghala tachem karonn kitem?”
nwtsty obheasachi ttipnni Mt. 19:7
logn-moddnneachem potr: vo “divorsachem potr.” Divors gheunk sodhtolea munxak Devachea kaidea pormonnem logn moddnnechem potr diunk poddttalem ani toxench vhoddilancho solʼlo-i gheunk poddttalo. Oxem aslolean, ho mhotvacho ani gombir nirnnoi ghetana taka chintunk vell mellttalo. Hea ritin divors rokhddoch diunk zainam aslo ani bailank eka orthan surokxa mellttali. (D.S. 24:1) Jezuchea disamnim, dhormik fuddareamnim divors diunk sompem kelʼlem. Poilea xekddeantlo itihaskar Josephus, zo ek Farizev aslo, tannem aplea bailek divors dilʼlo. To sangta, “koslea-i karonnank lagon divors diunk zatalem (ani choddxea dadleam lagim divors diunk zaitim karonnam aslim).”
nwtsty media
Divors potr
71 vo 72 K.X. vorsachem, hem Aramaic bhaxen boroilolem divorsachem potr, Wadi Murabbaat-achea utʼtorechea vatten mhunnchem, Judachea Oronneanchea eka suklolea nhoint mellʼllollem. Judevamnim virodh korun, sovʼvea vorsa, Naqsan-acho put Joseph-an, Masad xarant ravtolea Jonathan-achi dhuv, Miriamak divors dilʼlo mhunn tea potrant sangta.