Obheas 4

Bible-antlea Versanchi Sarki Vollokh Divop

Matev 22:41-45

KITEM KORCHEM: Bible-antlem vers vachʼchea adim aiknnareanchim monam toiar kor.

Kiteak lagon tum Bible-achem vers vachta tem chint. Dor ek vers vachtana aiknnareanchem dhean tantunt aslolea mukhel mudʼdeacher hadd.

Tea versachea fattlea-fuddlea versamnim kitem asa tem zannam za. Tantunt aslolim utram konnem mhunnttlim ani Bible-achem tem pustok konnem boroilem tea vixim sarki mahiti di.
Sodanch Bible-achea adaran xikoi. Devacher bhavarth dovortolea lokank, Bible-antlim versam Devachim utram mhunn dakhoi. Oxem kelʼlean, Bible-achi zannvai vorti mhunn tankam kollon ietolem.
Bible-achea versa vixim tanchi umed vaddoi. Ek prosn vichar zacho zobab tea versant mellttolo, vo ek somosia sang ji tea versant suttavi zatoli, vo ek totv sang jem tea versant mellttolem.

Tuzo aiknnaro tea vixoi-acher ani versa vixim kitem zannam tem motint dovor. To zannam aslolea versa vixim pasun taka oxea ritin vollokh di ki, tem vers to anik bore bhaxen somzonk pavtolo.