Febrer—Jivit ani Porgottnni Mittingechea Pustike Pasot Modot
FEBRER 4-10
DEVACHEA UTRANTLE THEVE|ROMKARANK 1-3
“Tujea Ontoskornnak Proxikxonn Di-it Rav”
(Romkarank 2:14, 15) Somurt naslolim videxi monxam soimbachea uzvaddan Somurti pormannem choltat tednam, zorui tankam Somurt na, torui tim apnnankuch somurt zatat. 15 Somurt formaita tem aplea kallzancher boroilʼlem asa mhonn tim aple chalin dakhoitat; tanchem ontoskornn hakach govai dita, kiteak mhollear tanchinch chintna kednam-kednam tim opradi mhonn ani kednam-kednam tim niropradhi mhonn tankam dakhoitat.
lvs 18 ¶6
Deva Sangata Ek Borem Ontoskornn
6 Jehovak vollkhona te lok pasun, khoincheo vostu sarkeo ani khoincheo vostu sarkeo nhoi tem chodd korun zannant. Bible sangta: “Tanchinch chintna kedna-kedna tim opradi mhonn ani kedna-kedna tim niropradhi mhonn tankam dakhoitat.” (Romkarank 2:14, 15) Udharonnak choddxe lok, jivexim marop ani chori korop chukichem mhunn zannant. Hem te tanchea ontoskornnak lagon zannant mhunn tankam ghoddie khobor nasot, punn khorem mhunnttlear tim tanchea ontoskornnachem aikotat. Karonn Jehovan tanche bhitor borem ani vaitt zannam zaunchi hi tank ghatlea. Te lok Devachim totvam, vo jivitant borem vinchunk modot zata toslim Devan dilolim mullavim sotam pasun pallttat.
(Romkarank 2:15) Somurt formaita tem aplea kallzancher boroilʼlem asa mhonn tim aple chalin dakhoitat; tanchem ontoskornn hakach govai dita, kiteak mhollear tanchinch chintna kednam-kednam tim opradi mhonn ani kednam-kednam tim niropradhi mhonn tankam dakhoitat.
lvs 19-20 ¶8-9
Deva Sangata Ek Borem Ontoskornn
8 Aplem ontoskornnachem aikop mhunnttlear, aplim bhavnam sangta tea bhaxen vagop mhunn thoddim zannam chintat. Tim kortat tem apnnank borem dislear tankam zai tem korunk zata mhunn tim chintat. Punn amchim bhavnam opurnn aslolean tim amkam chukichi vatt dakhounk xoktat. Amchea bhavnank itli xokti asa ki tim amchea ontoskornnacher porinnam ghalunk xoktat. Bible sangta: “Kalliz soglleam-von ghatki, itlem vaitt ki taka anink ilaz na: tache gutt konnak tthave?” (Jeremias 17:9) Tor ek vixoi chukicho aslear pasun ami to sarko asa mhunn somzonk xoktat. Udharonnak, Paulu ek Kristanv zaunche poilim, Devachea lokank krur toren piddapidd ditalo ani apunn kitem korta tem taka sarkem oxem distalem. Tachea pormonnem, taka ek borem ontoskornn aslem. Punn uprant tannem sanglem: “Mhoji nit korunk ekloch asa to Somi [Jehova, NW].” (1 Korintkarank 4:4; Itihas 23:1; 2 Timotak 1:3) Apunn kitem korta tea vixim Jehovak koxem dista tem Paulu zannam zalo tednam, apnnem bodolchi goroz asa mhunn to somzolo. Khorench, kitem-i korchea poilim ami amkanch oxem vicharop gorjechem, ‘Jehovak hanvem kitem kelolem zai?’
9 Tumi konnacho-i mog kortat zalear, taka manvona tem tumi korchimnant. Toxench, ami Jehovacho mog kortat zalear taka manvona toslem kitench ami korchimnant. Jehovak manvona tem ami korit mhunn amkam asloli bhirant khub ghott asonk zai. Hem ami Nehemiasachea udharonnantlean zannam zatat. Tannem Rajpal mhunn apnnank asloli podvi uzar korun girest zaunk nakarlem. Kiteak? Karonn, taka “Devachi bhirant asli” mhunn to sangta. (Nehemias 5:15) Nehemiasak, Jehovak manvona tosli koslich vost korunk naka asli. Nehemiasa bhaxen ami kosli-i chuk korun Jehovak dukhoit mhunn amkam pasun bhirant asa. Jehovak kitem manvota tem amkam Bible vachlolean kolltta.—Endnote 6 polloi.
Bible-ant Motiam Sodhum-ia
(Romkarank 3:4) Na ki na! Sogllim monxam fottkirim zalear-ui, Dev sotevont zaunkuch zai; tor Povitr Pustokar oxem boroillem asa: “Mhojer formonn martai tednam, Tujem formonn nitichem; mhoji zhoddti kortai tednam, chuki viret Tuji zhoddti.”
w08 6/15 30 ¶5
Romkarank Potrantle Mukhel Mudʼde
3:4. Munxanchim utram, Devan aplea Utrant sanglam tachea add voitat tednam ami “Dev sotevont” mhunn manun, Bible-antlea sondexacher patietat ani Devachea khuxe pormonnem vagtat. Rajea vixim porgott korchea ani xis korchea kamant ami urben bhag ghetat tednam ami dusreank Dev sotevont mhunn zannam zaunk modot kortat.
(Romkarank 3:24, 25) Devache doien, Jezu Kristan monxank suttka dilʼlean, tim funkea Devak manovlolim zatat. 25 Bhavarth dhortoleam khatir Devan Jezuk Aplem rogot varoun bhogsonnem divpachi boli zaunk nemla: oxem korun Tannem Aple doiallaiechem nitivontponn porgott kelem, poile svater adlea kallar kellea patkam pasot.
w08 6/15 29 ¶6
Romkarank Potrantle Mukhel Mudʼde
3:24, 25—“Adlea kallar kelʼlea patkam” pasot ‘Jezu Kristan munxank diloli suttka’ farik korchea adinch koxem bhogsonnem melltta? Utpoti 3:15-ant Mesiasa vixim sanglolem poilem bhakit, 33 K.X.-ant Jezuk khambear marlo tednam purnn zalem. (Gal. 3:13, 16) Jehovan hem bhakit kelem tednanch, tachea nodren soddvonnechem mol farik zalʼlea sarkem zalem, karonn, Devak aplo udʼdhex purnn korunk kainch addaunk xokona. Tor Jezu fuddarak diuncho aslo tea bolidana udexim, Jehova, tea bhasaunnecher bhavarth dovortolea Adanvachea sonstechim patkam bhogsunk pavlo. Toxench, Jezu morchea poilim jim meleant tankam pasun soddvonne udexim punorjivontponn melltta.—Itihas 24:15.
FEBRER 11-17
DEVACHEA UTRANTLE THEVE|ROMKARANK 4-6
“Devan Apunn Amcho Mog Korta Mhonn Dakhoilem”
(Romkarank 5:8) Punn ami ozun patki asleanv tednam, Krist amche pasot melo ani oxem Devan Apunn amcho mog korta mhonn dakhoilem.
(Romkarank 5:12) Borem tor, eka monxa udexim patok hea sonvsarant bhitor sorlem ani patka udexim moronn; ani oxem sogllea monxank moronn pavlem, kiteak soglleamnim patok kelem—.
w11 6/15 12 ¶5
Devan Apunn Amcho Mog Korta Mhunn Dakhoilem
5 Paulun ho mudʼdo, ho vixoi sangon suru kelo: “Eka monxa udexim patok hea sonvsarant bhitor sorlem ani patka udexim moronn; ani oxem sogllea monxank moronn pavlem, kiteak soglleamnim patok kelem.” (Rom. 5:12) Munxakullachi survat koxi zali tem Devan boroun dovorlolean ami hem somzonk xoktat. Jehovan, Adanv ani Eve hea don munxank rochlim. Rochnnar poripurnn asa ani teach bhaxen amchim purvoz, poilim rochlolim munxam pasun poripurnn aslim. Devan tankam ek kaido dilʼlo ani tim tea kaidea add gelim zalear tankam moronn favo zatolem mhunn sanglolem. (Ut. 2:17) Punn, tannim luksonn zata tosli vatt vinchli. Tanchean pallunk zatalo toslea Devachea kaidea add vochon, Dev, Kaide Diupi ani Sorvpodvedar mhunn tannim nakarlem.—D.S. 32:4, 5.
(Romkarank 5:13, 14) Devan Somurt diunche adim patok sonvsarant aslem. Somurt nasli mhonnttoch, Somurt moddlea mhonn konnachoch guneanv korunk zainaslo. 14 Tori astana, dilʼlo kaido monxamnim Adanva porim moddunk na astana-i, Adanva thaun Moizesa porian mornnan somestancher raj choloilem. Adanv mhollear ieuncho aslo tea Monxacho purv-rupkar.
w11 6/15 12 ¶6
Devan Apunn Amcho Mog Korta Mhunn Dakhoilem
6 Adanv patki zalea uprantuch to bhurgeancho bapui zalolean, patok ani patkacho porinnam sogleancher zalo. Adanvachea bhurgeamnim tachea bhaxen Devan dilʼlo kaido moddunk na tor tim Adanva sarkim guneanvkari naslim ani tednam meren Devan khoinchich kaideanchi somurt-ui diunk nasli. (Ut. 2:17) Tori astana, Adanvachi sonsot patki zali. Hea bhaxen, tea vella thaun Israelitkarank kaido dilʼlo tednam meren, patok ani moronn raj choloit aslem ani to kaido tim patki mhunn dakhoun ditalo. (Romkarank 5:13, 14 vachat.) Patkacho porinnam, avoi-bapui thaun bhurgeank ieta toslea eka duensak sor korunk zata, zoxem eke torechi Diabetes. Avoi-bapaik hem duens aslem zalear, tanchea bhurgeank-ui hem duens ieunchi chodd xokiotai asta. Tori punn, dor eka bhurgeak tem duens zatolench oxem na. Punn, patok vegllem zaun asa. Adanva thaun ailolem patok sogleancher ieta, konnuch tachea thaun chukonk xokona ani tem mornnak pavoita. Hem patok dor eka bhurgeak lagta. Tor hi poristhiti kaddun uddounk zata kai?
(Romkarank 5:18) Mhonnttoch, zoxem eka monxachea guneanvan somest monxancher khastichem formonn poddlem, toxench eka monxachi purnn bhoktichi kornni somest monxank Jivit zoddun dita, mhonnge tankam Devak manovlolim korta [tankam nitivont mhunn kollit korta, NW].
(Romkarank 5:21) he porim, zoxem patkan mornna vorvim raj choloilem, toxench atam Devachi doiallai amkam Devak manovlolim korun raj choloita ani, amchea Somia Jezu Krista udexim, Sasnnik Jivitak amkam pavoita!
w11 6/15 13 ¶9-10
Devan Apunn Amcho Mog Korta Mhunn Dakhoilem
9 “Tankam nitivont mhunn kollit korta” hea Grek utrancho orth kitem? Ek Bible bhaxantor korpi hacho orth oso dita: “Him utram, eka korttant kitem ghoddtta tea bhaxen somzaileam. Hanga ek munis aplea bhitor korta toslea bodlava vixim nhoi, punn Deva sangata tachea sombondant zata tea bodlava vixim sangta. . . Him utram, Devak eka neai korpeak sor keleant, zo eka aropeak soddouncho nirnnoi gheta. Eka orthan tea aropeak Devachea korttant haddla, ani tacher onitivontponnacho guneanv ghatla. Punn Dev tea aropeak soddoita.”
10 Nitivont aslolo, “akʼkhe prithumecho Monsubidar,” eka onit munxak kiteachea adarit soddounk xokta? (Ut. 18:25) Soddounk lagon, Devan mogan aplea ekleach Putak prithumer dhaddlo. Tallnneo, fokannam, ani opman sosche poddle tori astana, Jezun poripurnn ritin aplea Bapachi khuxi keli. Itle meren, ki taka khambeacher khillailo tednam pasun to visvaxi ravlo. (Heb. 2:10) Aplem patok naslolem jivit bolidan korun, Adanvachea sonstik laglolea patka ani mornna thaun suttka diunk Jezun amchea pasot soddvonn dili.—Mt. 20:28; Rom. 5:6-8.
Bible-ant Motiam Sodhum-ia
(Romkarank 6:3-5) Amkam soglleank Povitr-Snanachea somoiar Jezu Kristant buddoun kaddleant, mhonnge Tachea mornnant buddoileant: hem tumi nokllot? 4 Mhonnttoch, Povitr-Snana vorvim Tachea vangdda Tacheach mornnant amkam nikhipileant. Kitea pasot? Zoso Bapan Aple mhoimebhorit podven Kristak melʼleantlo punorjivont kelo, toxench amchem-i jivit sarkem novem zaunche khatir oxem kelam! 5 Tache bhaxen morun Jezu ani ami zor ekach jivachim zaleanv, tor Tache bhaxen punorjivont zaun-ui, To ani ami ekach jivachim zatoleanv.
w08 6/15 29 ¶7
Romkarank Potrantle Mukhel Mudʼde
6:3-5—Jezu Kristant bautizm ghevop ani tachea mornnant bautizm ghevop mhunnttlear kitem? Jehova Kristachea pattlavdarank povitr xokte vorvim makhta tednam tim Jezu sangata ekvottʼttat, ani sobhechim sodoxeo zatat, mhunnche Kristachea kuddiche sandhe zatat, zoim Krist Mostok zaun asa. (1 Kor. 12:12, 13, 27; Kol. 1:18) Oxe toren, tim Jezu Kristant bautizm ghetat. Obhixikt Kristanv, apleak nakarun aplem jivit sartat tednam ani prithumer sasnank jieuncho bhorvonso soddun ditat tednam “tachea [Jezuchea] mornnant” pasun bautizm ghetat. Tor, tanchem moronn Jezuchea mornna bhaxen ek bhettoilolo iodn zaun asa, punn aplea mornna udexim tim dusreank soddvonn diunk xokonant. Tim mortat ani magir sorgar punorjivont zatat tednam, Jezu Kristant tancho bautizm purnn zata.
(Romkarank 6:7) Monxam mortat tednam, tim patkache podventlim suttlim.
w14 6/1 11 ¶1
Mhojea Purvozank Koslo Bhorvonso asa?
Onitivont lokanchem punorjivontponn zata tednam, tanchea adlea patkanchea adarit tancho neai zatolo kai? Na. Romkarank 6:7 sangta: “Monxam mortat tednam, tim patkache podventlim suttlim.” Onitivont lok aplea patkanchem farikponn mornna udexim ditole. Taka lagon, adim nennarponnan kelolea patkank lagon nhoi, punn punorjivontponna uprant tim jem kortat, tachea adarit tancho neai zatolo. Tankam koso faido zatolo?
FEBRER 18-24
DEVACHEA UTRANTLE THEVE|ROMKARANK 7-8
“Tumi ‘Otrekun Otrektat’ Kai?”
(Romkarank 8:19) kiteak Devachea bhurgeanche prokasovnnek akʼkhi rochnna otrekun otrekta.
w12 7/15 11 ¶17
Khori Svotontrtai Mellonk Jehova Tuka Vatt Dakhoum
17 Prithumer aslolea aplea sevokam pasot Jehovan fuddarak dovorlolea svotontrtaie vixim bhasabhas kortana Paulun oxem boroilem: “Devachea bhurgeanche prokasovnnek akʼkhi rochnna otrekun otrekta.” Uprant tannem sanglem: “Aplea bhurgeanchea mhoimebhorit svadhinponnant rochnnek vantto diunche pasot, khud Dev tika kusddeponnachea gulamponnantli soddoun svotontr kortolo.” (Rom. 8:19-21) Hanga sangloli “rochnna,” prithumer jieuncho bhorvonso aslolea munxakullak suchit korta, ji Devachea xokte vorvim obhixikt zalolea bhurgeanchea ‘prokasovnne’ thaun faido zoddun ghetoli. Punorjivont zaun sorgar gelolim him ‘bhurgim’ Krista sangata prithume voilem vaittponn kaddttat tednam ani novea sonvsarant jieunk ‘vhodd urponjechi’ rakhonn kortat tednam, tanchi prokasovnni zaunk suru zatoli.—Prok. 7:9, 14.
(Romkarank 8:20) Aplo xevott xarti pavounk rochnnechean nozo zalem tem tichech khuxen nhoi, punn Apli ievzonn pallun haddchea bhorvanxean Devanuch oso nirnnoi ghetlo.
w12 3/15 23 ¶11
Amchea Bhorvonxea Pasot Sontostana
11 Bhasailolea “sonsti” vorvim “adlo sorop” Devchar, Soitana thaun suttka ditolo mhunn Jehovan bhasaunni korun munxakullak ek ‘bhorvonso’ dilo. (Prok. 12:9; Ut. 3:15) Tea ‘sosticho’ mukhel bhag Jezu Krist aslo. (Gal. 3:16) Jezun munxakullak patkachea ani mornnachea gulamponnantlim svotontr korcho bhorvonso aplea mornna ani punorjivontponna udexim ghott kelo. Ho bhorvonso purnn zavop ani ‘Devachea bhurgeanchi prokasovnni’ zavop hanchea modem sombond asa. Tea ‘sonstecho’ dusro bhag mhoimebhorit obhixikt Kristanv zaun asat. Te Krista sangata Soitanachea vaitt sonvsaracho nas kortat tednam tanchi prokasovnni zatoli. (Prok. 2:26, 27) Hachea vorvim vhodd sontapak fuddo korun ietat tea her menddrank taronn mellttolem.—Prok. 7:9, 10, 14.
(Romkarank 8:21) Ho to bhorvanso: Aplea bhurgeanchea mhoimebhorit svadhinponnant rochnnek vantto diunche pasot, khud Dev tika kusddeponnachea gulamponnantli soddoun svotontr kortolo.
w12 3/15 23 ¶12
Amchea Bhorvonxea Pasot Sontostana
12 Kristachea Ek Hozar Vorsanche Razvottkechea vellar munxakullache ‘rochnnek’ koslem somadhan astolem! Tea vellar mhoimebhorit zalolim “Devachim bhurgim” Krista sangata iadnik mhunn Jezuchea soddvonnechea bolidanacho faido munxakullak diunk kam kortolim tednam tanchi anik prokasovnni zatoli. Sorginchea Rajeachi porza mhunn aslole munxakullache ‘rochnnek’ patkachea ani mornnachea porinnam-a thaun suttka mellttoli. Khaltim munxam, hollu-hollu ‘kusddeponnachea gulamponnantlim svotontr’ zatolim. Tea Hozar Vorsanchea vellar ani nimannea porikxechea vellar tim visvaxi ravtat zalear, Jehova tanchim nanvam ‘jivitachea pustokar’ boroitolo. Tankam Devachim bhurgim mhunn mhoimebhorit svotontrtai mellttoli. (Prok. 20:7, 8, 11, 12) Khoreanich ek mhoimebhorit bhorvonso!
Bible-ant Motiam Sodhum-ia
(Romkarank 8:6) Monxasoimbacher iklo dovorlear, tuka mellta fokot moronn; punn Povitr Atmeacher to dovorlo zalear, tuka mellta jivit ani xanti.
w17.06 3
Tumkam Ugddas Asa?
‘Munxasoimbacher iklo dovrop’ ani ‘povitr atmeacher iklo dovrop,’ hanche modem kitem ontor asa? (Rom. 8:6)
‘Munxasoimbacher iklo dovorta’ to aple opurnn kuddiche anvdde ani vondavnnencher dhean dita, mhunnche to kuddichea vostunchich vakhannʼnni korun sodanch tacheach vixim uloita. Punn ‘povitr atmeacher iklo dovorta’ to aplem akʼkhem jivit Deva sombondit aslolea vostuncher ani tachea chintnancher dovorta. Oslea Kristanvancher povitr xokti kam korta. ‘Munxasoimbacher iklo dovrop’ mornnank pavoita, punn ‘Povitr Atmeacher iklo dovorop’ jivit ani xanti dita.—w16.12, p. 15-17.
(Romkarank 8:26, 27) Tech porim, ami osokt mhonnun, Povitr Atmo amchea adarak ieta. Favo te bhaxen kitem magchem tem ami nokllonv; dekhun, utramnim ucharunk zainant tosle haskar-suskar soddun, Atmo amche khatir Apunnuch vinoti korta. 27 Dev kallzam topasun vollkhota, ani Povitr Atmeachi axa konn ti To borem zanno, kiteak Devachech khuxe pormannem povitr kelʼleam pasot To vinovnni korta.
w09 11/15 7 ¶20
Tujem Magnnem Tujea Vixim Kitem Sangta?
20 Kednam-kednam amchea svotachea magnneant ami kitem mhunnonk zai tem amkam ghoddie khobor aschem na. Paulun boroilem, “Favo te bhaxen kitem magchem tem ami nokllonv; dekhun, utramnim ucharunk zainant,” punn “[Povitr] Atmo amche khatir Apunnuch vinoti korta. Dev kallzam topasun vollkhota, ani Povitr Atmeachi axa konn ti To borem zanno.” (Rom. 8:26, 27) Jehovan aplea utrant zaitim magnnim boroun dovorleant. Heo prerit keloleo vinoti, ami kelolim magnnim mhunn to manun gheta ani purnn korta. Dev amkam boro vollkhota, ani Bible boroupeank aple xokte vorvim borounk sanglolea utrancho orth pasun to boro zannam. Tor povitr xokti amche pasot “vinoti” korta vo amche pasot magta tednam, Jehova amchim magnnim aikota ani tancho zobab dita. Punn ami Devachea Utranchi bori vollokh korun ghetlear ami kitea pasot magnnem korunk zai tem amchea monant rokddench ietolem.
FEBRER 25–MARS 3
DEVACHEA UTRANTLE THEVE|ROMKARANK 9-11
“Zoitunachea Rukhachi Vopar”
(Romkarank 11:16) Poilench kaddlolem muttbhor pitt Devak sonvskarlem zalear, sogllem mollun toiar kelʼlem pitt-ui sonvskarlolem zalem. Toxench rukhachem pall Devak sonvskarlolem zalear, tache khande-i sonvskarlole zale.
w11 5/15 23 ¶13
‘Kitli Mhunn Khol Devachi Zannvai!’
13 Uprant, apostl Paulu Abramachea sonstichea bhagant asloleank, suchit korta toslea zoitunachea rukhachea khandeank sor korta. (Rom. 11:21) Ballgilʼlo vo sambhall kelolo zoitunacho rukh Abrahama sangata kelolea korara udexim Jehova purnn korunk sodhtalo tem, to koso xarti pavoitolo tem suchit korta. Rukhachem mull povitr asa ani tem otmik Israelank jivit diupi Jehovak suchit korta. (Iz. 10:20; Rom. 11:16) Kandd vo Khodd, Abrahamachea sonstichea mukhel bhagak suchit korta. Khande sangata mellon, Abrahamachea sonstichea dusrea bhagant aslole “sorv” zannank suchit korta.
(Romkarank 11:17) Ballgilʼlea eka zoitunache khande moddun uddoile mhonn somzat, ani eka zonglli zoitunachi khandi garf korun tea ballgilʼlea zoituna bhitor rigoili; tumi, [videxiamno,] tea zonglli zoituna sarkim, punn atam ballgilʼlea zoitunachea palla thaun choddlole puxtticho tumkam vantto mellʼlla.
(Romkarank 11:20, 21) Hoi, tem khorem. Tannim bhavarth dhorlo na dekhun, tankam moddun uddoile; tumi ghott ubim asat tim tumchea bhavarthak lagun. Mhonnttoch hache vixim gorvan bhorom nakat, bhirantin cholat. 21 Devan zor soimbachea khandeank soimba pormannem vaddonk dovorle nant, tor tumkam-i To vaddonk dovrina zait.
w11 5/15 24 ¶15
‘Kitli Mhunn Khol Devachi Zannvai!’
15 Aplo udʼdhex purnn korunk Jehovan kitem kelem? Eka zongli zoitunachea rukhache khande, eka ballgilʼlea vo samball kelolea zoitunachea rukhache moddun uddoilolea khandeachea zagear garf kele mhunn Paulu somzaita. (Romkarank 11:17, 18 vachat.) Taka lagon, povitr xokte vorvim obhixikt zaun raxttram thaun ailolea Kristanvank, zoxem, Romant aslolea thoddea Kristanvank, eke ritin hea suchit kelolea zoitunachea zhaddak garf keleat. Hea toren te Abrahamachea sonstiche bhag zatat. Hachea poilim, tankam hea khas koraracho bhag zaunchi sondhi nasli dekhun te eka zongli zoitunachea rukhache khande koxe asle. Punn, otmik Judev zaunchi sondhi mellonk Jehovan tankam ek vatt ukti keli.—Rom. 2:28, 29.
(Romkarank 11:25, 26) Bhavam-bhoinnimno, hea sogttant ek sot liplolem asa, ani tem tumi zanno zalʼlim mhaka zai; na tor, apunnuch xannim mhonn chintun tumi tumchech sombondim murgottxat. Tem sot mhollear hem: Israel-porjecho ek vantto aplea vadeacho zaun gelo, tem fokot sorv videxi raxttrancho lok bhitor soro porian. 26 Ani he bhaxen Dev akʼkhea Israelak soddvonn ditolo. Tor oxem boroilolem asa: “Siona thaun ietolo Taronn-Dinnar, Jakobachea Ghorannea thaun tanchi obhokti To pois kortolo.
w11 5/15 25 ¶19
‘Kitli Mhunn Khol Devachi Zannvai!’
19 ‘Devache Israel-porjeche’ sombondit Jehovacho udʼdhex ekdom borea ritin purnn zala. (Gal. 6:16) Paulun sanglolem toxem, “akʼkhea Israelak soddvonn” melltttoli. (Rom. 11:26) Jehovachea sarkea vellar, ‘akʼkhem Israel’—mhunnche, otmik Israelantlim soglim, sorgar raza ani iadnik zaun seva kortolim. Jehovacho udʼdhex purnn zaunk kitench addaunk xokona!
Bible-ant Motiam Sodhum-ia
(Romkarank 9:21-23) Ekech matiechem ek aidon kherit somoiar vaprunk ani dusrem sadharonn upeogak korunk kumbharak aple matiecher sotʼtia na kitem? 22 Devan kelam tem-i toxench. Aplo krodh dakhounk ani Apli podvi porgott korunk Tachi khuxi asli. Dekhun, Aplea krodhachim hatiaram kelea uprant, zancho To nas korunk sodtalo, tankam Tannem tokos kaddun soslim. 23 Dusre vatten, Aple mhoimechi girestkai dakhounk sodtalo dekhun, amkam Tannem adinch thaun Aple mhoimek toiar kelim ani heach pasot Apli doiallai amkam bhogunk dili.
w13 6/15 25 ¶5
Jehovache Xist Tuka Akar Dium
5 Vhodd Kumbhar akar ditana munxam tem mudʼdom nakartat zalear kitem zatolem? Toxem zalear, to aplo odhikar koso choloitolo? Ek umkem matiechem aidon toiar korunk, kaddun dovorloli mati tea kamank upkarona zalear, ek kumbhar kitem kortolo tem chintat. To ti mati gheun dusrem ek aidon toiar kortolo vo ti mati bhair uddoitolo! Mati kiteakuch upkarona tednam chodd korun kumbharachoch guneanv asta. Punn amchea Kumbhara vixim toxem na. (D.S. 32:4) Jehova akar ditana ek munis tem manun ghena zalear, guneanv tea munxachoch asta. Jehova munxank akar dita tednam tim koxim vagtat, tea pormonnem to apli vagnnuk bodlun munxacher eka kumbhara bhaxen aplo odhikar choloita. Je konn bore bhaxen to akar apnnaitat tankam to faideacho zatolo. Udharonnak, obhixikt Kristanv ‘doiechi aidona’ asat, zankam ‘mhoimek toiar kelim’ aidona sarke akar dilea. Dusrea vatten, je konn mudʼdom Devachea add voitat, te ‘nas korunk aslolim krodhachim aidonam’ zatole.—Rom. 9:19-23.
(Romkarank 10:2) Deva sorim tankam khotkhotit hurba asa mhonn hanvuch govai ditam, punn ti goir-somozacher dhorloli asa.
it-1 1260 ¶2
Urba
Chukichi Urba. Ek munis kallzant thaun eka vixoi-a vixim urba dakhoita astolo, punn teach vellar to chukonk xokta ani Devak manvona tem korunk xokta. Poilea xekddeantle zaite Judev-ui toxench kortale. Moizesachea Somurti pormonnem jieun te aplea kamam udexim nitivont zaunk sodhtale. Punn tankam khorem ginean naslolean, tanchi urba chukichi asli mhunn Paulun tankam dakhoun dilem. Tea karonnak lagon, Deva thaun melltta tem khorem nitivontponn tankam mellonk na. Nitivont zaunk ani Kaidea pormonnem guneanvkari asle tantuntlean svotontr zaunk tannim apli chuk manun, Krista udexim Deva lagim ieunk zai aslem. (Rom. 10:1-10) Tarsus-acho Saulu, tosoch aslo. Taka Judev dhorma pasot hun-hunit urba asli. Itli ki, to ‘povitr-sobhek hispa bhair dhumallo ditalo ani ticho nas korunk vavurtalo.’ To bariksannen Somurt pallttalo ani ‘promannikponnache babtint tache bhitor koslich chuk’ nasli. (Gal. 1:13, 14; Filp. 3:6) Tori punn, Judev dhorma sombondit tachi urba chukichi asli. To kallzant promannik aslo dekhun Jehovan taka Krista vorvim favo nasloli doia dakhoun khore bhoktechi vatt dakhoili. —1Tim. 1:12, 13.