Koxem Lagu Zata Tem Spoxtt Korop

Mhonnʼnneo 3:21

KITEM KORCHEM: Tuzo vixoi aiknnareanchea jivitant koso lagu zata ani tea vixim xikon tannim kitem korunk zai tem somzonk adar kor.

HEM KOXEM KORCHEM:

• Tujea aiknnaream vixim chint. Tum sangta ti khobor tujea aiknnareamnim aikon ghevop kiteak mhotvachem ani tankam kitem khas korun faideak poddttolem tem chint.

• Aiknnareamnim kitem korchem tem sang. Survatek thaun dor eka aiknnarean, ‘Hem mhojea pasot asa,’ mhunn somzon gheunk zai. Dor eka mukhel mudʼdeacher uloitanam, to koso lagu korcho tem dakhoun di. Aiknnarean kitem korchem tem spoxtt ritin sang.