Ttrekttam Uzar Korun Ulovop Koxem Suru Korop

Janer 2018 thaun Jivit ani Porgottnni Mittingechi Pustika, hanchea poilea panar ulounk modot ho bhag suru zalo. Lokank bexttinch prokaxonam diunchea bodlek, tanchea lagim ulovop suru korunk amkam urba dilea. Porgottnnarank tanchea ulovpant bodlav korunk modot zaunk, ulounk modot viddeo-nt fokot Bible uzar korun ulovop koxem suru korunk zata tem dakhoilam. Tor hacho orth, ghor-ghoramnim porgott kortana ami prokaxonam diunk zainant kai? Na, toxem nhoi! Udharonnak, ulovop suru korunk ttrekttam uzar korop ek bori vatt zaun asa. Ami khoinchem-i ttrektt ditana sokol sanglam toxem korunk zata:

1. Fuddlea panar dilolo prosn vichar.

2. Dusrea panachea survatek aslolem vers vo versam dakhoun, Bible-acho zobab kitem tem dakhoi. Vell asa zalear, ttrekttant asloli thoddi mahiti vachun tacher bhasabhas kor.

3. Aiknnareak tem ttrektt di, ani tantuntli urloli mahiti taka zai tednam vachunk sang.

4. Voichea poilim, “Hache Vixim Chintat” hachea sokol aslolo prosn dakhoi ani tacho zobab dusre pavtti Bible-antlean polloum-ia mhunn sang.

Porot bhett kortana tea prosnacher bhasabhas kor ani fuddlea bhette vellar bhasabhas korunk anik ek prosn sodd. Tumi to prosn amchea website-i thaun vo ttrekttachea fattlean dakhoilolea prokaxona thaun vinchunk zata. Poristhiti polloun, Devan Dilʼli Bori Khobor! vo Seve Pasot Mukhel Prokaxonam hantunt aslole ek obheasachem prokaxon diat.