LESSON 01
Hãne Bablo Wɔle Bɔ Nuẽ Ná Hɛla?
À pɛpɛ a yɛlɛ bá yi dɔo hoba yeo kõnõ nẽã fɛ. Kuwuɛ, kɔwɛ ne ti nene nyã dɛ mi tũõ kpaa. A yɛlɛ hee la yeo a klawleya mẽ. E wi wlóyɛ hoba a kõwẽ nẽ hãba nu à kabi kõẽẽ a na na. Nẽ hãba nu À kabi kõẽẽ a plɔ mi blo. Nyũwé hoba ye Bablo tu tɛɛ la dɔo ŋa ne ɔ nye àmo hãã tɔ ẽẽ àmi nũẽ yele a kõnõ nea. Pe ye Nyũ te hõ Bablo wɛ bɔ hɛɛ?
1. Tele yela dɔo mlẽã kulɛ Bablo tuɛ ŋa?
Bablo tu dɔo hoba ŋa ɛwi hã hono nu wló tuɛ? Dɛ te À nẽã Kõnõ? Nyũwé hé dɛ klã nu dɛ te o wiɛ ku? Nyũwé bo ko dɛ kpea tuõ yéó mẽ? Ɛnõ Nyũ te yele plɔ blówɛ, ye dɛ te o hwẽã to? Hãne kõnõ te o miẽ nẽã yele nyã? Te a pɛpɛ à yɛlɛle Bablo kõ ɛ ŋa tue. Nyũwé hoba wɛ ɛ ŋa tuɛ a yiɛ mẽ.
2. Hãne Bablo nie à hɛe la ɛno ti à yi a kono wono yolo?
Bablo nye àmo hã tɔ. Tɛtɛ ɛ tõẽ kabi koẽẽ o yi plɔ bloɛ kõ. Ɔ nye àmo tɛɛ la tɔ dẽ bà nu, bɛnu dɛ klã bɛ bé àmo yɛ ne hãba nuã kõã a wono yolowɛ. Kõ bé kyẽ dɛ Bablo bɔkẽ kpɛ-kpɛ. Kõ bé kyẽ ɛ dɔo hoba bɛ ti bà yiwɛ kyẽẽ ta dó. Yilẽ kõ bé wẽẽ kẽ dẽ Bablo waa té ɔ bɔkẽ. “Bablo a pɛpɛ kyẽnẽ [de á pɛpɛ nẽnẽ Bablo wlo]…e nẽõ yeo à hãne dɛ mẽ.”—2 Timothy 3:16.
Kyẽnẽ dɛ te ɛ hé Bablo. Kɛ, ɛ kɔbɛ hɛɛ mo bé kyẽ Bablo te yio dié mẽ. À ba le mlẽ hélé Bablo dui te ne be tãõ dɔo é kyẽ mẽnẽ.
KYẼ DƆO HOOBA
Kyẽ hãne Bablo ni nyũwé a hɛla. Hãne wɛ be nu hele a wono yloɛ ɛkõ dẽ te ɛ nu tɛɛ kõ Nyũ bá kyẽ wɔ mi no nẽ yolo.
3. Bablo peɔ àmone
Hãne do ɛ ne napẽ ɛ hɛe àmo à yloé le yélé kpélɛ, hãne do ɛ ne Bablo hɛe àmo à ye dɔo e mi tuõ kpaa ye le nyã. Bablo hɛe àmo à bɛ te tiɛ tɛɛ.
Hélé Psalm 119:105, Ne bà tu tele yela dɔo te ŋa:
Nyũ kyẽnẽ Bablo dlóté, dɛ tie ɔ dlole hĩẽ?
Ná gblé yé, dɛ tiɛ ná dlo mẽne hiẽ?
4. Bablo tui a tele yela dɔo ŋa
Nyɔno te ye, Bablo hɛe lɔɔ tele yela dɔo hwe hẽ ɔ nẽẽ dlokẽ ɔ yie ɛ ŋa tuɛ. Ye SHÓ te, ɛ mi àmo hɛe wa à mi ɛ ŋa tuɛ yé.
Yele shó té wlo, tele yela dɔo a kulɛ nyɔno ɔ nẽẽ mãẽ kẽ?
Hãne Bablo a kyẽã nũẽ ɔ hɛe la?
Bablo yé ɛ nu tɛ bà yela tele. Bà Hélé Matthew 7:7, àmi tele yela dɔo te ŋã tu:
Tele yela dɔo Mlẽã Kulɛ Kõã hẽ Yelɛ Bablo bɔ tu ŋa?
5 Bablo a heleɛ mi kẽ klõwa
Nyũwé hobã Bablo a heleɛ klõẽ kẽ, ne ɛ peɔ no dɛ. Yé SHÓ té, ɛ mi Àmo hɛe wa Àmi ɛ ŋa tuɛ yé.
Yele shó té wlo hãne gofa nuẽ hélé la yéɛ?
Hãte ke o hé héleɛ nõẽ, kɛ dɛ te o nõẽ Bablo a héléɛ?
Dẽ à kyẽne Bablo wlo e tuilé Àmo wlo wlole ne e nyẽ Àmo wlo yɛ kũẽ Hélé Romans 15:4 yé á tu tele yela dɔo te ŋa:
Wlo wlole tuɛ kõ wloyɛ Kũẽ te Bablo bɔ, pe nõẽ né?
6. Nyũwé mlo hɛe Àmo À yulé Bablo lé
Wuɛo mo dó á Bablo heleɛ ylé, nyũwé hoba yé bo hɛeno bo kyẽ Bablo yie o yloɛ le. Hélé Acts 8:26-31, ne yé à tu télé yela dɔo te ŋã:
Dɛ miẽ hɛwa mi Bablo le ylo?—Bà yié 30 kõ 31.
Nyũmeyu té kõene Itiopia ɔ yɛlɛe nyũũ hõ bɔ hɛe lɔ ɔ mii Bablo le ylo. Ɛ te nyũwé hoba ye nyũwé bo hɛe noo yie o yloe Bablo le
NYŨWÉ MLÕ YÉ: “Bablo a kyẽã mo be polé dié dlélé.”
Hãã Nue yiɛ yé? Ne dɛ mo nue mã ɛ yiɛ?
KYẼ DƐ TÉ Ɛ MA
Tẽ à dulɛeboa à ye Bablo nye àmo tɔ hõ ba nẽẽ kõnõ. Ɔ tui ye télé yela dɔo hwe mlẽ à kõ ɔ tũ ŋa, ne ɔ nye nyũwé wolo wlole tue ɛkõ wolo yɛ kũẽ.
Tãẽ Dlólé
Tɔ a kulɛ à wɛe bà yiɛ le Bablo wlo?
Télé yela dɔo kulɛ à kõã à yele Bablo bɔ tuɛ ŋa?
Dɔo mle a kule yelea Bablo bɔ tõã mó?
TELE PÓ DƆO MLẼ
Kyẽ hãne Bablo a tɔ nu yile nõẽ yele à ti té wlo.
Bà yé Nyũmeyu té hãã Bablo nu ɔ hɛe la, hõ wolo hɛe ku wulé ɔ yi sãdɛ yle.
Kyẽ tɔ a kpili-kpili ẽ Bablo nyẽã yeo kabi kõẽẽ mẽ.
“Dɔo Kpili 12 Hẽ Wɛ Be Hɛe Kabi Kõẽẽ Bo Kõ Plɔ Blowɛ” (Awake! No. 2 2018)
Yé hãne Bablo nu nyuwé hoba a hɛe la o kõẽ dui mẽnẽ hĩẽ ɛ ti Nyesoa nẽ kono té.