ઈસુને પગલે ચાલો

ઈસુએ આપણી માટે સરસ દાખલો બેસાડ્યો છે, ખાસ કરીને આપણે કસોટીઓ કે સતાવણીનો સામનો કરતા હોઈએ ત્યારે. (૧પી ૨:૨૧-૨૩) ઈસુનું અપમાન કરવામાં આવ્યું; અરે, રિબાવવામાં આવ્યા તોપણ તેમણે સામે વેર ન વાળ્યું. (માર્ક ૧૫:૨૯-૩૨) એ બધું સહન કરવા તેમને ક્યાંથી મદદ મળી? તેમણે દિલમાં ગાંઠ વાળી હતી કે તે યહોવાની ઇચ્છા પ્રમાણે જ કરશે. (યોહ ૬:૩૮) ઉપરાંત ‘તેમની આગળ રાખેલા આનંદ’ પરથી ઈસુએ નજર હટાવી નહિ.—હિબ્રૂ ૧૨:૨.

આપણી માન્યતાને લીધે જો કોઈ ખરાબ રીતે વર્તે તો આપણે શું કરીશું? યહોવાના ભક્તો ‘ભૂંડાઈનો બદલો ભૂંડાઈથી વાળતા નથી.’ (રોમ ૧૨:૧૪, ૧૭) ઈસુની જેમ આપણે પણ કસોટીઓ સહન કરીશું તો આનંદિત રહીશું, કારણ કે યહોવા આપણાથી ખુશ હશે.—માથ ૫:૧૦-૧૨; ૧પી ૪:૧૨-૧૪.

યહોવાનું નામ સૌથી મહત્ત્વનું છે વીડિયો જુઓ અને આપેલા સવાલોના જવાબ આપો:

• બહેન પોટઝીંગરેa કઈ રીતે એકાંત કારાવાસ દરમિયાન સમયનો સારો ઉપયોગ કર્યો?

• અલગ અલગ જુલમી છાવણીઓમાં કેવી સતાવણીઓ હોવા છતાં પોટઝીંગર યુગલ ટકી રહ્યું?

• શ્રદ્ધામાં અડગ રહેવા તેઓને ક્યાંથી મદદ મળી?