કુટુંબમાં એકબીજાને આદર આપીએ

કુટુંબમાં એકબીજાને આદર-માન આપવા કેમ મહત્ત્વના છે?

• સેવન પ્રિન્સિપલ્સ ફોર મેકિંગ મેરેજ વર્ક નામના પુસ્તકમાં જણાવ્યું છે: “જો પતિ-પત્ની એકબીજાને માન આપશે, તો તેઓ મોટી બાબતોમાં જ નહિ નાની નાની બાબતોમાં પણ એકબીજાને પ્રેમ બતાવી શકશે.”

• બીજાઓને માન આપતા બાળકો વિશે એક સંશોધનમાં આમ જણાવ્યું છે: તેઓ પોતાના વિશે સારું વિચારે છે, તેઓનો મમ્મી-પપ્પા સાથે સારો સંબંધ હોય છે અને ટેન્શન કે ચિંતા ઓછી હોય છે.

કુટુંબમાં એકબીજાને આદર-માન આપવા તમારે શું કરવું જોઈએ?

કુટુંબ સાથે મળીને વાતચીત કરો. પહેલું, ખાતરી કરો કે આદર બતાવવા વિશે કુટુંબના બધા લોકોના વિચારો સરખા હોય. બીજું, કુટુંબના દરેક સભ્યએ આદર બતાવવા શું કરવું જોઈએ અને શું ન કરવું જોઈએ એ લખી લો. ત્રીજું, જે લખ્યું છે એની આખા કુટુંબ સાથે ચર્ચા કરો, જેથી કુટુંબના દરેક સભ્યને ખબર હોય કે તેમણે આદર બતાવવા શું કરવું જોઈએ.

સારો દાખલો બેસાડો. શું તમે કુટુંબના સભ્યોએ કરેલી ભૂલોને વારંવાર યાદ અપાવો છો? તેઓ પોતાના વિચારો જણાવે ત્યારે શું તમે તેઓની મજાક ઉડાવો છો? તેઓ કોઈ વાત કહે ત્યારે શું તમે તેઓની વાત વચ્ચેથી કાપી નાખો છો અથવા એના પર ધ્યાન નથી આપતા?

સૂચન: તમારાં જીવનસાથી અને બાળકોને માન બતાવવાનો પ્રયત્ન કરો, પછી ભલે તમને લાગે કે તેઓ એને લાયક નથી.

સહમત ના હોવ ત્યારે પણ બીજાઓને માન આપો. કુટુંબના સભ્યો સાથે વાત કરતી વખતે આવા શબ્દો ન વાપરો: “તમે તો હંમેશા આવું જ કરો છો,” “તમે ક્યારેય મારું સાંભળતા નથી” અથવા “તમારી સાથે વાત કરવાનો કોઈ અર્થ નથી.” એવું કહેવાથી તેઓને ખોટું લાગી શકે છે અને વાતનું વતેસર થઈ શકે છે.

યહોવાના સાક્ષીઓ કુટુંબમાં એકબીજાને કઈ રીતે આદર-માન આપે છે?

યહોવાના સાક્ષીઓ કુટુંબના સભ્યોને ઉત્તેજન આપે છે કે તેઓ એકબીજાને આદર આપે. અમારાં લેખો, પુસ્તક-પુસ્તિકાઓ અને વીડિયોમાં એ વિશે જણાવ્યું છે. તમે એ બધાં જ સાહિત્ય મફત મેળવી શકો.

યુગલો માટે: jw.org પર કુટુંબ માટે મદદ વિભાગમાં ઘણા લેખો આપ્યા છે, જેની મદદથી પતિ-પત્ની અમુક વાતો શીખી શકે. જેમ કે . . .

• સારા સાંભળનાર બનો

• મુશ્કેલીઓ થાળે પાડો

• દલીલો ના કરો

(jw.org પર શોધો બૉક્સમાં “કુટુંબ માટે મદદ” ટાઇપ કરો)

માબાપ માટે: jw.org પર કુટુંબ માટે મદદ વિભાગમાં ઘણા લેખો આપ્યા છે, જેની મદદથી માબાપ બાળકોને સારું શિક્ષણ આપી શકે. જેમ કે . . .

• માતા-પિતાની વાત માનો

• ઘરકામમાં મદદ કરો

• “પ્લીઝ” અને “થેંક્યું” કહો

(jw.org પર શોધો બૉક્સમાં “બાળકોનો ઉછેર” અને “બાળક યુવાનીમાં ડગ માંડે ત્યારે” ટાઇપ કરો)

સજાગ બનો! નં. ૨ ૨૦૧૯, “બાળકોને સારા સંસ્કાર આપો” અને સજાગ બનો! નં. ૨ ૨૦૧૮, “કુટુંબ સુખી બનાવો બાર રીતો અજમાવો” પાન ૮-૧૧ વાંચો. (jw.org પર જઈને શોધો બૉક્સમાં એ વિષયો ટાઇપ કરો.)

યુવાનો માટે: jw.org પર તરુણો અને યુવાનો ભાગમાં ઘણાં લેખો, વીડિયો અને વર્કશીટ આપ્યાં છે, જેની મદદથી બાળકો અને યુવાનો ઘણી સારી બાબતો શીખી શકે છે. જેમ કે . . .

• મમ્મી-પપ્પા અને પોતાનાં ભાઈ કે બહેન સાથે સારો સંબંધ કેળવો

• મમ્મી-પપ્પાએ બનાવેલા નિયમો વિશે તેઓ સાથે આદરથી વાત કરો

• મમ્મી-પપ્પાનો ભરોસો જીતો

(jw.org પર શોધો બૉક્સમાં “તરુણો અને યુવાનો” ટાઇપ કરો)

jw.org વેબસાઇટનો ઉપયોગ કરવા કોઈ પૈસા માંગવામાં આવતા નથી. એ માટે સબસ્ક્રિપ્શન લેવાની અને સભ્ય બનવાની જરૂર નથી. એટલું જ નહિ, તમારી કોઈ વ્યક્તિગત માહિતી પણ માંગવામાં આવતી નથી.