યહોવાને વફાદાર રહેવાનો પાકો નિર્ણય લઈએ

કેમ મહત્ત્વનું: બહુ જલદી અદ્‍ભુત બનાવો બનશે ત્યારે આપણે હિંમત બતાવવી પડશે. આપણે યહોવામાં પહેલાં કરતાં વધારે ભરોસો રાખવો પડશે. જૂઠા ધર્મોના નાશથી મહાન વિપત્તિની શરૂઆત થશે. (માથ ૨૪:૨૧; પ્રક ૧૭:૧૬, ૧૭) એ મુશ્કેલ સમયે આપણે કદાચ ન્યાયનો કડક સંદેશો જણાવવો પડશે. (પ્રક ૧૬:૨૧) આપણા પર માગોગના ગોગનો હુમલો થશે. (હઝ ૩૮:૧૦-૧૨, ૧૪-૧૬) પોતાના લોકોને બચાવવા યહોવા ‘મહાન દિવસની લડાઈ લડશે.’ (પ્રક ૧૬:૧૪, ૧૬) ભાવિમાં થનાર બનાવો સામે ટકી રહેવા આપણે હિંમત મજબૂત કરવી પડશે. એ માટે હમણાં આપણી શ્રદ્ધાની કસોટી થાય ત્યારે યહોવાને વફાદાર રહેવું કેટલું જરૂરી છે.

કઈ રીતે કરી શકીએ:

• યહોવાનાં ઉચ્ચ ધોરણો પ્રમાણે ચાલીએ.—યશા ૫:૨૦

• ભાઈ-બહેનો સાથે મળીને યહોવાની ભક્તિ કરતા રહીએ.—હિબ્રૂ ૧૦:૨૪, ૨૫

• સંગઠનના માર્ગદર્શનને તરત લાગુ પાડીએ.—હિબ્રૂ ૧૩:૧૭

• અગાઉ યહોવાએ કઈ રીતે પોતાના લોકોને બચાવ્યા હતા એના પર મનન કરીએ.—૨પી ૨:૯

• યહોવાને પ્રાર્થના કરીએ અને તેમનામાં ભરોસો રાખીએ.—ગી ૧૧૨:૭, ૮

હિંમત માંગી લે એવા ભાવિ બનાવો—ઝલક વીડિયો જુઓ અને પછી આ સવાલોના જવાબ આપો:

• 

  એક મંડળના પ્રકાશકોને બીજા મંડળમાં જવાનું કહેવામાં આવ્યું ત્યારે અમુક લોકો માટે શું અઘરું હતું?

• 

  આજ્ઞા પાળવાથી કઈ રીતે હિંમત વધે છે?

• 

  આર્માગેદન આવશે ત્યારે આપણને શા માટે હિંમતની જરૂર પડશે?

• 

  યહોવા આપણને બચાવી શકે છે એ વિશે બાઇબલનો કયો અહેવાલ આપણી શ્રદ્ધા મજબૂત કરે છે?—૨કા ૨૦:૧-૨૪