યહોવાના સેવકો તરીકે આપણું જીવન

ધર્મમાં ન માનનારા લોકોને સર્જનહાર વિશે જાણવા મદદ કરો

અમુક વાર આપણે એવા લોકોને ખુશખબર જણાવતા અચકાઈએ છીએ, જેઓ ધર્મમાં માનતા નથી. કેમ કે આપણને લાગે છે કે તેઓ આપણું સાંભળશે નહિ. પણ યાદ રાખવું જોઈએ કે જેઓ ધર્મમાં કે ઈશ્વરમાં માનતા નથી, તેઓ પણ યહોવાના સાક્ષી બન્યા છે. તેઓને એ પારખવા મદદ કરવામાં આવી હતી કે ઈશ્વર ખરેખર છે.—રોમ ૧:૨૦; ૧૦:૧૪.

ભૂલશો નહિ—શ્રદ્ધા ન રાખનારા પણ શ્રદ્ધા મૂકી શકે!—ધર્મમાં ન માનનારા લોકો વીડિયો જુઓ અને પછી આ સવાલનો જવાબ આપો:

ધર્મમાં ન માનનારા લોકોને ખુશખબર જણાવવા વિશે ટોમાસોભાઈના અનુભવથી શું શીખી શકીએ?

તમારો જવાબ

કઈ રીતે કરી શકીએ:

જો કોઈ કહે કે તે ઈશ્વરમાં માનતા નથી, તો તેમની સાથે પ્રેમથી અને સમજી-વિચારીને વર્તો. તેમની વાત ધ્યાનથી સાંભળો અને તે એવું કેમ માને છે એ સમજવાનો પ્રયત્ન કરો. (૨તિ ૨:૨૪) તેમને રસ હોય એવા વિષય પર વાત કરો. શું તે એવા પુરાવા પર ચર્ચા કરવા તૈયાર છે, જેની મદદથી ઘણા લોકોએ સર્જનહારમાં શ્રદ્ધા મૂકી છે? જો હા, તો એ હેતુથી તૈયાર કરેલાં સાહિત્ય અને વીડિયો તેમને બતાવો. જેમ કે, વોઝ લાઈફ ક્રિએટેડ? અને ધી ઓરીજીન ઑફ લાઈફ—ફાઈવ ક્વેશ્ચન્સ વર્થ આસ્કીંગ મોટી પુસ્તિકાઓ. બીજાઓને સહેલાઈથી બતાવી શકાય એ માટે એ મોટી પુસ્તિકાઓ શીખવવાનાં સાધનો વિભાગમાં મૂકવામાં આવી છે.

બની શકે કે, ઈશ્વરમાં ન માનતા લોકો સાથે વાત કરતા તમે કદાચ અચકાતા હો. એમ હોય તો કોઈ અનુભવી ભાઈ કે બહેનની મદદ લઈ શકો. એટલું જ નહિ, એ પણ યાદ રાખો કે એવા નમ્ર દિલના લોકો સુધી પહોંચવા યહોવા તમને મદદ કરી શકે છે, પછી ભલે તેઓ ઈશ્વરમાં માનતા ન હોય.—પ્રેકા ૧૩:૪૮.