યહોવા તમને બચાવી શકે છે એ વાત પર ભરોસો મજબૂત કરો

ગણના ૧૩:૨૫–૧૪:૪ વાંચો અને જાણો કે ઇઝરાયેલીઓ કઈ રીતે યહોવા પર ભરોસો બતાવવાનું ચૂકી ગયા.

આ બનાવની આગળ-પાછળની કલમો વાંચો. ઇજિપ્તમાંથી નીકળ્યા ત્યારે ઇઝરાયેલીઓએ કેમ ભરોસો રાખવાની જરૂર હતી કે યહોવા તેઓને બચાવી શકે છે? (ગીત. ૭૮:૧૨-૧૬, ૪૩-૫૩) શાના લીધે તેઓ યહોવા પરનો ભરોસો ગુમાવી બેઠા? (પુન. ૧:૨૬-૨૮) યહોશુઆ અને કાલેબે કઈ રીતે બતાવ્યું કે તેઓને યહોવા પર ભરોસો છે?—ગણ. ૧૪:૬-૯.

બનાવમાં ઊંડા ઊતરો. યહોવા પરનો ભરોસો વધારવા ઇઝરાયેલીઓ શું કરી શક્યા હોત? (ગીત. ૯:૧૦; ૨૨:૪; ૭૮:૧૧) યહોવા પર ભરોસો કરવા તેમના માટે આદર હોવો કેમ જરૂરી છે?—ગણ. ૧૪:૧૧.

તમે શું શીખ્યા એનો વિચાર કરો. પોતાને પૂછો:

• ‘મને કેવા સંજોગોમાં યહોવા પર પૂરો ભરોસો રાખવો મુશ્કેલ લાગી શકે?’

• ‘યહોવા પર મારો ભરોસો મજબૂત કરવા હું હમણાં અને ભાવિમાં શું કરી શકું?’

• ‘મોટી વિપત્તિ શરૂ થાય ત્યારે કઈ વાત પર મને પાકો ભરોસો હોવો જોઈએ?’—લૂક ૨૧:૨૫-૨૮.