શું એકથી વધારે લગ્ન કરવા યોગ્ય છે?
શાસ્ત્રમાંથી જવાબ
થોડા સમય માટે ઈશ્વરે માણસને એકથી વધારે પત્ની રાખવાની છૂટ આપી હતી. (ઉત્પત્તિ ૪:૧૯; ૧૬:૧-૪; ૨૯:૧૮-૨૯) પણ એકથી વધારે પત્ની રાખવાનો રિવાજ તેમણે શરૂ કર્યો ન હતો. તેમણે આદમને ફક્ત એક જ પત્ની આપી હતી.
શરૂઆતથી ઈશ્વરનો હેતુ હતો કે એક પુરુષને ફક્ત એક જ પત્ની હોય. તેમણે ઈસુ ખ્રિસ્ત દ્વારા એ ફરી લાગુ કરાવ્યું. (યોહાન ૮:૨૮) ઈસુએ લગ્ન વિશે આમ જણાવ્યું: “જેમણે મનુષ્યનું સર્જન કર્યું, તેમણે શરૂઆતથી તેઓને પુરુષ અને સ્ત્રી બનાવ્યાં અને કહ્યું: ‘એ કારણે માણસ પોતાનાં માતા-પિતાને છોડીને પોતાની પત્ની સાથે રહેશે અને તેઓ બંને એક શરીર થશે.’”—માથ્થી ૧૯:૪, ૫.
થોડા સમય પછી ઈસુના એક શિષ્યએ ઈશ્વરની પ્રેરણાથી લખ્યું: “દરેક માણસને પોતાની પત્ની હોય અને દરેક સ્ત્રીને પોતાનો પતિ હોય તો સારું.” (૧ કોરીંથીઓ ૭:૨) બાઇબલ એમ પણ જણાવે છે કે જો કોઈ લગ્ન કરેલા ભાઈને મંડળમાં ખાસ જવાબદારી આપવાની હોય, તો તેને “એક જ પત્ની હોવી જોઈએ.”—૧ તિમોથી ૩:૨, ૧૨.