«¿Jeʼrainjatü oora tayaawajaka?»

¿Püsakirüirü anain tia? Aküjünüsüleʼe suluʼu Organizados süpana 86 otta 87 jamüinjatüin shiyaawajia tü oorakat. Jee eesü süküjünawaire sooʼomüin suluʼu Waʼyataain Nümüin Maleiwa maʼaka sünain tü pütchikat «Asakinnaka anain» ojuʼitaka settienpüroʼu 2008. Nnojotsüleʼe waküjüinjatüin jümüin wainma kasa sünainpünaa tia süka naatawalin tü wakuwaʼipakat. Müsüjeseʼe nnojoluin anain neʼitaale na laülaashiikana otta waneeinnua wawalayuu sooʼomüin tü pütchi eeitpakat.

Eere wanee kasa nnojotka niyaawatüin aaʼu wanee wawala otta mashajuule pütchi süchiki tia, nüsakirüinjatü naaʼin: «¿Aʼyataashi taya nümüin Maleiwa soʼu tia? ¿Taainjataapa wanee kasa naata suulia?». Talatüinjana waya sutuma tü oora walatirakat kashiwai, nnojoluinjatü mojuin waaʼin sutuma (Aluw. 23:1). Suulialeʼeya kachiiruain waaʼin jamüinjatüin shiyaawajia watuma tü oorakat shia jülüjaka waaʼin anainjatüin sukuwaʼipa watuma waʼyataapa nümüin Maleiwa (Heb. 6:11).