Los testigos de Jehová: una historia de fe viva. Parte 2: Dejan brillar su luz
Nujuʼitapa kaatseruluʼujee chi wawalakai Rutherford namaa na nümaajanakana soʼu tü juyakat 1919, wainma tü kasa naainjüinjatkat na Ekirajaaliikana sünain tü Wiwüliakat. Suluʼu tü peliikulakat Los testigos de Jehová: una historia de fe viva. Parte 2: Dejan brillar su luz jaʼyasü wainmain tü eejiraakat amaa naya, süpansaajünüin tü natüjaakat aaʼu süchiki tü Wiwüliakat otta kooʼomüin tü nanoulakat (Pro. 4:18; Mal. 3:1-3; Juan 15:20). Süchikijee piʼrajüin tü peliikulakat, püsoukta shiʼipajee tü asakinnakat anain.
1) ¿Jamüsü süküjia pütchi natuma na Ekirajaaliikana sünain tü Wiwüliakat? 2) ¿Kasa aküjünaka suʼunnaa tü outkajawaa miyoʼu eejatkat soʼu 1931 otta 1935? 3) ¿Jamüsü anaka maʼin La Atalaya ojuʼitaka nowienpüroʼu 1 soʼu 1939 suluʼu inglés? 4) ¿Kasa alataka chayaa Madison Square Garden soʼu nikirajüin chi wawalakai Rutherford tü pütchi makalü anülia: «Gobierno y paz»? 5) ¿Kasa anaka atuma tü pütchi nikirajakat anain chi wawalakai Knorr makalü anülia: «Paz... ¿será duradera?»? 6) ¿Kasa naainjaka na wawalayuukana soʼu 1942 süpüla süküjünüinjatüin pütchi wattapünaa? 7) Püküja kasa nekerojiraaka achiirua na wawalayuukana suluʼu laülaapia chayaa Estados Unidos, Canadá otta Grecia. 8) ¿Kasa alataka sutuma eein tü Ekirajaaleekat Galaad? 9) ¿Kasa naainjaka na aküjüliikana pütchi soʼujee 1946? ¿Jamüsü naainjaka shia? 10) ¿Kasa joo naaʼinraka na aküjüliikana pütchi süpüla wanaawainjatüin nakuwaʼipa sümaa tü sümakat tü Wiwüliakat? 11) ¿Kasa saainjaka nupueulose Jeowa soʼujee 1970 süpüla pansaainjatüin tü naainjakat sümaa tü sümakat tü Wiwüliakat? 12) Sutuma piʼrajüitpain tü peliikulakat, ¿jamüsü punoujaka sünain nnojoluin kasain isain nüchiki Jeowa jee shiainya nupueulosein tüü? 13) Sükajee piʼrajüitpain tü peliikulakat, ¿jamüshi nnojoika puuʼulaweein suulia aküjaa pütchi mayaapejeʼe kapüleein shia? 14) ¿Jamüinjatü nakaaliinjia putuma na püpüshikana, na pikirajüinkana otta waneeinnua wayuu sükajee tü peliikulakat?
Aküjünüsü süpansaajünüin weinshi nakuwaʼipa na aküjüliikana pütchi nüchiki Jeowa. ¿Kaseetka aküjünüin süchiki waʼyataain wayakana? Washata nakuwaʼipa na wawalayuu namaiwajanakana: ‹warattuui watuma tü luusakat› (2 Cor. 4:6, NM).