Aʼwanajaanüsü sukuwaʼipa piamasü outkajawaa

Soʼujee tü semaana oʼttakat settienpüroʼu 3, aainjünajatü soʼu 30 minuuto tü outkajawaakat Ekirajawaa sünain tü Wiwüliakat namaa na Wawalayuukana. Soʼu wanee minuuto, aküjünajatü tü ekirajaanakat anain soʼu tü semaana alatakat. Otta müsia tü Outkajawaakat süpüla Aʼyatawaa nümüin Maleiwa, aainjünajatü jooluʼu soʼu 30 minuuto. Asünneʼennüsü tü pütchi aküjünajatkat wamüin, eere wanee kasa anaka süpüla süküjünüin, aküjüneerü shia sünain tü palajatkat pütchi. Eere tü aküjünajatkat wamüin, nnojolinjachi kamaʼain wanee wawala sünain nüküjüin shia süka nnojoluinjatüin süküjünüin tü ekirajaanajatkat anain soʼu tia. Nnojoluinjatü aküjünüin süchiki tü sukuwaʼipainjatkat aküjaka pütchi otta na epitajüinjanakana tü outkajaaleekat. Naluwataale nanüiki wanee wawalayuu süpüla nasakünüin wawalayuu suluʼu wanee outkajaalee, nnojotsü aküjünüinjatüin shia eejee tü aashajaaleekat (km 10/08 süp. 1 püt. 4). Kamaʼainjachire wanee wawala sünain aküjaa wanee pütchi, aküjünajatü namüin na ekirajüinjanakana süpüla motsoʼoin namaa sünain tü pütchi nekirajüinjatkat.