KOROLO KOJUTÜSÜ SULUʼUKA TÜ WIWÜLIAKAT | MATEO 1-3
«Sülüʼülüin tü aluwataaya sirumatuʼujeʼewatkat»
Sükajee tü nüsheʼinkat Juan, jaʼyasü naaʼu nnojoluin wainmain kasa nümaʼanajatka, shia naaʼinmaaka maʼin tü nuluwataakalü anain Maleiwa.
Kojutushaatasü nümüin Juan niain aküjain pütchi nüchiki Jesuu, alanaʼaleesia tia nümüin suulialeʼeya wanee kasa eekai nüpütüin.
Aʼyataashii maʼin waya nümüin Maleiwa sutuma nnojoluin kachiiruain waaʼin wainmain kasa wamaʼana jee talatüshii waya sutuma tia. Nnojoleerü kachiiruain waaʼin wainmain kasa wamaʼana müleka . . .
wayaawatüle saaʼu tü choʼujaakat wamüin.
nnojorüle wayaʼlajüin kasa nnojotka choʼujaain wamüin.
washajüle kasain shiimain maʼin choʼujaain wamüin.
wojutule wanee kasa nnojotka choʼujaain wamüin.
wawalaajüle wojuyaala.
nnojoliire waʼyataain sünain wanee kasa walatiraka maʼin anain kaʼi.
Eküshi neʼe Juan kaashapa sümaa mapa.
¿Kaseerü tasaʼawataka nnojorüle kachiiruain taaʼin kamaʼanaa wainma kasa?