Wekirajaainjatka anain sünain tü outkajawaakat Wakuwaʼipa otta Waʼyataain nümüin Maleiwa
© 2024 Watch Tower Bible and Tract Society of Pennsylvania
ENEEROʼU 6-12
KOROLO KOJUTUSÜ SULUʼUKA TÜ BIBLIAKAT SALMOS 127-134
Jia kachonshiikana, jaaʼinmaja tü nüsülajalakat Jehová jümüin
Kojuta wamüin saʼakain waya nüpüshi Jeʼwaa
9 Eeshii süpüla kachonniin na wayuukana süka nukumajüin Jeʼwaa süpüla müinjatüin nakuwaʼipa. Nuluwataain naya Jeʼwaa süpüla nekirajüinjanain nachonnii otta süpüla alinjachin nia napüla sümaa naʼyataainjanain nümüin. Kachonle pia, ¿kojutusüche tia pümüin? Mayaainjeʼe wainmain tü kasa anasü naapakat Maleiwa namüin na aapieekana, nnojoishii nukumajüin naya süpüla kachoinjanain. Müsüjeseʼe kojutuinjatüin namüin na wayuu kachonniikana nepijüin nachonnii. Aluwataanüshii naya süpüla nekirajüin nachonnii «sünain tü nuluwataakat anain chi Maleiwakai» (Éf. 6:4; Deut. 6:5-7; Sal. 127:3). Süpüla nountuin tia, wainma kasa saapaka nupueulose Maleiwa namüin, maʼaka saaʼin karaloʼutairua, video, muusika jee pütchi suluʼuka Internet. Wayaawatüin sünainjee tia alin nüpüla Jeʼwaa otta Jesuu na tepichikana (Luc. 18:15-17). Talateechi Jeʼwaa namaa na wayuu kachonshiikana neʼitaale naaʼin nünain jee naaʼinmajüle na nachonniikana. Naaʼinrüle tia, nakaalinjeena nachonnii süpüla naʼakain na nüpüshikana Jeʼwaa süpüla kaʼikat süpüshuaʼa.
Jia kachonshiikana, jikiraja jüchonnii süpüla alin napüla Jeʼwaa
20 Jiʼraaja maʼin nakuwaʼipa jüchonnii. Saashin Salmo 127, müsü nakuwaʼipa na tepichikana maʼaka saaʼin sukuwaʼipa jatü (paashajeʼera Salmo 127:4). Naatawaisü nakuwaʼipa na tepichikana maʼaka naatawalin sukuwaʼipa tü jatükat, eesü eekai sukumajuushin süka kachueera otta naatawaisü sajaʼapüin. Müsüjeseʼe jülüjainjatüin jaaʼin jamüinjatüin nekirajia jüchonnii jutuma. Jamüshiijaʼa waneinnua wawalayuu chejeʼewalii Israel, nekirajüin na piamashiikana nachonnii süpüla naʼyataainjanain nümüin Jeʼwaa, anuu nanüiki süchiki tia: «Wekirajapuʼuin naya sünain tü Wiwüliakat katataawa». Eesü süpüla juuʼulaküin tia jia kachonshiikana, eejeenapejeʼe na kapüleekana amüin aaʼinraa tia.
Püchajaa süchiki kaaʼürüi suluʼu tü Bibliakat
Talata waya sümaa tü kasa eekat süpüla waaʼinrüin
6 Anuu nünüiki chi aluwataaikai David: «Nnojotsü kachiiruain taaʼin wainma kasa, nnojotsü kachiiruain taaʼin tü nnojotkat eein süpüla tasaʼwatüin» (paashajeʼera Salmo 131:1, 2). Nnojotsü shapaain naaʼin David süka nnojoluin yaletüin naaʼin otta niyaawatüin saaʼu tü isakat nüchiki. Tü natüjakat na kachonshiikana sünainjee tü nümakat David shia nnojoluinjatüin yaletüin naaʼin jee nayaawatüinjatüin saaʼu tü isakat nachiki nayakana jee tü isakat nachiki nachonnii. Neʼitaainjatüle napüleerua wanee kasa nasaʼwateeka amüin nachonnii, anasü jülüjale naaʼin tü mapüleekat jee tü kapüleekat namüin. Anuu sünüiki wanee wawala kanüliaka Marina: «Nnojotsü shiyoujireʼerüin takuwaʼipa tü teikat namaa na tawalayuukana jee namaa waneinnua tepichi. Süküjain tamüin naatawalin tü kasa watüjakalü apüleerua otta süküjain tamüin kojutuin waya nümüin Jeʼwaa wapüshuaʼa. Sutuma tia nnojotsü tayoujireʼerawalin takuwaʼipa namaa na waneinnua».
ENEEROʼU 13-19
KOROLO KOJUTUSÜ SULUʼUKA TÜ BIBLIAKAT SALMOS 135-137
«Pülashaatashi maʼin Jehová, chi Wamaleiwasekai»
Nüpülainmaajachi Maleiwa Kürisüto
15 Makaʼa niimaleʼerüin Jesuu tü wawaikat shia süka nüpülainmaajachin nia Jeʼwaa. Mapüleesat nümüin Jeʼwaa niimaleʼerüin tü wawaikat. «Akaratshipa kaʼi, aʼiteerü wane juya miyoʼushaata maʼi tatüma sainküin mmakat süpüshua. Wataaweerü kaʼi je saʼwai soʼu pienchi shikii kaʼi sünain aʼitaa», shia nünüikikat Jeʼwaa tia süpülapünaa niʼitirüin wanee juya miyoʼushaata (Gén. 7:4). Paala sümaiwa, ojutajaasüinka pasanainpünaa sünain tü palaakat nutuma Maleiwa. Nüntirüin wanee jouktai wüinpejeekuat süpüla naainjüin tia (Éx. 14:21). Eejatüinka wanee juya miyoʼushaata jee wawaimaasü chaa pasanain sünain tü palaakat. Nia katumaka Maleiwa (Jon. 1:4). Anashaateerü Paʼaraiisüpa tü Mmakat, nüchiajaajeerü Maleiwa tü wawaikat jee nnojoleerü jashichin tü palaakat.
¿Jamüsü kojutuka wamüin miyoʼuin waalin nüpüla Jeʼwaa?
16 Anasü waaʼin wanaa sümaa weʼitaain waaʼin nünain Jeʼwaa. Eejeetpejeʼe kaʼi mojeetka oʼu waaʼin jee amalajaweetka oʼu shia. ¿Kasa naaʼinreetka Jeʼwaa wapüleerua sülatapa tia wamüin? (paashajeʼera Salmo 136:23). Meerü niʼitaajeetkai saaʼin nütüna woupünaajee süpüla müin nütameʼerakai waaʼin (Sal. 28:9; 94:18). Tü kasa anasü weʼrakat: Süka watüjaain saaʼu nükaalinjeenain waya Maleiwa, eesü piamasü kasa weʼraka sünainjee tia. Palajana, ayatüshii naaʼinmajüin waya jaʼitashii jalain kepiain waya. Piama, jülüjashii waya naaʼin waneepia chi Washi iipünaajachikai.
Püchajaa süchiki kaaʼürüi suluʼu tü Bibliakat
¿Jamüsü kojutuka wamüin miyoʼuin waalin nüpüla Jeʼwaa?
10 Ayateeria miyoʼuin naalin nüpüla Maleiwa na aʼyataakana nümüin. Suluʼu Salmo 136, ashajünüsü maʼaka 26 sukua ayatüinjatüin miyoʼuin saalin wayuu nüpüla Maleiwa waneepia. Anuu sünüiki tü palajatkat wetsiikulo: «Jaapa analuʼut nümüin Jeʼwaa süka anamiain nia, ayateeria miyoʼuin saalin wayuu nüpüla waneepia» (Sal. 136:1). Sünainjee wetsiikulo 2 sünainmüinreʼeya 26 aküjünüsü kojuyatua pütchikat tüü: «Süka ayateerüin miyoʼuin saalin wayuu nüpüla waneepia». Waashajeʼerapa Salmo 136 ponoshaatasü waaʼin sutuma wainmain tü kasa naaʼinrawaikat Jeʼwaa süka miyoʼuin waalin nüpüla. Wayaawata aaʼu matüjain ajaʼttaa waalin nüpüla Jeʼwaa sünainjee tü pütchikat «süka ayateerüin miyoʼuin saalin wayuu nüpüla waneepia». Anataʼaleeshijaʼa maʼin Jeʼwaa süka nnojoleenain nüpütüin namüiwaʼa na aʼyataakana nümüin. Ayateechia waneepiain nia namaa, shialeekajaʼa soʼunnaa müliaa. Anuu tü kasa anasü weʼrakat sünainjee tia: Süka watüjaain saaʼu eejeechin Jeʼwaa waneepia wamaa, talatüshii waya jee katsüinsü waaʼin soʼunnaa müliaa otta ayatüshii waya suluʼuin tü wopu katüinjatkalü atuma woʼu waneepia (paashajeʼera Salmo 31:7).
ENEEROʼU 20-26
KOROLO KOJUTUSÜ SULUʼUKA TÜ BIBLIAKAT SALMOS 138, 139
Nnojo puuʼulaain suulia piʼyataain nümüin Jehová sutuma mmoluin pia
Waʼwaaja Jeʼwaa wanaa namaa na wawalayuukana
10 ¿Tüntüsüche maʼin paaʼin piyalerüinjachire pajapü süpüla pusoutuin sünain tü outkajawaakat? Mülejeʼe pukuwaʼipa mayaa, nnojoishi piain neʼe alatüin amüin tia, maʼleesia nakuwaʼipa watta naalii wawalayuu. Isale püchiki pusoutuin sutuma mmoluin pia, anasü jülüjale paaʼin kasain mmoluin atuma pia. ¿Shiache sutuma nnojoluin pansaain pünüiki jee isale püchiki tü pünüikinjatkat? ¿Shiataapa sutuma nnojoleerüin kemeʼeriain pünüiki maʼaka nanüiki na waneinnua? Nnojotsiaajeʼe mojuin tia, eesüjaʼa jülüjale paaʼin tia süka nnojoluin yaletüin paaʼin jee nnojoluin jülüjain paaʼin nayain alanaʼaleein na waneinnua puulia. Anasü maʼin nümüin Jeʼwaa nakuwaʼipa na wayuu nnojoliikana yaletüin aaʼin (Sal. 138:6; Filip. 2:3). Niainjachipejeʼe waʼwaajüin Jeʼwaa sünain tü outkajawaakat otta watütüleʼerüinjatü naaʼin na wawalayuukana süka wanüiki (1 Tes. 5:11). Aishi maʼin pia nüpüla Jeʼwaa otta meimmoluinjeerü paaʼin nutuma.
Watütüleʼerajiraa waaʼin waneʼewai wakua sünain tü outkajawaakat
7 Wanee kasa puunteetka akajee tia shia paaʼinrüle tü aküjünakalü achiki suluʼu waneirua rewiisüta Aapiria Wayuu. Aküjünüsü yala yapainjatüin watuma palajana tü wanüikinjatkat (Prov. 21:5). Pikirajaale maʼin sünain tü ekirajaanajatkalü anain, mapüleejeerü pümüin piyalerüin pajapü sünain tü outkajawaakat. Wane kasaya eeka süpüla paaʼinrüin shia nnojoluinjatüin wainmain pünüiki (Prov. 15:23; 17:27). Paliʼirüle pünüiki, nnojoleechi mmoluin maʼin pia. Wainmale maʼin tü püküjakalü achiki, nnojoleerü nayaawatüin aaʼu na wawalayuukana tü paashajaakalü achiki, aluʼujasaʼa palitchonle pünüiki nayaawateerü aaʼu. Püküjale süka pünüiki tü pikirajaakalü anain sümaa paliʼirüin pünüiki putuma, nayaawateerü aaʼu na waneinnua yapatüjülüin tü ekirajawaakat putuma otta natüjaweerü saaʼu piyaawatüin saaʼu tü saashajaakalü achiki.
Püchajaa süchiki kaaʼürüi suluʼu tü Bibliakat
Kojuta wamüin tü kasa nnojotkat weʼrüin
12 Wanee kasa waaʼinrajatka kojutule wamüin naapüin Jeʼwaa chi naaʼinkai wamüin, shia wachuntule nümüin süpüla wayaawatüin saaʼu jülüjale waaʼin kasa eekai mojuin jee suchuntaale waaʼin wanee kasa nnojotka anain (paashajeʼera Salmo 139:23, 24). Eesü süpüla wayaawatüin saaʼu nutuma Jeʼwaa nükajee chi naaʼinkai eere wanee kasa wanoutajatka sünain wakuwaʼipa. Müle tia, wachunta chi naaʼinkai süpüla wachecherüin waaʼin suulia tü kasa mojusü suchuntaakat waaʼin. Waaʼinrüle tia, niʼreerü Jeʼwaa nnojoluin waaʼinreein wanee kasa nnojotka anain nümüin otta ayateenaʼaya waya nükaalinjain nükajee chi naaʼinkai (Éf. 4:30).
ENEEROʼU 27–FEBREROʼU 2
KOROLO KOJUTUSÜ SULUʼUKA TÜ BIBLIAKAT SALMOS 140-143
¿Kasa paaʼinrajatka süchikijee puchuntuin kaalinwaa nümüin Jehová?
«Paapaja nanüiki na kekiikana maʼin»
13 Wayaawata aaʼu alin waya nüpüla Maleiwa wachiaanüle. Niʼreein waya Jehová suluʼu anain wakuwaʼipa (Prov. 4:20-22). Wayaawata aaʼu alin waya nüpüla Maleiwa wanaa sümaa nüchiaain waya sükajee wanee pütchi waashajeʼeraka suluʼujee tü Bibliakat jee shiale tü karaloʼuta saapakat wamüin nupueulose. Eeshi nüchiaale waya nükajee wanee wawala laülaakai aaʼin sünain anoujaa. Naaʼinrüin tia Maleiwa süka aneein wakuwaʼipa niʼrüin maʼaka süküjain Hebreokana 12:9, 10.
14 Jülüjainjatü waaʼin tü kasa anasü münakat wamüin suulialeʼeya sukuwaʼipa nanüiki wamüin. Eesüjaʼa mojushiire wamüin wachiaanapa nutuma wanee wayuu nnojorüle anain maʼin sukuwaʼipa nünüiki wamüin. Nüchajaainjatü sukuwaʼipa wanee wayuu süpüla nütüjainjachin süpüleerua nünüiki nüchiaapa wanee wayuu (Gal. 6:1). Wayalejeʼe achiaanüin jülüjainjatü waaʼin tü kasa anasü münakat wamüin, nnojotsü jülüjainjatüin waaʼin sukuwaʼipa nanüiki. Mayaainjeʼe nnojoluin anain maʼin sukuwaʼipa nünüiki wanee wayuu achiaakai waya, anasü jülüjale waaʼin pütchikat tüü: «¿Pansaasüche tü nümakat tamüin? ¿Jalouijeetche tamüin taapaale amaa tü nümakat tamüin sümaa nnojoluin jülüjain taaʼin tü mojukat nutuma?». Wachajaa maʼin sukuwaʼipa süpüla waapaain amaa tü achiaanakalü oulia waya (Prov. 15:31).
Eesü süpüla puuntuin paaʼinrüin tü piʼyataweekalü anain nümüin Jehová
5 Püsakireʼera paaʼin sünain tü naaʼinrakat Jehová püpüleerua (Sal. 143:5). Shia naaʼinraka Pablo tia, müshijeseʼe niʼyataain nümüin Jehová süka süpüshuaʼa naaʼin (1 Cor. 15:9, 10; 1 Tim. 1:12-14). Müshiʼiya wayakana, keeʼireejeerü waaʼin wountuin tü waʼyataweekalü anain nümüin Jehová jülüjale waaʼin tü kasa naaʼinrakat wapüleerua (Sal. 116:12). Anuu tü sümakat wanee wawala süchiki tü saaʼinrakat süpüla suuntuin pürekutsoolüin rekulaat shia, chejeʼewat shia Honduras: «Jülüjasü taaʼin alin maʼin taya nüpüla Jehová. Nüntirüin taya naʼakamüin na wayuu aʼyataakana nümüin jee naaʼinmajüin taya. Jülüjapa taaʼin tia, akooʼomüinraasü maʼin tü naalinkat Jehová tapüla otta pürekutsooleesü maʼin taya».
w15 15/3 32 püt. 2
Casarse “solo en el Señor”: ¿Sigue siendo posible?
Habrá ocasiones en las que tal vez te sientas como David cuando dijo: “Apresúrate, respóndeme, oh Jehová. Mi espíritu se ha acabado. No ocultes de mí tu rostro” (Sal. 143:5-7, 10). En esos momentos, no te rindas. Sé paciente y espera hasta que Jehová te haga ver cómo debes actuar. Lee su Palabra y medita en ella. De ese modo entenderás mejor lo que él espera de ti y verás cómo cuidó a sus siervos en el pasado. Eso te ayudará a seguir confiando en Jehová y a no desobedecerle.
Püchajaa süchiki kaaʼürüi suluʼu tü Bibliakat
Talatüsü waaʼin süka waʼwaajüin Jehová
7 Waʼwaajüin Jehová woʼuraajaapa. Tü oʼuraajaakat nümüin Maleiwa müsü aka saaʼin tü wunuʼu jemeta eejuut aʼajünakat suluʼu tü aʼwaajülee eejatkat nükalioʼu Moisés, mapa suluʼu tü aʼwaajülee akumajünakat süchikumüin (Sal. 141:2). Tia wunuʼu aʼajünakat jemetüsü seejuu nümüin Maleiwa. Akaʼaya tü wanüikikat woʼuraajapa nümüin Jehová, aneerü maʼin shia nümüin anale sukuwaʼipa watuma jaʼitasü palitchon wanüiki nümüin (Prov. 15:8; Deut. 33:10). Wainma kasa wayaawataka aaʼujee anain maʼin nümüin Jehová waküjale nümüin alin nia wapüla otta waapüle analuʼut nümüin. Keeʼireesü naaʼin waküjain süchiki tü keeʼireekat waaʼin, tü shapaakalü atuma waaʼin otta tü kasa anasü waʼatapajakat. Anasüjeseʼe jülüjale paaʼin tü pünüikinjatkat süpülapünaa puʼuraajüin nümüin Jehová. Müle shia putuma, meerü paʼajakai saaʼin wanee wunuʼu jemeta eejuut nümüin.
FEBREROʼU 3-9
KOROLO KOJUTUSÜ SULUʼUKA TÜ BIBLIAKAT SALMOS 144-146
«Anataʼaleeshiijaʼa na wayuu Kamaleiwasekana Jehová»
w18.04-S 32 püt. 3, 4
Preguntas de los lectores
2. Encaja bien con el resto del Salmo 144. Al usar en el versículo 12 la palabra then (“entonces”), se entiende que las cosas buenas mencionadas en los versículos 12 a 14 las disfrutan los justos, quienes en el versículo 11 le piden a Dios que los salve de los malvados. Este cambio también se refleja en el versículo 15. Ahora, las dos veces que aparece la palabra “feliz” se complementan y tienen el mismo tono positivo. Así que, en los dos casos, el pueblo que es feliz es el mismo: “el pueblo cuyo Dios es Jehová”. Recordemos, además, que el texto hebreo original no tenía comillas ni ningún otro signo de puntuación. Por eso, para determinar el sentido correcto del texto, los traductores deben tomar en cuenta el estilo poético del hebreo, el contexto y los pasajes bíblicos relacionados.
3. Concuerda con otros pasajes bíblicos que hablan de las bendiciones que Dios les dará a sus siervos fieles. Debido al cambio en la traducción del término ascher, el Salmo 144 ahora refleja la sólida confianza de David en que, después de que Dios liberara a la nación de Israel de sus enemigos, la bendeciría con felicidad y prosperidad (Lev. 26:9, 10; Deut. 7:13; Sal. 128: 1-6). Por ejemplo, Deuteronomio 28:4 dice: “Benditos serán el fruto de tu vientre y el fruto de tu suelo y el fruto de tu bestia doméstica, la cría de tu vacada y el hijuelo de tu rebaño”. En efecto, durante el reinado de Salomón, el hijo de David, la nación disfrutó de paz y prosperidad como nunca antes. Lo que es más, algunos aspectos de ese reinado prefiguran el gobierno del Mesías (1 Rey. 4:20 21; Sal. 72:1-20).
Ayata waʼatapajüin tü kasa anasü naaʼinrajatkat Jehová
16 Kojutusü maʼin wamüin waʼatapajüin katüin woʼu süpüla kaʼikat süpüshuaʼa nutuma Maleiwa. Waʼatapajashaatain maʼin tia kaʼikat otta watüjaa aaʼu shikeraajeerüin. Tü waʼatapajakat nutuma Maleiwa müsü aka saaʼin tü kachueera ajapuluʼujiakat anuwa süka sajapuluʼujain waaʼin soʼunnaa müliaa, süpüleeruaanapa waaʼin otta jamajüle waya atumawaa. Jee müsia, tü waʼatapajakat nutuma Maleiwa müsü aka saaʼin tü uwon kachueerakat süka saaʼinmajüin tü waaʼinkat suulia tü kasa mojukat noʼuluʼu Maleiwa. Aleewashii maʼin waya nümaa Maleiwa sutuma tü kasa waʼatapajakat jee wayaawata aaʼu alin waya nüpüla Maleiwa saaʼujee tia. Ichere waya süchiirua tü kasa waʼatapajakat nutuma Maleiwa, aneerü wakuwaʼipa.
17 Anuu nünüiki Pablo namüin na anoujashii chajanakana Roma: «Jüchunta waneepia nümüin Maleiwa, sümaa talatüin maʼin jaaʼin sümaʼinruʼu jaʼatapajüin tü naaʼinrüinjatkat jümüin» (Roma 12:12). Talatüsü naaʼin Pablo süka nütüjaain saaʼu kateerüin noʼu waneepia chaa iipünaa waneepiale nia nümaa Jehová. Müshiʼiya wayakana, eesü süpüla talatüin waaʼin sünain aʼatapajaa tü naaʼinrajatkat Maleiwa wapüleerua süka watüjaain saaʼu nikeraajeerüin nünüiki maʼaka nüküjain shia wanee wayuu ashajakai wanee salmo, müsü nünüiki: «Anataʼaleeshijaʼa chi [...] eʼitaakai naaʼin nünain Jehová chi Nümaleiwasekai, [...] chi ekeraajakai waneepia nünüiki» (Sal. 146:5, 6).
¿Jarat tü akuwaʼipaa talateetkat maʼin atuma waaʼin?
19 Eeirü maʼaka 6 miit juya müliain wayuu nutuma chi Yolujaakai. Maaʼulu yaa, sülüʼütpa sükalia süpüla sajaʼttüin tü kasakalüirua, wainma maʼin na wayuu kapülakana aaʼin nakuwaʼipa neʼe namüiwaʼa, kachiiruasü naaʼin tü washirüükat otta tü shaittaakat. Shia naaʼinraka neʼe tü kasa suchuntaakat naaʼin. Na wayuu makana akuwaʼipa nnojotsü talatüin naaʼin. Anuu sünüiki tü Wiwüliakat: «Anataʼaleeshijaʼa chi akaaliinjünakai nutuma chi Nümaleiwasekai Jacob, chi eʼitaaka naaʼin nünain Jeʼwaa chi Nümaleiwasekai» (Sal. 146:5, TNM).
20 Aishi maʼin Jeʼwaa napüla na aʼyataakana nümüin otta kooʼomüinshii juyawai na wayuu eʼraajakana nia sümaa alin maʼin nia napüla. Tia shiiʼiyatüin wamüin suʼttuitpain tü Nuluwataayakat Maleiwa sünain aluwatawaa otta wainmeerüin kasa anasü weʼreetka sutuma. Waaʼinrüle tü nüchekakat Jeʼwaa wapüleerua, talateechi maʼin nia watuma otta talateena maʼin waya süpüla kaʼika süpüshuaʼa. Sünain tü wanee ekirajaayakat, wekirajaajeerü anain tü akuwaʼipaa mojusü eekat sutuma kapülain saaʼin wayuu sukuwaʼipa sümüiwaʼa otta tü akuwaʼipaa anasü eekat nanain na aʼyataakana nümüin Jeʼwaa.
Püchajaa süchiki kaaʼürüi suluʼu tü Bibliakat
Talateerü maʼin waaʼin wasülajüliire
6 Naapüin Jehová wamüin tü kasa choʼujaakat wamüin süka alin waya nüpüla. Wekirajaa sünain tü nümakat Jesús suluʼu Mateo 6:25, 26 (paashajeʼera). Suluʼu tia piamasükat wetsiikulo, nikirajüin waya Jesús sükajee tü wüchiikalüirua. Anuu nünüiki: «Nnojotsü apünajüin, nnojotsü anaajaain shiküin, keküinpejeʼe shia nutuma chi Washi iipünaajachikai. Alanaʼaleesia jaalin nüpüla Maleiwa suulialeʼeya tü wüchiikalüirua». Sükajee tia wayaawata aaʼu naaʼinmajüin waya Jehová, jama kojutuleʼeinña waya suulia tü wüchiikalüirua jee tü mürütkalüirua. Naapüin wamüin Jehová tü kasa choʼujaakat wamüin, jama niain chi Washi aikai apüla waya (Sal. 145:16; Mat. 6:32).
FEBREROʼU 10-16
KOROLO KOJUTUSÜ SULUʼUKA TÜ BIBLIAKAT SALMOS 147-150
Wainma tü kasa waʼwaajakalü anainjee Jehová
¿Jamüshi puʼwaajüinjachika Jeʼwaa?
5 Nümülialüin Jeʼwaa naaʼin na israeliitakana waneʼewai nakua. Müsia neʼe nutuma maaʼutpünaa yaa namüin na aʼyataakana nümüin. Saashin Salmo 147, nümüliajüin Jeʼwaa na mojukana aaʼin otta anasü naaʼin nutuma (Sal. 147:3). Ayuuire waya jee mojule waaʼin, naaʼinmajeena waya Jeʼwaa. Keeʼireeshaatasü naaʼin nümülialüin waaʼin otta anain waaʼin nutuma (Sal. 34:18; Isa. 57:15). Akaʼaya nia, katsüinsü waaʼin nutuma otta kekiishii waya nutuma (Sant. 1:5).
6 Süchikijee niirakaain chi salmistakai chaa iipünaamüin, müshi nia nümüin Jeʼwaa: «Niyaawajüin tü shüliwaikalüirua jee kanüliayaa müsü nutuma waneʼewai sukua» (Sal. 147:4, TNM). Mayaapejeʼe niʼrüin chi salmistakai tü shüliwaikalüirua, nnojotsü nütüjaain aaʼu jeʼrasüin maʼin shiairua. Maaʼutpünaa yaa, wainmashaata maʼin tü shüliwai neʼrakat na cientiificokana. Naashin nayakana, watta maʼin saalii shüliwai eekat chaa iipünaa otta watta saalii galaxia eeka suluʼu tü universokot. Isasü süchiki wayuu shiyaawajüin tü shüliwaikalüirua, niainjaʼa atüjain Jeʼwaa, chi Kakumalakai kasakat süpüshuaʼa. Kanüliayaa müsü shiairua nutuma süka niʼraajüin shia waneʼewai sukua (1 Cor. 15:41). Maʼaka nütüjaain saaʼu Maleiwa jalain tü shüliwaikalüirua waneʼewai sukua, nütüjaa aaʼu tü pukuwaʼipakat. Nütüjaa aaʼu Jeʼwaa jalain pia, jamüin paaʼin otta kasain choʼujaain pümüin.
¿Jamüshi puʼwaajüinjachika Jeʼwaa?
7 Nütüjaa aaʼu Jeʼwaa tü kasa eejiraakalü amaa waya otta nnojotsü kapüleein nümüin nükaaliinjain waya süka pülashin nia (paashajeʼera Salmo 147:5). Eesü kapüleere maʼin tü alatakat wamüin otta müshii matsüinkai waaʼin süpüla eejirawaa sümaa tia. Nütüjaapejeʼe aaʼu Jeʼwaa tü kapüleekat wamüin otta nütüjaa aaʼu sümamülain neʼe waya mma (Sal. 103:14). Sutuma waleʼeruʼuin tü kaainjalaakat, eesü waaʼinrawaire wanee kasa mojusü kojuyatua. Ayaawajaʼawaishii waya waaʼin saaʼu wanüiki, saaʼu suchuntawalin waaʼin wanee kasa mojusü jee saaʼu suchunjawalin waaʼin. Mayaapejeʼe nnojoluin sülatüin tia nümüin Jeʼwaa, nütüjaa aaʼu tü wakuwaʼipakat (Isa. 40:28).
¿Jamüshi puʼwaajüinjachika Jeʼwaa?
18 Nütüjaa aaʼu chi salmistakai nayain neʼe nüneeküin Jeʼwaa na israeliitakana sainküinjee mmakat süpüshuaʼa süpüla naapüin namüin «tü nünüikikat» jee «tü nuluwataakalü anain» (paashajeʼera Salmo 147:19, 20). Maaʼulu yaa, wayaʼala neʼe nüneekaka Jeʼwaa süpüla weʼnnaajünüin sükajee tü nünüliakat. Kojuteesü tia wamüin otta kojuteesü wamüin weʼraajüin nukuwaʼipa Jeʼwaa, nuʼunirüin wakuwaʼipa sükajee tü Wiwüliakat otta kojuteesü wamüin naʼaleewain waya. Wanaawasü waaʼin nümaa chi ashajakai Salmo 147, wainma kasa waʼwaajüinjachika aaʼujee Jeʼwaa otta watütüleʼerüinjatka aaʼujee wayuu süpüla saaʼinrüinjatüin tia.
Püchajaa süchiki kaaʼürüi suluʼu tü Bibliakat
Weʼraaja maʼin Jehová sünainjee tü kasa nukumajalakat
6 Niʼitaain Jehová sükalia wanee kasa. Neʼrapuʼuin na israelitakana juyawai kottapüittaain tü wüchii kanüliakat cigüeña chai sukua palaamüin. Alatüsü tia peʼureeroʼu sünainmüinreʼeya maayoʼu. Nüküjain Jehová namüin na israelitakana sütüjaain saaʼu tia wüchiikat tü sükaliakat süpüla suʼunuin wattamüin (Jer. 8:7). Maʼaka niʼitaain Jehová sükalia tia wüchiikat süpüla suʼunuinjatüin wattamüin, müsia neʼe tü naaʼinrakat süpüla niʼitaain sükalia süsalainjatka oʼu saainjala wayuu nutuma. Weʼrapa kottapüittaain tü wüchiikalüirua süpüla suʼunuinjatüin wattamüin, wayaawata aaʼu niʼitaain Maleiwa sükalia tü kaʼi najaʼttirüinjatkalü oʼu tü kasa mojusükat otta eein süpüla wanoujain sünain naaʼinreerüin tia (Hab. 2:3).
FEBREROʼU 17-23
KOROLO KOJUTUSÜ SULUʼUKA TÜ BIBLIAKAT PROVERBIOS 1
Jimaʼalii otta majayünnüü, ¿jarai chi joonooinjachikai amaa anüiki?
Amülouijaya puulia tü anasü naapüinjatkat chi Maleiwakai pümüin
16 Jimaʼaire pia, eesüjaʼa mojule paaʼin süka nnojoluin niyaawatüin saaʼu püshi sümaa püi tü alatakat pümüin jee wainmain tü kasa napülajakat puulia. Eesüjaʼa süpüla shiyüülajaain paaʼin suulia aʼyatawaa nümüin Jeʼwaa sünainjee tia. Jülüjeepajaʼa paaʼin tüü: pükatalaale nuulia Jeʼwaa nnojoleerü eein wanee wayuu aika apüla pia maʼaka alin pia nüpüla püshi, püi otta na wawalayuu paʼaleewainkana.
17 Choʼujaasü nüchiaawalin pia püshi sümaa püi. Nnojorüle naaʼinrüin tia, nnojoishijaʼa mmata jülüjain pia naaʼin, ¿aashimüin? (Heb. 12:8). Süka nüleʼeruʼuin tü kaainjalakat chi püshikai sümaa tü piikat, mojuwaisü pümüin sukuwaʼipa nachiaaya. Nnojotpejeʼe anain jülüjale paaʼin tia, shia anaka aluʼu piyaawatüle saaʼu jamüin nachiaaka pia. Nnojo jashichijaain pia namüin, püchechera paaʼin suulia jashiee. Anuu sünüiki tü Wiwüliakat: «Chi wayuu eekai nütüjain, niyaawajaa aaʼu nünüiki otta nüchecherüin naaʼin süka niyaawatüin saaʼu tü nukuwaʼipainjatkat» (Prov. 17:27, TNM). Püchajaa sukuwaʼipa süpüla laülaainjatüin paaʼin, nnojoluinjatüin mojuin pümüin püchiaanüin otta nnojoluinjatüin jülüjain paaʼin jamüin sukuwaʼipa püchiaaya (Prov. 1:8). Soto paaʼin anashaatain maʼin pia süka nunoujain püshi sümaa püi nünain Jeʼwaa. Nakaaliinjeein pia süpüla katüinjatüin poʼu süpüla kaʼika süpüshuaʼa.
w05-S 15/2 19, 20 püt. 11, 12
Protejamos nuestra identidad cristiana
11 Procuremos agradar a Dios, y no al hombre. Es natural que la pertenencia a un grupo defina en parte nuestra identidad. Todos necesitamos amigos, y nos agrada sentirnos aceptados. Durante la adolescencia —y también en otras etapas de la vida—, la presión de los compañeros puede ser intensa, lo que produce un fuerte deseo de imitar o agradar a los demás. Pero hay que tener en cuenta que los compañeros no siempre desean lo mejor para nosotros. A veces simplemente quieren tener a alguien con quien realizar sus fechorías (Proverbios 1:11-19). Cuando un cristiano sucumbe ante la presión de hacer algo malo, suele ocultar su identidad (Salmo 26:4). “No traten de imitar el modo de vivir de este mundo”, aconsejó el apóstol Pablo (Romanos 12:2, La Escritura Santa). Jehová nos suministra la fortaleza que precisamos para combatir tal presión (Hebreos 13:6).
12 Cuando la presión exterior amenaza con arruinar nuestro sentido de la identidad cristiana, conviene recordar que nuestra lealtad a Jehová es mucho más importante que la opinión pública o las tendencias populares. Las palabras de Éxodo 23:2 nos sirven de pauta: “No debes seguir tras la muchedumbre para fines malos”. En la ocasión en que la mayoría de los israelitas dudaron de la capacidad de Jehová para cumplir sus promesas, Caleb se negó rotundamente a apoyarlos. Estaba convencido de que las promesas de Dios eran fidedignas, postura que le reportó abundantes bendiciones (Números 13:30; Josué 14:6-11). ¿Estamos también dispuestos a resistir la presión de la mayoría y proteger nuestra relación con Dios?
Püchajaa süchiki kaaʼürüi suluʼu tü Bibliakat
Müsü suʼwaatakai saaʼin tü kekiwaa nümaʼanajeejatkat Maleiwa
6 Wainma na wayuu macheʼekana sümüin tü kekiwaa nümaʼanajeejatkat Jehová, tü aʼwaatakat kaayeruʼupünaa. Saashin tü Bibliakat apünüinsü shiʼipapaʼa wayuu ayoutaka tia kekiwaakat, nayajaʼa na «mayaawatüinkana» saaʼu nakuwaʼipa, na «katuraaraliikana» otta na «maaʼinkana aaʼin» (paashajeʼera Proverbios 1:22-25). Wekirajaa süchiki jamüin nayoutaka tü kekiwaa nümaʼanajeejatkat Maleiwa otta kasainjatüin waaʼinrüin suulia washatüin nakuwaʼipa.
11 Tü apünüinkat shiʼipapaʼa wayuu ayoutaka tü kekiwaa nümaʼanajeejatkat Jehová, naya «na maaʼinkana aaʼin». Münüshii naya mayaa süka nayoutuin wulein nakuwaʼipa wanaapünaa sümaa tü nuluwataakalü anain Maleiwa. Shia naaʼinraka tü anakat neʼe noʼuluʼu (Prov. 12:15). Nayoutuin Jehová, chi kanainjeejachikai tü kekiwaakat (Sal. 53:1). Waküjapa pütchi namüin, mojusü nanüiki wamüin süka waaʼinrüin tü sümakat tü Bibliakat. Eekajasaʼa waaʼinrüle tü namakat, mojeerü wakuwaʼipa. Anuu sünüiki tü Bibliakat: «Nnojotsü aapünüin kekiwaa nümüin chi malakai, nnojotsü kasain eein süpüla nüküjain soʼuluʼu tü pueulokot» (Prov. 24:7). Chi maaʼinkai aaʼin, nnojotsü süpüla nüküjain wamüin wanee pütchi anainjatka atuma wakuwaʼipa, müsüjeseʼe nüküjain Jehová nnojoluin anain waʼaleewajaale nümaa chi makai akuwaʼipa (Prov. 14:7).
FEBREROʼU 24–MAATSOʼU 2
KOROLO KOJUTUSÜ SULUʼUKA TÜ BIBLIAKAT PROVERBIOS 2
¿Jamüsü wekirajaweeinjatka maʼin sünain tü Bibliakat?
Woonoo waneepia sümaa tü shiimainkat nüchiki Maleiwa
16 Nnojotsü kamalain wamüin wapüshuaʼa aashajeʼeraa karaloʼuta jee ekirajawaa. Keeʼireepejeʼe naaʼin Jehová wekirajaainjanain süpüla wayaawatüin saaʼu tü shiimainkat nüchiki (paashajeʼera Proverbios 2:4-6). Waaʼinrüle tia, wainmeerü kasa watüjaka sünainjee. Naashin wanee wawala kanüliakai Corey nikirajaa anainrü waneʼewai sukua tü wetsiikulo naashajeʼerakat suluʼujee tü Bibliakat. Müshi nia: «Taashajeʼerüin tü noota wünaapünaakat sünain tü süpanakat otta tü wetsiikulokalüirua pasanainka sünain jee tekirajaa tamüsia sünain. [...] Wainma kasa tatüjaka sünainjee süka müin sukuwaʼipa tatuma». Wachajaale maʼin sukuwaʼipa süpüla wekirajaain sünain tü Bibliakat, jaʼyeerü waaʼu kojutuin wamüin tü shiimainkat nüchiki Maleiwa (Sal. 1:1-3).
Müsü suʼwaatakai saaʼin tü kekiwaa nümaʼanajeejatkat Maleiwa
3 Chi wayuu eekai kekiin, jülüjasü naaʼin tü nütüjaakalü aaʼu süchiki wanee kasa süpüla anain tü nüneekakat. Eepejeʼe sooʼomüin tü kasa naaʼinrajatkat. Müsü tü Bibliakat: «Süpüla kekiinjachin wanee wayuu, kojutuinjachi nümüin Jehová otta süpüla niyaawatüinjatüin saaʼu wanee kasa, niʼraajüinjachi chi Wulekai akuwaʼipa» (Prov. 9:10). Waneeküinjanale wanee kasa, wayaawatüinjatü saaʼu tü jülüjakat naaʼin Jehová. Wountuin tia, wekirajaale sünain tü sümakat tü Bibliakat jee tü karaloʼuta aküjakat süchiki tü sümakat. Waaʼinrüle tia, jaʼyeerü waaʼu kekiin waya (Prov. 2:5-7).
4 Nia Jehová kanainjeejachikai tü kekiwaakat (Roma 16:27). ¿Jamüsü watüjaaka saaʼu tia? Palajana, saaʼujee nukumalain waya otta nütüjaa aaʼu kasa süpüshuaʼa süchiki tü kasa nukumalakat (Sal. 104:24). Piama, atüjaana aaʼuchi kekiin nia saaʼujee tü naaʼinrakat (Roma 11:33). Apünüin, anasü nakuwaʼipa na wayuu aaʼinrakana tü nümakat (Prov. 2:10-12). Kekiijeere maʼin waya, jülüjainjatü waaʼin tia apünüinsükat kasa otta wooʼulaainjatü suʼunirüin wakuwaʼipa.
Jimaʼai jee majayüt, katsüin jutuma junoula
2 Wainma na wayuu manoujainkana sünain nukumalain waya Maleiwa. Piale wanee jimaʼai aʼyataakai nümüin Jeʼwaa jee ekirajaakai nüchiki, eesüjaʼa jülüjale paaʼin jameerüin pünüiki süpüla piiʼiyatüin shiimain Nukumalain Jeʼwaa kasakat süpüshuaʼa. Sükaaliinjain waya tü sümakat tü Wiwüliakat süpüla wayaawatüin saaʼu müleka shiimainre wanee kasa jee alawaale shia. Otta sükaaliinjain waya süpüla jülüjain waaʼin tü aküjünakat wamüin ooʼulaka tü waashajeʼerakat. Saashin tü Wiwüliakat, anale tü jülüjakat naaʼin wanee wayuu meerü saaʼinmajakai saaʼin nukuwaʼipa. ¿Suluʼu jamüin? Niyoukteerü tü alawaa ekirajünakalü anain jee katsüinjeerü nunoula nünain Jeʼwaa (paashajeʼera Proverbios 2:10-12).
3 Weʼraajüinjachi maʼin Jeʼwaa palajana süpüla katsüin wanoula nünain (1 Tim. 2:4). Paashajeʼerapa tü Wiwüliakat jee tü karalouktairua eekat wamaʼana, nnojotsü paashajeʼerüinjatüin neʼe, jülüjeesü paaʼin tü paashajeʼerakat sümaa piyaawatüin saaʼu kasain saashajaain achiki (Mat. 13:23, TNM). Paaʼinrüle tia, piyaawateerü aaʼu jamüshi niaka Jeʼwaa Kakumalain waya otta jamüshi niaka Kashajiralain tü Wiwüliakat. Shiainjatü wekirajaaka anain tia sünain ekirajaayakat tüü (Heb. 11:1).
Püchajaa süchiki kaaʼürüi suluʼu tü Bibliakat
Woonoo waneepia sümaa tü shiimainkat nüchiki Maleiwa
16 Nnojotsü kamalain wamüin wapüshuaʼa aashajeʼeraa karaloʼuta jee ekirajawaa. Keeʼireepejeʼe naaʼin Jehová wekirajaainjanain süpüla wayaawatüin saaʼu tü shiimainkat nüchiki (paashajeʼera Proverbios 2:4-6). Waaʼinrüle tia, wainmeerü kasa watüjaka sünainjee. Naashin wanee wawala kanüliakai Corey nikirajaa anainrü waneʼewai sukua tü wetsiikulo naashajeʼerakat suluʼujee tü Bibliakat. Müshi nia: «Taashajeʼerüin tü noota wünaapünaakat sünain tü süpanakat otta tü wetsiikulokalüirua pasanainka sünain jee tekirajaa tamüsia sünain. [...] Wainma kasa tatüjaka sünainjee süka müin sukuwaʼipa tatuma». Wachajaale maʼin sukuwaʼipa süpüla wekirajaain sünain tü Bibliakat, jaʼyeerü waaʼu kojutuin wamüin tü shiimainkat nüchiki Maleiwa (Sal. 1:1-3).