¿Piʼraajüin chi Maleiwakai?

Waneeshia neʼe chi Maleiwa shiimainkai, Jeʼwaa nünülia (Salmo 83:18). Nnojoishi süpüla weʼrüin nia. Aishii maʼin waya nüpüla, keeʼireesü naaʼin alin nia wapüla otta alin wapüla wayuu (Mateo 22:35-40). Nia neʼe Miyoʼuka nümüiwaʼa süka nukumalain tü kasakat süpüshuaʼa.

Palajana, nukumajüin wanee aapiee pülashi maʼin. Nia Jesukürisüto. Nüchikijee, nukumajaka waneeinnua aapiee.

Nukumala Jeʼwaa süpüshuaʼa tü kasa chakat sirumatuʼu... otta süpüshuaʼa tü kasa yaakat saaʼu tü Mmakat (Alateetkat Mapeena 4:11)

Nukumala Jeʼwaa tü sirumatuʼukat, tü Mmakat otta süpüshuaʼa tü kasa eekat saaʼu (Génesis 1:1).

Nukumajüin Adán, chi palajaikai wayuu süka sümamüla mma (Génesis 2:7).