ATÜJAINJACHI PIA YOOTIRAWAA
EKIRAJAAYA 1
Jülüja paaʼin nakuwaʼipa na waneinnua
Pütchi shiyuʼluushika anainjee: «Chi eekai alin apüla wayuu [...] nnojotsü jülüjain naaʼin nukuwaʼipa nümüiwaʼa» (1 Cor. 13:4, 5).
Tü sukuwaʼipakat nutuma Jesús
1. Pünaja tü VIDEOKOT jee shiale paashajeʼerüin Juan 4:6-9. Süchikijee tia püsakira sünain pütchikat tüü:
1. ¿Kasa jülüjaka naaʼin Jesús süchiki tü wayuukot süpülapünaa yootuin nia sümaa?
2. «Püsiʼra maa taya wüin», müshi Jesús sümüin tü wayuukot ¿jamüsü anakaʼa maʼin tü naaʼinrakat süpüla yootuin nia sümaa tü wayuukot?
Tü watüjakat nünainjee Jesús
2. Aneerü sukuwaʼipa tü yootiraakalü achiki waya shiale waashajaain achiki wanee kasa eekai kamalain sümüin tü wayuu yootokalü amaa waya.
Waaʼinra tü naaʼinrakat Jesús
3. Nnojo ichein pia süchiirua pünüiki. Nnojo ichein pia süchiirua yootuinjachin pia süchiki tü kasa jülüjakat paaʼin paala. Shia anaka aluʼu yootule pia süchiki wanee kasa jülüjaka naaʼin na wayuukana soʼu kaʼikat tia. Püsakira paaʼin sünain tüü:
1. «¿Kasa aküjünaka suluʼu noticiero?».
2. «¿Kasa yootoko achiki na wayuu kepiakana taʼütpünaa, na taʼyataajiraakana amaa jee na koleejiajiraakana tamaa?».
4. Jülüja paaʼin wanee kasa. Püsakira paaʼin sünain tüü:
1. «¿Kasache saaʼinraka tü wayuukot müinmaʼa yaa? ¿Kasakajasaʼa jülüjain saaʼin?».
2. «¿Tayaawata aaʼuche kasain sunoujain anain tü wayuukot jee jamüin sukuwaʼipa sünainjee teʼrüin saʼanaaya, süpoʼu jee shipiapaʼa?».
3. «¿Anasüche yooto müinmaʼa yaa sümaa tü wayuukot?».
5. Atüjeeshi pia aapajaa.
1. Nnojo piain yootuin maʼin.
2. Püküja sümüin tü wayuukot anain yootiraale jia, eerejeʼe süpüla püsakirüin tü wayuukot eesüjaʼa süpüla paaʼinrüin tia.