Yooto pia

Tü sukuwaʼipakat nutuma Felipe

VIDEO: Aküjashi pütchi Felipe nümüin wanee wayuu chejeʼewai Etiopía

1. Pünaja tü VIDEOKOT jee shiale paashajeʼerüin Aluwataaushikana 8:30, 31. Süchikijee tia püsakira sünain pütchikat tüü:

1. 1. ¿Kasa naaʼinraka Felipe süpülapünaa yootuin nia nümaa chi wayuukai?

2. 2. ¿Jamüsü anakaʼa tü naaʼinrakat Felipe süpülapünaa yootuin nia nümaa chia wayuukai jee nüküjain nümüin wanee kasa nnojotka nütüjaain aaʼu?

Tü watüjakat nünainjee Felipe

2. Yootule waya nümaa wanee wayuu eesüjaʼa aneerüle naaʼin wamaa otta naapajeerü tü pütchi waküjakat nümüin.

Waaʼinra tü naaʼinrakat Felipe

3. Jülüja paaʼin wanee kasa. Pütüjaajeerü aaʼu jamüin maʼin nukuwaʼipa wanee wayuu jülüjale paaʼin nüikalaaya otta nuʼupünaa. ¿Jaʼyasüche naaʼu chi wayuukai yooteein nia pümaa? «¿Paapüirü achiki tüü . . . ?», eeshijaʼa süpüla pümüin nümüin wanee wayuu süpülapünaa paashajaain nümaa süchiki tü sümakat tü Bibliakat. Nnojo püpüleeruain naaʼin wanee wayuu nnojoire naashajaweein pümaa.

4. Nnojo püshapajaain. Nnojo jülüjain paaʼin püküjamaatüinjachin tü sümakat tü Bibliakat. Nnojo püshapajaajaain meechika yootokoi neʼe paaʼin püküjapeena tü sümakat tü Bibliakat. Eeshijaʼa yooteechire pia nümaa chia wayuukai wane pukueena.

5. Yooto pia süchiki tü yooteekalü achiki wanee wayuu. Eeshijaʼa nüküjeechire chia wayuukai süchiki wanee kasa nnojotka jülüjain paaʼin yootuinjachin achiki pia nümaa, shiakalaka anain aluʼu püküjale nümüin wanee pütchi suluʼujeejatka tü Bibliakat kamalainjeetka nümüin, jaʼitasü naatain shia suulia tü pütchi püküjainjatiaakalü achiki.