Piyaawata pünüiki

Tü sukuwaʼipakat nutuma Pablo

VIDEO: Aküjashi pütchi Pablo namüin na wayuu chejeʼewaliikana Atenas

1. Pünaja tü VIDEOKOT jee shiale paashajeʼerüin Aluwataaushikana 17:22, 23. Süchikijee tia püsakira sünain pütchikat tüü:

1. 1. ¿Jamüsü naaʼin Pablo sutuma tü saainjakat wayuu Atenas süpüla suʼwaajüin shiyaakua maleiwayaasü? (Pünaʼla tü sümakat Aluwataaushikana 17:16).

2. 2. Nnojotsü mojuin nünüiki Pablo süchiki tü nanoujakalü anain na wayuu chajanakana Atenas, ¿kasa naaʼinraka Pablo süpüla niyaawatüin nünüiki nüküjainjachipa namüin na wayuu chajanakana Atenas tü pütchi anakat maʼin, wanaapünaa sümaa tü nanoujakalü anain?

Tü watüjakat nünainjee Pablo

2. Saapajeerü wayuu wanüiki wayaawatüle saaʼu tü wanüikinjatkat sümüin, jamüinjatüin süküjia watuma otta joujainjatüin waküjain shia.

Waaʼinra tü naaʼinrakat Pablo

3. Jülüja maʼin waaʼin tü wanüikinjatkat. Jamüshiijaʼa yootule waya nümaa wanee wayuu nnojoikai anoujain nünain Cristo, jülüjeesü maʼin waaʼin tü wanüikinjatkat nümüin waküjapa süchiki tü sümakat tü Bibliakat jee jamüinjatüin wanüiki wanaa sümaa waküjain nüchiki Jesús.

4. Nnojo pusoutamaatüin shiʼipajee tü sümakat wayuu pümüin. Puuʼulaa niaiwa aashajaain chi wayuukai, nüküjale pümüin süchiki wanee kasa naataka suulia tü shikirajakalü anain tü Bibliakat, nnojo püʼülüjiraain süchiirua tia (Sant. 1:19). Paapaja nünüiki, piyaawateetka saaʼu kasain nunoujain anain jee jamüin nunoujaka sünain tia (Prov. 20:5).

5. Pansaale nünüiki wanee wayuu, ana pünüiki nümüin saaʼu tia jee wanaawa paaʼin nümaa. Eesüjaʼa jülüjale naaʼin pansaain tü nunoujakalü anain. Paashajaa nümaa süchiki wanee kasa wanaawaka anain paaʼin nümaa otta pükaalinja nia süpüla niyaawatüin saaʼu shiʼipaʼaya tü shikirajakalü anain tü Bibliakat.