¿Eesüche wanee iküleesia ekirajaka tü shiimainkat?

Saʼalainparale pia wanee iküleesia, eesüjaʼa süpüla nnojoluin jamajatüin pümüin puʼunüin suluʼumüin wanee iküleesia. Akatsaʼa eein wanee iküleesia ekirajaka tü shiimainkat. Wanaa sümaa yaajachin Jesuu saʼaka wayuu, nüneeküin waneeinnua wayuu süpüla nikirajüin naya sünain tü nuchuntakat Maleiwa. Eeyüliʼiya maaʼulu yaa na wayuu aainjakana tü nuchuntakat Maleiwa. ¿Jaralii na wayuu aainjakana tia?

Müsü Estelle: «Tayaawatüitpa aaʼu tü sümakat tü Wiwüliakat süka tekirajaain namaa na aküjüliikana pütchi. Shiimainjaʼaya tü sümakat Juan 8:32: ‹Jiyaawateerü aaʼu tü shiimainkat süpüla jujuittüinjanain sütüma suulia achepchiaa›».

Müshi Ray: «Nekirajüin taya na aküjüliikana pütchi sünain nnojolin niain Maleiwa kasirüin tü müliaakat. Mayaainjeʼe nuuʼulaain eein tü müliaakat, alüʼütsü süpüla najaʼttirüin shia».

Watüjaa aaʼu kapüleein nümüin wanee wayuu naatain nukuwaʼipa noulia na waneeinnua. Püinkeetpajaʼa shia. Wainma na wayuu atüjaweekana saaʼu tü sümakat tü Wiwüliakat süpüla neʼitaain shia suluʼu nakuwaʼipa. Müshiijeʼe nekirajüin wayuu na aküjüliikana pütchi. Wainma na wayuu nekirajakana semaanawai. Wainma na wayuu atüjaakana saaʼu tü shikirajakat maʼin tü Wiwüliakat, aleewashii naya nümaa Maleiwa otta talatsü naaʼin.a

Püntiraale namaa na aküjüliikana pütchi, püsakira naya jamüin natüjaaka saaʼu shiain shiimain tü iküleesia kaluʼukat naya. Pikirajaa sünain tü nanoujakalü anain, jülüja paaʼin tü nakuwaʼipakat otta püsakira paaʼin eere wanee iküleesia ekirajaka tü shiimainkat.