Yüülale paaʼin

Jülüja waaʼin tü alatakat sümüin Sally,a wanee wayuu chejeʼewat Estados Unidos, ajaʼttaleesia tü kasa eejatkat sümaʼana sutuma wawai. Anuu sünüiki süchiki tia: «Isainjatia tachiki taaʼinruʼu eejiraain taya sümaa tü alatakat tamüin. Eesü yüülale maʼin taaʼin».

Eesü aire maʼin wamüin nünaajaale wanee wapüshi. Müsü Janice, wanee wayuu chejeʼewat Australia süchiki tia: «Mojushaatasü maʼin taaʼin wanaa sümaa nanaajaain na piamashiikana tachonnii. Kasataayaai eeitpain nachikipünaa. Tachajaapejeʼe sukuwaʼipa süpüla nnojoluin yüülain maʼin taaʼin sünainjee tia. Maʼwaisü taya nümüin Maleiwa: ‹Mojusü maʼin taaʼin, kasataalejeseʼe outuin taya›».

Anuu tü nümakat Daniel süchiki tü alatakat nümüin soʼu sümaʼüjiraain sukuwaʼipa tü nuʼwayuusekat nuulia. Müshi nia: «Maaʼatsü sütkünakai taaʼin süka rüi wanaa sümaa süküjain tamüin süinkaain nümaa wane naata toulia. Alatüsü wainma kashi sümaa ayatüinya alin tamüin tü saaʼinrakat».

¿Alatüsüche pümüin süpüshi tü kasa yaakat ashajünüin wünaapünaa?

• Sukutkujaain mma otta süsetüin wüin

• Nünaajaale wanee püpüshi

• Kawalaʼatale wanee wayuu atumawaa

• Mepire tü ayuulii pünainkat

• Yüülale paaʼin

Sülatüle pümüin tia, sükaalinjeechi pia rewiisütakat tüü süpüla nnojoluin yüülain paaʼin.