Püinkeerü shia
1. ¿Jamüshii ‹nnojoliika wayouktajüin› wayuu?
1 ‹Nnojoishii ayouktajüin wayuu› na aküjüliikana pütchi nüchiki Jeowa, waneepiashii naya sünain aküjaa süchiki tü kasa anasü süntireetkat Nuluwataaya Maleiwa (Pro. 3:27.) Shia analeeka namüin na wayuukana aapaa süchiki tü eeinjatkat sutuma Nuluwataaya Maleiwa. Eeshijaʼa püküjüle pütchi weinshi maʼaka saaʼin püpütüin karaloukta namüin na wayuukana jee püküjüin pütchi eepünaale pia, akatsaʼa eesü nnojoyürüle pikirajüin wayuu sünain tü Wiwüliakat. Piʼyataa süchiirua tia.
2. ¿Kasa nnojotka pikirajeein atuma wayuu?
2 Eeshii mmorüle waya seema ekirajaa wayuu süka iseerüin wachiki jee shiale süka kupaain maʼin waya. Kasataalejeseʼe anain jukuwaʼipa sutuma tü wekirajaainjatkat anain jooluʼu süpüla jikirajüin wayuu sünain tü Wiwüliakat (Mat. 28:19; Aluw. 20:20).
3. ¿Jamüshii watüjaka süpüleerua ekirajaa sünain tü Wiwüliakat?
3 Isasü tachiki. Eeshi nnojoiyüire pikirajüin wayuu sünain tü Wiwüliakat süka matüjüin paaʼin karaloukta jee süka iseerüin shia püchiki paashin. Soto paaʼin ‹mekirajaainsaliin sünain karaloukta otta wayuwaʼatain› na anoujüshii namaiwajanaka. Ekirajüliipajaʼa naya sünain tü shiimainkat. ¿Jalajatü tia napüla? ‹Ekirajünapüʼüshii naya nütüma Jesús› saashin tü Wiwüliakat (Aluw. 4:13). Atüjüshii nünainjee chi Atüjakai maʼin Ekirajaa. Müshiʼiya wayakana, atüjeena waya nünainjee süka suluʼuin tü Wiwüliakat sukuwaʼipa tü nikirajiakat. Mayaainjeʼe matüjüin waaʼin karaloukta, nikirajüin waya Jeowa (Isa. 50:4; 2 Cor. 3:5).
4. ¿Kasa shikirajaka anain waya nukuwaʼipa Amós?
4 Nüjütapuʼuin Jeowa wayuu meʼraajuusat sünain achiawaa wayuu kojutüka atumawaa. Maʼaka naaʼin Amós chi makai anüiki: «Nnojoipuʼushi taya nünüikimaajachin Maleiwa, nnojoishi taya nüchoin wayuu nünüikimaajachi Maleiwa, arüleejüipuʼushi taya sümaa tasonulin süchon higuera» (Amós 7:14, NM). Meimmoluinsai Amós sünain aküjaa nümüin Amasías chi shikiipüʼükai aʼwaajaa paaʼachen, süsalainjachin nia naainjala (Amós 7:16, 17). Sotuinjatü waaʼin weinshi sünain niain Jeowa shikiishika maʼin aʼyatawaakat tüü otta nikirajeenain waya sünain (2 Tim. 3:17).
5. Mayaapejeʼe kupaain waya, ¿jamüshii waʼyataainjanaka süchiirua wekirajüin wanee wayuu?
5 Kupaashi maʼin taya. Mayaapejeʼe kupaain maʼin pia, pükatalüin kaʼi süpüla aküjaa pütchi weinshi, pikirajüle waneeshikaijee wayuu talateerü maʼin paaʼin sünain aʼyatawaa nümüin Maleiwa. Talatüsü maʼin waaʼin sutuma weʼrüin wayuu anakalü akuwaʼipa sutuma tü Wiwüliakat (Heb. 4:12). Talatüshi Jeowa süka niʼrüin tü waaʼinrakat shiiʼiree akaaliinjaa wayuu süpüla «sütüjaainjatüin saaʼu tü shiimüinkat» (1 Tim. 2:4). Akaʼaya na aapieekana, «talatüshii maʼi naya nümaa wane wayuu kaainjarai müleka nuuʼulaale suulia naainjala» jee süka kooʼomüin nunoula (Luc. 15:10).
6. ¿Kasa wakaaliinjaka anain Maleiwa?
6 Shia ‹keeʼireeka maʼi naaʼin [Maleiwa] suʼtteʼennüinjatüin wayuu süpüshua sümaa sütüjaainjatüin saaʼu tü shiimüinkat› (1 Tim. 2:4). Jee wayakana, akaaliinjüshii süpüla shikeraajüinjatüin tü keeʼireekat naaʼin Maleiwa. ¡Anashaatasü maʼin tia! ¡Nnojo mmoluin pia seema ekirajaa wayuu sünain tü Wiwüliakat!