Aküjaa pütchi süka tü rewiisütakalüirua
La Atalaya Maayoʼu 1
Paashajeʼera Mateo 24:3. Süchikijee püma: «Naashin noʼutku na wayuukana pütchikat tüü aashajaasü süchiki sajaʼttinnüinjatüin tü Mmakat. Saaʼin pümüin, ¿ajaʼttinneetche tü Mmakat? [Puuʼulaa nasouktai.] Aashajaashi Jesús süchiki wanee kasa naata. Tü pütchi suluʼukat süpana 16 süküjüin sooʼomüin tia.»
¡Despertad! Maayoʼu
«Noʼutku na shikiipüʼükana waneeirua iküleesia, ekirajüshii sünain washireenain waya nutuma Maleiwa waainjüle tü nuluwataakat anain. Akatsaʼa, wainma wayuu müliaka mayaapejeʼe nnojoluin saainjüin kasa mojusü ¿aashimüin? ¿Shiimainchejeʼe keeʼireein naaʼin Maleiwa washirüinjanain waya? [Puuʼulaa nasouktai. Süchikijee paashajeʼera Hebreokana 13:5.] Shiimain tia, aapüshi Maleiwa wamüin wainma kasa anasü otta süküjüin shia pütchikat tüü.» Piiʼiyata tü pütchi suluʼukat süpana 12.
La Atalaya Juunioʼu 1
«Wainma karaloukta akaaliinjaka na wayuukana süpüla epijaa nachonnii, amüraajaa otta eʼraajünaa. ¿Eeiria tü karaloukta akaaliinjakat pia? [Puuʼulaa nasouktai.] Eesü wanee karaloukta anaka süpüla tia akatsaʼa nnojotsü aashajeʼennüin maʼin [paashajeʼera 2 Timoteo 3:16]. Rewiisütakat tüü, süküjüin jamüsü weʼitaainjatka waaʼin sünain tü Wiwüliakat otta süküjüin tü kasa eekat süpüla waainjüin.»
¡Despertad! Juunioʼu
«Maaʼulu aashajaashii maʼin na wayuukana süchiki anale jee mojule tü ojutiraakat joʼuu. Saaʼin pümüin, ¿sükaaliinjeena tü Wiwüliakat na wayuukana süpüla natüjaain saaʼu tü naainjüinjatkat? [Puuʼulaa nasouktai. Süchikijee paashajeʼera 2 Timoteo 3:16, 17.] Rewiisütakat tüü, süküjüin tü sümakat tü Wiwüliakat süchiki tia.»