Jamüinjatü wasouktia
1. ¿Jamüsü washateeka nukuwaʼipa Jesús wasakinnapa?
1 Sünainmüinreʼeya kaʼikat tüü, ponusü maʼin naaʼin na wayuukana anain nüsouktia Jesús shiʼipajee tü asakinnakat anain nia. Anasü maʼin süpüla washatüin nukuwaʼipa Jesús sünain tü waaʼinrajatkat süpüla wasouktüin shiʼipajee tü asakinnakat anain waya waküjapa pütchi (1 Ped. 2:21).
2. ¿Kasa waaʼinrajatka süpüla watüjaain saaʼu tü wasouktajatkat?
2 Waapaja palajana. Jülüjapuʼusü naaʼin Jesús tü sünainpünaakat tü asakinnakat anain nia. Süpüla wainküin tia, choʼujaweerü wasakirüin süpüla watüjaain saaʼu tü sünainpünaakat tü asakinnakat anain waya. Weʼitaa wanee shiyaawase, sümüle wanee wayuu: «¿Anoujüshii jia nünain Jesús?», eesü sütüjaweere saaʼu jamüin nnojoliika sünainpünaain waya tü miʼiraa aainjünakat 25 tisienpüroʼu. Watüjaale saaʼu tü shapaakat atuma saaʼin wanee wayuu mapüleejeerü wamüin wanoukteʼerüin tü sünoulakat (Luc. 10:25-37).
3. ¿Jalasü wousütüin pütchi anasü süpüla wasouktüin sükajee tü Wiwüliakat?
3 Wasoukta sükajee tü Wiwüliakat. Shia anaka wasouktüle sükajee tü Wiwüliakat (2 Tim. 3:16, 17; Heb. 4:12). Tü karalouktakat Razonamiento otta tü pütchikat «Temas bíblicos para consideración» suluʼuka Traducción del Nuevo Mundo de las Santas Escrituras sükaaliinjeena waya süpüla wousütüin tü wersiikulo wachajaakat achiki. Jaʼitairü mojutüin tü Wiwüliakat sümüin wanee wayuu, eesü süpüla waashajeʼerüin wanee wersiikulo sümüin sümaa anain wanüiki. Püküja sümüin jülüjüinjatüin saaʼin tü pütchi anasü suluʼukat tü Wiwüliakat, eeʼiyataka anain süpüla kaʼika süpüshuaʼa. Washatüle nukuwaʼipa Jesús, eesü süpüla: ‹kemeʼeriain wanüiki sümüin wayuu süpüshua sümaa kamaneein maʼin waya› (Col. 4:6).
4. ¿Joujainjana masouktüin waya?
4 ¿Asouktüinjana waya waneepia? Isale püchiki asouktaa wanee asakiraa, nnojo japülin pia sünain pümüin: «Nnojotsü tatüjaain aaʼu, akatsaʼa tachajaweerü achiki otta ouyanteechi taya süpüla tasouktüin shia pümüin». Süka anamiain pia otta pükaaliinjeein sünain tia, eesü süpüla sücheküin tü wayuukot puuyantüin püchikuaʼa. Akatsaʼa peʼipaweere wanee wayuu sünain aʼülüjirawaa sutuma waküjüin pütchi, paainja tü naainjakat Jesús, nnojo püsouktüin maʼin (Luc. 20:1-8). Otta müsia, nnojorüle kasajatüin nümüin wanee wayuu tü shiimainkat shiale neʼe keeʼireein naaʼin aʼülüjirawaa puuʼulaa suulia aashajawaa nümaa otta püchajaa na aapajeekana tü shiimainkat (Mat. 7:6).
5. ¿Kasa watüjüitpaka sünainjee nukuwaʼipa Jesús süpüla asouktaa waneeirua asakiraa?
5 Nütüjaa aaʼu Jesús choʼujaain niʼitaain naaʼin nünain Jeowa süpüla nikeraajüin ‹eeʼiyataa tü shiimüinkat› otta nüsouktüin shiʼipajee tü asakinnakat anain nia (Juan 18:37). Anasü maʼin tü naainjakat Jesús wapüleerua süpüla wasouktüin shiʼipajee tü nasakitkat anain na wayuu ‹süpülajanatüjüliikana eeʼiranajawaa aaʼin nütüma chi Maleiwakai süpüla eeinjanain naya nümaa waneepia› (Aluw. 13:48).