Paapa wanee rewiisüta kamaʼaitka ojuʼitüin jee shiale wanee poyeeto
Soʼu tü kashi waapakat oʼu tü karalouktakat Kasa shikirajaka süpüla woʼttüin sünain ekirajaa wayuu soʼu tü palajatkat wakua, eesü süchuntünüle saapünüinjatüin wanee rewiisüta kamaʼaitka ojuʼitüin jee shiale wanee poyeeto namüin na wayuu kamaʼanakana tü karalouktakat Kasa shikirajaka akatsaʼa mekirajaweein naya. ¿Jamüsü süchuntünaka tia?
Tü poyeeto otta tü rewiisüta kamaʼaitkat ojuʼitüin kaluʼusü pütchi anasü maʼin eeka süpüla kamalain namüin na wayuu waküjakana amüin pütchi. Makalaka nnojoluinjatüin motuin paaʼin yapajapa pia piʼitaain waneeirua saʼaka tü püküjakat aka pütchi. Mamaʼanale pia tü rewiisüta kamaʼaitkat ojuʼitüin, püchunta shia eere tü süpüleekat. Paashajaapa sümaa wanee wayuu kamaʼanaka tü karalouktakat Kasa shikirajaka akatsaʼa mekirajaweein shia, piiʼiyata tü poyeetoirua otta tü rewiisütairua pümaʼanakat otta püküja eein süpüla saapaain tü kamalainkat sümüin. Püküja joujeechin püleʼejüin. Ayatüle paainjüin tia, eeshi süpüla puʼttüin mapa sünain ekirajaa.